Workplace Rules: ರಾಜಕೀಯ, ಡಿವೋರ್ಸ್ ಸೇರಿದಂತೆ ಈ ವಿಷಯಗಳ ಬಗ್ಗೆ ಆಫೀಸ್​ನಲ್ಲಿ ಮಾತನಾಡಲೇ ಬೇಡಿ

ಕೆಲವೊಂದು ವಿಚಾರಗಳು ಆಫೀಸ್ ವಾತಾವರಣವನ್ನು, ಉದ್ಯೋಗಿಯ ಮನಸ್ಥಿತಿಯನ್ನು ಹಾಳು ಮಾಡುತ್ತವೆ. ಆ ನಿಟ್ಟಿನಲ್ಲಿ ಕೆಲವೊಂದು ವಿಚಾರಗಳ ಬಗ್ಗೆ ಕಚೇರಿಯಲ್ಲಿ ಮಾತನಾಡದೇ ಇರುವುದು ಉತ್ತಮ. ಇದರಿಂದ ನಿಮ್ಮ ಸಮಯ, ಕಂಪನಿಯ ಸಮಯ ಉಳಿಯುತ್ತೆ. ಅನಗತ್ಯ ಚರ್ಚೆಗಳು, ಗಾಸಿಪ್ ಗಳಿಗೆ ಅವಕಾಶ ಇಲ್ಲದಂತೆ ಆಗುತ್ತದೆ. (ಸಾಂದರ್ಭಿಕ ಚಿತ್ರ)

1) ರಾಜಕೀಯ: ಮೊದಲಿಗೆ ರಾಜಕೀಯ ಪಕ್ಷಗಳು, ವ್ಯಕ್ತಿಗಳು, ರಾಜಕೀಯ ನಿಲುವುಗಳ ಬಗ್ಗೆ ಆಫೀಸ್ ನಲ್ಲಿ ಚರ್ಚೆ ಮಾಡುವುದು ಒಳ್ಳೆಯದಲ್ಲ. ಇದರಿಂದ ಪರ-ವಿರೋಧಗಳು ಸೃಷ್ಟಿಯಾಗುತ್ತೆ. ರಾಜಕೀಯದಲ್ಲಿ ನಡೆಯುವ ಬೆಳವಣಿಗೆಗಳು ಕಚೇರಿಯ ವಾತಾವರಣದ ಮೇಲೆ ಪ್ರಭಾವ ಬೀರುತ್ತೆ. ಹಾಗಾಗಿ ತಟಸ್ಥ ನಿಲುವು ಇರುವುದು ಸೂಕ್ತ. (ಸಾಂದರ್ಭಿಕ ಚಿತ್ರ)

2) ಲಿಂಗ ತಾರತಮ್ಯದ ಮಾತುಗಳಿರಬಾರದು: ಆಫೀಸ್ ನಲ್ಲಿ ಪುರುಷ ಉದ್ಯೋಗಿಗಳು, ಮಹಿಳಾ ಉದ್ಯೋಗಿಗಳು ಸಮನಾಗಿ ಕೆಲಸ ಮಾಡುತ್ತಾರೆ. ಅಯ್ಯೋ ಮಹಿಳೆಯರು ಹೀಗೆ-ಹಾಗೆ ಎಂದು ಮಾತಾಡೋದು. ಇದೆಲ್ಲಾ ಹೆಂಗಸರ ಕೈಯಲ್ಲಿ ಆಗಲ್ಲ, ಅವರಿಗೆ ಕಷ್ಟ ಆಗುತ್ತೆ ಎಂಬ ವಾಕ್ಯಗಳನ್ನು ಅವಾಯ್ಡ್ ಮಾಡಿ. (ಸಾಂದರ್ಭಿಕ ಚಿತ್ರ)

