Career in Movie Industry: ಚಿತ್ರರಂಗದಲ್ಲಿ ಕೆಲಸ ಮಾಡುವ ಆಸೆ ಇದ್ದರೆ, ಈ ಕೋರ್ಸ್​ಗಳನ್ನು ಮಾಡುವುದು ಬೆಸ್ಟ್

ನಿಮಗೆ ಚಿತ್ರರಂಗದಲ್ಲಿ ನಟನೆಯ ಹೊರತಾಗಿ ಬೇರೆ ಉದ್ಯೋಗ ಮಾಡುವ ಆಸಕ್ತಿ ಇದ್ದರೆ, ಒಂದಷ್ಟು ಆಯ್ಕೆಗಳ ಬಗ್ಗೆ ಇಲ್ಲಿ ತಿಳಿಸಲಾಗಿದೆ. ಈ ಕೋರ್ಸ್ ಗಳನ್ನು ಮಾಡುವ ಮೂಲಕ ವೃತ್ತಿಪರರಾಗಿ ನೀವು ಸಿನಿಮಾ ಪ್ರಪಂಚವನ್ನು ಪ್ರವೇಶಿಸಬಹುದು. ಈ ಎಲ್ಲಾ ಕೋರ್ಸ್ಗಳು ಒಂದು ವರ್ಷ ಅಥವಾ 6 ತಿಂಗಳ ಡಿಪ್ಲೊಮಾ ಕೋರ್ಸ್ ಗಳಾಗಿವೆ.

ಡಿಪ್ಲೊಮಾ ಇನ್ ಸೆಟ್ ಡಿಸೈನಿಂಗ್: ಸೆಟ್ ಡಿಸೈನಿಂಗ್ ಎಂದರೆ ಸಿನಿಮಾಗಾಗಿ ಕೃತಕವಾದ ನೈಜವಾಗಿ ಕಾಣುವ ಪರಿಸರವನ್ನು ಸೃಷ್ಟಿಸುವುದು. ಕೆಲವೊಮ್ಮೆ ಸೆಟ್ ವಿನ್ಯಾಸಕರು ಸ್ಕ್ರಿಪ್ಟ್ ಮತ್ತು ದೃಶ್ಯವನ್ನು ಆಧರಿಸಿ ಸೆಟ್ ಗಳನ್ನು ಸಿದ್ಧಪಡಿಸುತ್ತಾರೆ. ಸೆಟ್ ಡಿಸೈನಿರ್ ಆಗಬೇಕು ಎಂದಿದ್ದರೆ. ಒಳ್ಳೆಯ ಮಾಧ್ಯಮ ಕಾಲೇಜಿನಲ್ಲಿ ಒಂದು ವರ್ಷದ ಡಿಪ್ಲೊಮಾ ಕೋರ್ಸ್ ಮಾಡಬಹುದು.

ಡಿಪ್ಲೊಮಾ ಇನ್ ಆಡಿಯೋ ಎಡಿಟಿಂಗ್: ಸಿನಿಮಾಗಳ ಹಿನ್ನಲೆಯಲ್ಲಿ ಬರುವ ಧ್ವನಿಯನ್ನು ಆಡಿಯೋ ಎಡಿಟರ್ ನಿರ್ವಹಿಸುತ್ತಾರೆ. ಚಿತ್ರರಂಗದಲ್ಲಿ ಆಡಿಯೋ ತಜ್ಞರ ಅವಶ್ಯಕತೆ ಹೆಚ್ಚಿದೆ. ಇದಕ್ಕಾಗಿ ನೀವು 1 ವರ್ಷದ ಕೋರ್ಸ್ ಅನ್ನು ಮಾಡಬಹುದು.

