Career Tips: ಅಭ್ಯರ್ಥಿಗಳು ಈ ತಪ್ಪುಗಳನ್ನು ತಪ್ಪಿಸಿದ್ರೆ ಉದ್ಯೋಗಕ್ಕೆ ಶಾರ್ಟ್ ಲಿಸ್ಟ್ ಆಗುವುದು ಗ್ಯಾರಂಟಿ

ಸಂದರ್ಶನದಲ್ಲಿ ಯಶಸ್ವಿ ಆಗಬೇಕು ಎಂದರೆ ಅಭ್ಯರ್ಥಿಗಳು ಕೆಲವೊಂದು ತಪ್ಪುಗಳನ್ನು ಮಾಡಬಾರದು. ನಾವಿಂದು ಹೇಳಲಿರುವ ತಪ್ಪುಗಳನ್ನು ಅವಾಯ್ಡ್ ಮಾಡಿದ್ರೆ ಸಾಕು, ಸಂದರ್ಶನದಲ್ಲಿ ಯಶಸ್ಸು ಸಾಧಿಸುವುದು ತುಂಬಾನೇ ಸುಲಭ.

1. ಕಾನ್ಫಿಡೆಂಟ್ ಆಗಿ ಇರಿ: ನಿಮ್ಮ ಸಾಮರ್ಥ್ಯಗಳ ಬಗ್ಗೆ ನೀವೇ ಅನುಮಾನ ಹೊಂದಿರಬಾರದು. ಅದು ನಿಮ್ಮ ಬಾಡಿ ಲ್ಯಾಂಗ್ವೇಜ್ ನಲ್ಲಿ ಕಾಣಿಸುತ್ತದೆ. ಸ್ಪಷ್ಟತೆ ಇಲ್ಲದ ಧ್ವನಿ, ಮಾತನಾಡುವ ಧಾಟಿ, ನಿಮ್ಮ ಭುಜಗಳು, ನಿಮ್ಮ ಕಣ್ಣು ಹೀಗೆ ನಿಮ್ಮ ಆತಂಕದ ದೇಹ ಭಾಷೆಯನ್ನು ಸಂದರ್ಶಕರು ಬೇಗನೆ ಗುರುತಿಸಿ ಬಿಡುತ್ತಾರೆ.

2. ನಿಮ್ಮ ಬಗ್ಗೆ ನೀವೇ ಮಾತನಾಡಬೇಕು: ಉತ್ತಮ ಅಭ್ಯರ್ಥಿಗಳು ಸರಿಯಾದ ವಿವರಗಳನ್ನು ನೀಡುತ್ತಾರೆ. ತಮ್ಮ ಸಾಧನೆಗಳ ಬಗ್ಗೆ ಹಂಚಿಕೊಳ್ಳುತ್ತಾರೆ. ಉದ್ಯೋಗದಾತರಿಗೆ ಸರಿಯಾಗಿ ಅರ್ಥ ಮಾಡಿಸುತ್ತಾರೆ. ಸೆಲ್ಫ್ ಮಾರ್ಕೆಟಿಂಗ್ ತಪ್ಪಲ್ಲ.

3. ರೆಸ್ಯೂಮ್ ನಲ್ಲಿರುವುದರ ಬಗ್ಗೆ ವಿವರಣೆ ನೀಡಿ: ನಿಮ್ಮ ರೆಸ್ಯೂಮ್ ನಲ್ಲಿ ಹೇಳಲಾಗಿರುವ ಸಾಧನೆಯ ಅಂಶಗಳನ್ನು ಸರಿಯಾಗಿ ಮನದಟ್ಟಾಗುವಂತೆ ಸಂದರ್ಶಕರಿಗೆ ವಿವರಿಸಿ. ಒಂದು ವಾಕ್ಯದಲ್ಲಿ ಉತ್ತರಿಸುವ ಬದಲು ಅದನ್ನು ಹಂತ ಹಂತವಾಗಿ ಹೇಗೆ ಸಾಧಿಸಿದೆ ಎನ್ನುವ ಬಗ್ಗೆ ವಿವರವಾಗಿ ಹೇಳಿ. ಇದರಿಂದ ಸಂದರ್ಶಕರಿಗೆ ನಿಮ್ಮ ಸಾಮರ್ಥ್ಯದ ಅರಿವಾಗುತ್ತದೆ.

