English Literature: ಇಂಗ್ಲಿಷ್ ಸಾಹಿತ್ಯ ಪದವೀಧರರಿಗೆ ಈ 5 ಕ್ಷೇತ್ರಗಳಲ್ಲಿ ಇದೆ ಭರ್ಜರಿ ಬೇಡಿಕೆ

ಇಂಗ್ಲಿಷ್ ಸಾಹಿತ್ಯ ಓದಿದವರು ಯಾವೆಲ್ಲಾ ಕ್ಷೇತ್ರಗಳಲ್ಲಿ ವೃತ್ತಿಜೀವನವನ್ನು ಕಂಡುಕೊಳ್ಳಬಹುದು. ಯಾವ ಫೀಲ್ಡ್ ನಲ್ಲಿ ಪದವೀಧರರಿಗೆ ಡಿಮ್ಯಾಂಡ್ ಹೆಚ್ಚಿದೆ ಎಂಬ ಮಾಹಿತಿಯನ್ನು ಇಲ್ಲಿ ನೀಡಲಾಗಿದೆ. ಆಸಕ್ತರು ಈ ಕ್ಷೇತ್ರದಲ್ಲಿ ಉದ್ಯೋಗಾವಕಾಶಗಳನ್ನು ಪಡೆಯಬಹುದು.

1) ಪಬ್ಲಿಷಿಂಗ್: ಇಂಗ್ಲಿಷ್ ಸಾಹಿತ್ಯದ ವಿದ್ಯಾರ್ಥಿಯಾಗಿ ನೀವು ಕಮಿಷನಿಂಗ್ ಮತ್ತು ಎಡಿಟಿಂಗ್ ನಿಂದ ಮಾರ್ಕೆಟಿಂಗ್ ವರೆಗೆ ವಿವಿಧ ಹುದ್ದೆಗಳಲ್ಲಿ ಕೆಲಸ ಮಾಡಬಹುದು. ಇಂಗ್ಲಿಷ್ ಭಾಷೆಯ ಮೇಲೆ ಹಿಡಿತ ಇರುವವರು ಈ ಕ್ಷೇತ್ರಗಳಲ್ಲಿ ಅದ್ಭುತ ವೃತ್ತಿ ಅವಕಾಶಗಳನ್ನು ಪಡೆಯುತ್ತಾರೆ.

2) ಸಾರ್ವಜನಿಕ ಸಂಪರ್ಕ ಕ್ಷೇತ್ರ: ಕಾರ್ಪೊರೇಟ್ ಸಂಸ್ಥೆಗಳಿಂದ ಶಿಕ್ಷಣ ಸಂಸ್ಥೆಗಳು ಮತ್ತು PR ಏಜೆನ್ಸಿಗಳವರೆಗೆ PR ಅಧಿಕಾರಿಗಳನ್ನು ನೇಮಿಸಿಕೊಳ್ಳಲಾಗುತ್ತದೆ. ಪ್ರಾಥಮಿಕ ಕೆಲಸ ಮಾಧ್ಯಮ ಮತ್ತು ಸಂಸ್ಥೆಯ ನಡುವಿನ ಸಂಪರ್ಕವಾಗಿದೆ. ಇಂಗ್ಲಿಷ್ ಭಾಷೆ ಬಲ್ಲವರು ಈ ಉದ್ಯೋಗಕ್ಕೆ ಸೂಕ್ತ. (ಪ್ರಾತಿನಿಧಿಕ ಚಿತ್ರ)

3) ಲಿಪ್ಯಂತರರು: ಇವರು ರೆಕಾರ್ಡಿಂಗ್ ಗಳನ್ನು ಆಲಿಸುತ್ತಾರೆ ಮತ್ತು ಅದನ್ನು ಇಂಗ್ಲಿಷ್ ನಲ್ಲಿ ಟೈಪ್ ಮಾಡುತ್ತಾರೆ. ವೈದ್ಯಕೀಯ, ಕಾನೂನು, ವ್ಯಾಪಾರ ಮತ್ತು ಶೈಕ್ಷಣಿಕ ಕ್ಷೇತ್ರಗಳಲ್ಲಿ ಟ್ರಾನ್ಸ್ ಕ್ರೈಬರ್ ಗಳನ್ನು ನೇಮಿಸಿಕೊಳ್ಳಲಾಗುತ್ತದೆ. ಈ ಉದ್ಯೋಗಕ್ಕೆ ಇಂಗ್ಲಿಷ್ ನ ಉತ್ತಮ ಜ್ಞಾನ ಮತ್ತು ವೇಗದ ಟೈಪಿಂಗ್ ಕೌಶಲ್ಯಗಳ ಅಗತ್ಯವಿದೆ. (ಪ್ರಾತಿನಿಧಿಕ ಚಿತ್ರ)

4) ಭಾಷಾಂತರಕಾರರು: ರಾಯಭಾರ ಕಚೇರಿಗಳು, ದೂತಾವಾಸಗಳು, ಆರೋಗ್ಯ, ಹಣಕಾಸು, ವಿಮೆ ಮತ್ತು ಪ್ರಯಾಣ ಉದ್ಯಮಗಳಲ್ಲಿ ಭಾಷಾಂತರಕಾರರನ್ನು ನೇಮಿಸಿಕೊಳ್ಳಲಾಗುತ್ತದೆ. ಈ ಉದ್ಯೋಗಕ್ಕಾಗಿ ನೀವು ಇಂಗ್ಲಿಷ್ ಹೊರತುಪಡಿಸಿ ಇತರ ಭಾಷೆಗಳಲ್ಲಿ ಪ್ರಾವೀಣ್ಯತೆ ಹೊಂದಿರಬೇಕು.

5) ಕಂಟೆಂಟ್ ರೈಟಿಂಗ್: ನಿಮ್ಮ ಆಲೋಚನೆಗಳನ್ನು ನೀವು ಇಂಗ್ಲಿಷ್ ಭಾಷೆಯಲ್ಲಿ ಸಂಕ್ಷಿಪ್ತವಾಗಿ ವ್ಯಕ್ತಪಡಿಸಲು ಸಾಧ್ಯವಾದರೆ, ಬರವಣಿಗೆಯನ್ನೇ ವೃತ್ತಿಯನ್ನಾಗಿಸಿಕೊಳ್ಳಬಹುದು. ಇಂಗ್ಲಿಷ್ ಸಾಹಿತ್ಯದಲ್ಲಿ ಪದವಿಯೊಂದಿಗೆ ಬರವಣಿಗೆ ಶೈಲಿಯನ್ನು ಈ ಉದ್ಯೋಗ ಬೇಡುತ್ತದೆ.

ಮೇಲಿನ 5 ವೃತ್ತಿ ಆಯ್ಕೆಗಳ ಜೊತೆ ಸಾಂಪ್ರದಾಯಿಕವಾಗಿ ನೀವು ಇಂಗ್ಲಿಷ್ ಟೀಚರ್, ಲೆಕ್ಚರರ್ ಆಗಬಹುದು. ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಿ ನಡೆಸುವ ಅಭ್ಯರ್ಥಿಗಳಿಗೆ ಇಂಗ್ಲಿಷ್ ವ್ಯಾಕರಣದಲ್ಲಿ ಕೋಚಿಂಗ್ ನೀಡಬಹುದು. ಟೆಲಿ ಉದ್ಯಮದಲ್ಲೂ ಇಂಗ್ಲಿಷ್ ಬಲ್ಲವರಿಗೆ ಅನೇಕ ಉದ್ಯೋಗಾವಕಾಶಗಳಿವೆ.