DOP(Director Of Photography): ಸಿನಿಮಾಟೋಗ್ರಫಿ ಚಲನಚಿತ್ರದ ಪ್ರಮುಖ ಅಂಶವೆಂದು ಪರಿಗಣಿಸಲಾಗಿದೆ. ಸಿನಿಮಾಟೋಗ್ರಾಫರ್ ನ ಕೆಲಸವೆಂದರೆ ಚಲನಚಿತ್ರದಲ್ಲಿ ಬಳಸಲಾದ ಕ್ಯಾಮೆರಾ ಮತ್ತು ಬೆಳಕಿನ ತಂತ್ರಗಳನ್ನು ಅರ್ಥಮಾಡಿಕೊಳ್ಳುವುದು. ಒಬ್ಬ ಸಿನಿಮಾಟೋಗ್ರಾಫರ್ ಅನ್ನು ಡಿಒಪಿ (ಫೋಟೋಗ್ರಫಿ ನಿರ್ದೇಶಕ) ಎಂದೂ ಕರೆಯಲಾಗುತ್ತದೆ. ಸಿನಿಮಾಟೋಗ್ರಫಿಯಲ್ಲಿ ಪದವಿ ಮುಗಿಸಿ, ಒಂದು ವರ್ಷದ ಡಿಪ್ಲೊಮಾ ಮಾಡಬಹುದು.

ಡಿಪ್ಲೊಮಾ ಇನ್ VFX: ವಿಎಫ್ ಎಕ್ಸ್ ಅನ್ನು ವಿಶುವಲ್ ಎಫೆಕ್ಟ್ ಎಂದೂ ಕರೆಯುತ್ತಾರೆ. ಇದನ್ನು ಇತ್ತೀಚಿನ ದಿನಗಳಲ್ಲಿ ಚಲನಚಿತ್ರಗಳಲ್ಲಿ ವ್ಯಾಪಕವಾಗಿ ಬಳಸಲಾಗುತ್ತದೆ. ನೀವು 12 ನೇ ಅಥವಾ ಪದವಿಯ ನಂತರ ಒಂದು ವರ್ಷದ ಡಿಪ್ಲೊಮಾ ಕೋರ್ಸ್ ಮಾಡಬಹುದು. ನೀವು ಯಾವುದೇ ಮಾಧ್ಯಮ ಕಾಲೇಜಿನಲ್ಲಿ ಈ ಕೋರ್ಸ್ ಮಾಡಬಹುದು. (ಸಾಂದರ್ಭಿಕ ಚಿತ್ರ)

ಡಿಪ್ಲೊಮಾ ಇನ್ ವಿಡಿಯೋ ಎಡಿಟಿಂಗ್: ವಿಡಿಯೋ ಎಡಿಟಿಂಗ್ ನಲ್ಲಿ ನೀವು ಒಂದು ವರ್ಷದ ಡಿಪ್ಲೊಮಾ ಮತ್ತು 6 ತಿಂಗಳ ಪ್ರಮಾಣಪತ್ರ ಕೋರ್ಸ್ ಎರಡನ್ನೂ ಮಾಡಬಹುದು. ಈ ಕೋರ್ಸ್ ಮಾಡಲು ಹೆಚ್ಚು ವೆಚ್ಚವಾಗುವುದಿಲ್ಲ. ಇಡೀ ಚಿತ್ರವನ್ನು ಚೆನ್ನಾಗಿ ಸಿದ್ಧಪಡಿಸುವುದು ವಿಡಿಯೋ ಸಂಪಾದಕರ ಕೆಲಸ.

ಮೇಕಪ್ ಆರ್ಟಿಸ್ಟ್: ನೀವು ಸಿನಿಮಾದಲ್ಲಿ ನಟಿಸುವವರಿಗೆ ಮೇಕಪ್ ಮಾಡಬೇಕಾಗುತ್ತೆ. ಇದಕ್ಕಾಗಿ ನೀವು ನುರಿತ ಮೇಕಪ್ ಆರ್ಟಿಸ್ಟ್ ಬಳಿ ಅಭ್ಯಾಸ ಮಾಡಿದರೆ ಸಾಕು. ಕೆಲ ಸಂಸ್ಥೆಗಳು ಮೇಕಪ್ ಸಂಬಂಧ 6 ತಿಂಗಳು ಅಥವಾ 1 ವರ್ಷ ಡಿಪ್ಲೊಮಾ ಕೋರ್ಸ್ ಗಳನ್ನು ನಡೆಸುತ್ತವೆ.