3) ಧಾರ್ಮಿಕ ವಿಚಾರಗಳ ಟೀಕೆ, ವಿಶ್ಲೇಷಣೆ ಮಾಡಬೇಡಿ: ಧಾರ್ಮಿಕ ನಂಬಿಕೆಗಳು ವೈಯಕ್ತಿಕವಾದದ್ದು, ಅವನ್ನು ಕಚೇರಿಗೆ ತರಬಾರದು. ಇದರಿಂದ ಸಂಬಂಧಗಳು ಕೆಡುವ ಸಾಧ್ಯತೆಗಳು ಹೆಚ್ಚಿರುತ್ತವೆ. (ಸಾಂದರ್ಭಿಕ ಚಿತ್ರ)

4) ಪ್ರೀತಿ-ಮದುವೆ-ಡಿವೋರ್ಸ್: ಈ ಮೂರು ವಿಚಾರಗಳು ಪರ್ಸನಲ್, ಇವುಗಳನ್ನು ಬೇರೆಯವರು ಚರ್ಚೆ ಮಾಡಬಾರದು. ಇವುಗಳ ಬಗ್ಗೆ ಮಾತನಾಡುವುದು ಉದ್ಯೋಗಿಯನ್ನು ಕುಗ್ಗಿಸಿದಂತೆ ಆಗುತ್ತವೆ. ಮನಸ್ಥಿತಿ ಕೆಡಬಹುದು. ಹಾಗಾಗಿ ಮದುವೆ ವಿಷಯವಾದರೆ ವಿಶ್ ಮಾಡಿ, ಹೆಚ್ಚಿಗೆ ವಿಚಾರಿಸಲು ಹೋಗಬೇಡಿ.

5) ಕಾಮಿಡಿ ಬಗ್ಗೆ ಇರಲಿ ಎಚ್ಚರ: ಹಾಸ್ಯ ಮನೋಭಾವ ಇರುವುದು ತಪ್ಪಲ್ಲ, ಆದರೆ ನಾನು ಮಾಡುವ ತಮಾಷೆ ಬೇರೆಯವರಿಗೆ ನೋವಾಗಬಾರದು. ನಿಮಗೆ ಕಾಮಿಡಿ ಎನಿಸುವ ವಿಷಯ ಬೇರೆಯವರಿಗೆ ಅನಿಸದೇ ಇರಬಹುದು. ಸಾಂದರ್ಭಿಕ ಚಿತ್ರ

6) ಹಣಕಾಸಿನ ವಿಚಾರ ಬೇಡ: ಸಂಬಳವೇ ಇರಲಿ, ಸಾಲವೇ ಇರಲಿ ಹಣದ ಕುರಿತು ಚರ್ಚಿಸವೇಡಿ. ಇನ್ನು ಸಹೋದ್ಯೋಗಿಗಳನ್ನು ಸಾಲ ಕೇಳುವುದು ಕೂಡ ಒಳ್ಳೆಯ ಆಯ್ಕೆ ಅಲ್ಲ ಎಂಬುವುದನ್ನು ಮರೆಯಬೇಡಿ.

7) ಕ್ರಿಕೆಟ್ ಕೂಡ ಇತಿಮಿತಿಯಲ್ಲಿರಲಿ: ಅನೇಕ ಕಂಪನಿಗಳಲ್ಲಿ ವಿವಿಧ ರಾಜ್ಯಗಳಿಂದ ಬಂದಿರುವ ಉದ್ಯೋಗಿಗಳಿರುತ್ತಾರೆ. ಐಪಿಎಲ್ ಪಂದ್ಯಗಳಲ್ಲಿ ತಮ್ಮ ತವರು ರಾಜ್ಯಗಳನ್ನು ಸಪೋರ್ಟ್ ಮಾಡುವುದು ಕಾಮನ್. ಆಗ ವಾದಗಳು ಬರಬಹುದು, ಹಾಗಾಗಿ ಇದನ್ನು ಅವಾಯ್ಡ್ ಮಾಡಿ. (ಸಾಂದರ್ಭಿಕ ಚಿತ್ರ)