4. ಉತ್ಸಾಹದಿಂದ ಸಂದರ್ಶನಕ್ಕೆ ಹಾಜರಾಗಿ: ಸಂದರ್ಶನಕ್ಕೆ ಹೋಗುವಾಗ ನೀವು ಹತಾಶರಾದಂತೆ ಕಾಣಿಸಿಕೊಳ್ಳುವುದನ್ನು ತಪ್ಪಿಸಿ. ನೀವು ಕಂಪನಿಯಿಂದ ವಜಾಗೊಂಡಿರಬಹುದು, ನಿಮಗೆ ಹಣದ ಅಗತ್ಯವಿರಬಹುದು ಅಥವಾ ನಿಮಗೆ ಕೆಲಸ ಬೇಕೇ ಬೇಕು ಎಂಬಂಥ ಪರಿಸ್ಥಿತಿ ಇರಬಹುದು. ಅದ್ಯಾವುದನ್ನು ನಿಮ್ಮ ದೇಹ ಭಾಷೆ, ಮಾತಿನಿಂದ ಹೇಳುವ ಅಗತ್ಯವಿಲ್ಲ. ಕೆಲಸ ಕೊಟ್ಟರೆ ನೀವು ಎಷ್ಟು ಚೆನ್ನಾಗಿ ಮಾಡುತ್ತಿರ ಎಂಬಂತೆ ನಡೆದುಕೊಳ್ಳಿ.

5. ಇರುವುದನ್ನು ಇದ್ದಂತೆ ಹೇಳಿ: ನಿಮ್ಮ ದೌರ್ಬಲ್ಯಗಳನ್ನು ಸಂಪೂರ್ಣವಾಗಿ ಮುಚ್ಚಿಡಲು ಪ್ರಯತ್ನಿಸಬೇಡಿ. ಗೊತ್ತಿಲ್ಲದನ್ನು ಗೊತ್ತಿಲ್ಲ ಎಂದು ನೇರವಾಗಿ ಹೇಳಿ. ಮುಂದೆ ಕಲಿಯುವುದಾಗಿ ಹೇಳಿದ್ರೆ ಸಂದರ್ಶಕರು ಇಂಪ್ರೆಸ್ ಆಗುತ್ತಾರೆ.

6. ಅತಿಯಾದ ಸ್ವವಿಮರ್ಶೆ ಬೇಡ: ನೆನಪಿಡಿ ಫಲಿತಾಂಶವನ್ನು ನೀವು ಬದಲಾಯಿಸಲು ಸಾಧ್ಯವಿಲ್ಲ. ಏಕೆಂದರೆ ತೆರೆಮರೆಯಲ್ಲಿ ಏನಾದರೂ ಸಂಭವಿಸಿರಬಹುದು, ನೇಮಕಾತಿ ಪ್ರಕ್ರಿಯೆಯನ್ನು ಕೈಬಿಟ್ಟಿರಬಹುದು. ಹಾಗಾಗಿ ಸೆಲೆಕ್ಟ್ ಆಗಿಲ್ಲ ಅಂದ ಮಾತ್ರಕ್ಕೆ ನಿಮ್ಮದೇ ತಪ್ಪು ಎಂದು ಭಾವಿಸಬೇಡಿ.

7. ಅವರ ಜಾಗದಲ್ಲಿ ನಿಂತು ಒಮ್ಮೆ ಯೋಚಿಸಿ: ಕೆಲವೊಮ್ಮೆ ಬಜೆಟ್ ಮ್ಯಾಚ್ ಆಗದೇ ಇರಬಹುದು. ಅವರ ಬಳಿ ಇರುವ ಹುದ್ದೆಗೆ ನೀವು ಹೆಚ್ಚಿಗೆ ಓದಿದವರೂ ಸಹ ಆಗಿರಬಹುದು. ಸೆಲೆಕ್ಟ್ ಮಾಡಿಲ್ಲ ಎಂದ ಮಾತ್ರಕ್ಕೆ ಅವರು ನಿಮ್ಮನ್ನು ತಿರಸ್ಕರಿಸಿದ್ದಾರೆ ಎಂದು ಭಾವಿಸುವ ಅಗತ್ಯವಿಲ್ಲ.