Career Change: ಕಷ್ಟದ ಕೆಲಸ ಬಿಟ್ಟು, ನಿಮ್ಮಿಷ್ಟದ ಉದ್ಯೋಗಕ್ಕೆ ಸೇರಿದಾಗ ಎಲ್ಲವೂ ನೀವು ಬಯಸಿದಂತೆ ಇರಲ್ಲ, ಎಚ್ಚರಿಕೆ

ಆಸಕ್ತಿಯೇ ಬೇರೆ, ಮಾಡುವ ಕೆಲಸವೇ ಬೇರೆ ಆದಾಗ ದೊಡ್ಡ ಮಟ್ಟದಲ್ಲಿ ಏನನ್ನೂ ಸಾಧಿಸಲು ಸಾಧ್ಯವಾಗುವುದಿಲ್ಲ. ಹಾಗಾಂತ ಏಕಾಏಕಿ ವೃತ್ತಿ ಬದಲಾವಣೆಗೆ ಮುಂದಾದರೆ ಮತ್ತಷ್ಟು ಹಿಂಸೆ ಆಗಬಹುದು. ಕರಿಯರ್ ಚೇಂಜ್ ಗೂ ಮೊದಲೂ ಈ ರೀತಿ ತಯಾರಿ ಮಾಡಿಕೊಳ್ಳುವುದು ಉತ್ತಮ. (ಸಾಂದರ್ಭಿಕ ಚಿತ್ರ)

ಹೊಸ ಕ್ಷೇತ್ರದ ಬಗ್ಗೆ ಎಲ್ಲವನ್ನೂ ತಿಳಿದುಕೊಳ್ಳಿ: ನೀವು ಬದಲಾಯಿಸಲು ಬಯಸುವ ಹೊಸ ಕ್ಷೇತ್ರದ ಬಗ್ಗೆ ಸೂಕ್ತ ಮಾಹಿತಿಯನ್ನು ಹೊಂದಿರಬೇಕು. ಆ ಕ್ಷೇತ್ರ ಅಥವಾ ಕೆಲಸದ ಬಗ್ಗೆ ಜ್ಞಾನವನ್ನು ಪಡೆಯಲು ವಿಚಾರಿಸುವುದು ಬಹಳ ಮುಖ್ಯ. ಆದ್ದರಿಂದ ನೀವು ಪ್ರವೇಶಿಸಲು ಬಯಸುವ ಕ್ಷೇತ್ರದ ಜನರೊಂದಿಗೆ ಬೆರೆಯಿರಿ.

ನೆಟ್ ವರ್ಕ್ ತುಂಬಾನೇ ಮುಖ್ಯ: ನಿಮಗೆ ಅಗತ್ಯವಿರುವ ಕ್ಷೇತ್ರಗಳಲ್ಲಿ ಜ್ಞಾನ, ಕೌಶಲ್ಯಗಳನ್ನು ಪಡೆಯಲು ನೆಟ್ ವರ್ಕಿಂಗ್ ಅತ್ಯುತ್ತಮ ಮಾರ್ಗಗಳಲ್ಲಿ ಒಂದಾಗಿದೆ. ನಿಮ್ಮ ನೆಟ್ ವರ್ಕ್ ಅನ್ನು ಹೆಚ್ಚಿಸಿಕೊಳ್ಳಲು ಈವೆಂಟ್ ಗಳು ಮತ್ತು ಕಾರ್ಯಾಗಾರಗಳಿಗೆ ಹಾಜರಾಗಿ. ನೀವು ಬಯಸುವ ಕ್ಷೇತ್ರದಲ್ಲಿ ಉತ್ತಮ ಸಾಧನೆ ಮಾಡಿರುವ ವೃತ್ತಿಪರರೊಂದಿಗೆ ಸಂಪರ್ಕ ಸಾಧಿಸಿ.

ಹೊಸ ವೃತ್ತಿಗೆ ಬೇಕಾದ ಸ್ಕಿಲ್ಸ್ ಕಲಿಯಿರಿ: ನೀವು ಹೊಸ ಕ್ಷೇತ್ರದಲ್ಲಿ ಕೆಲಸ ಮಾಡಲು ನಿರ್ಧರಿಸಿದರೆ, ಆ ಕ್ಷೇತ್ರದಲ್ಲಿ ನಿಮ್ಮ ಕೌಶಲ್ಯಗಳನ್ನು ಅಭಿವೃದ್ಧಿಪಡಿಸುವತ್ತ ಗಮನಹರಿಸಿ. ನಿರ್ದಿಷ್ಟ ಕೋರ್ಸ್ ಗಳನ್ನು ತೆಗೆದುಕೊಳ್ಳುವುದು, ಸರ್ಟಿಫಿಕೇಟ್ ಹೊಂದುವುದು ಉತ್ತಮ

ರೆಸ್ಯೂಮ್ ಅನ್ನು ಅಪ್ ಡೇಟ್ ಮಾಡಿ: ಹೊಸ ಕ್ಷೇತ್ರದಲ್ಲಿ ಹೊಸ ಉದ್ಯೋಗಕ್ಕಾಗಿ ರೆಸ್ಯೂಮ್ ಅನ್ನು ರೆಡಿ ಮಾಡಿಕೊಳ್ಳಿ. ನಿಮ್ಮ ಲಿಂಕ್ಡ್ ಇನ್ ಪ್ರೊಫೈಲ್ ಅನ್ನು ನವೀಕರಿಸಲು ಮರೆಯಬೇಡಿ. ಏಕೆಂದರೆ ಇದು ನಿಮ್ಮ ವೃತ್ತಿಪರ ಪ್ರೊಫೈಲ್ ಅನ್ನು ನಿರ್ಣಯಿಸಲು ನೇಮಕಾತಿ ಏಜೆನ್ಸಿಗಳಿಗೆ ಸಹಾಯ ಮಾಡುತ್ತದೆ.

ಹೊಸತರಲ್ಲಿ ಕಷ್ಟ ಅನಿಸುತ್ತೆ, ಅಡ್ಜೆಸ್ಟ್ ಮಾಡಿಕೊಳ್ಳಬೇಕು: ಇಷ್ಟು ದಿನ ನೀವು ಕೆಲಸ ಮಾಡಿದ ಫೀಲ್ಡ್ ಅಲ್ಲಿ ನೀವು ಸೀನಿಯರ್ ಇರಬಹುದು, ಆದರೆ ಹೊಸ ಕ್ಷೇತ್ರದಲ್ಲಿ ನೀವು ಇನ್ನೂ ಜೂನಿಯರ್. ಹಾಗಾಗಿ ಸ್ವಲ್ಪ ಇರಿಸುಮುರಿಸು ಆದರೂ ಅಡ್ಜೆಸ್ಟ್ ಮಾಡಿಕೊಂಡು ಹೋಗಿ. ಆರಂಭದಲ್ಲಿ ಸ್ಯಾಲರಿ ಕೂಡ ಕಡಿಮೆ ಇರಬಹುದು. ಆದರೆ ಇದು ನಿಮ್ಮ ಇಷ್ಟದ ಕೆಲಸ ಎಂಬ ಆತ್ಮತೃಪ್ತಿ ಇರುವಂತೆ ನೋಡಿಕೊಳ್ಳಿ.

ಆತ್ಮವಿಶ್ವಾಸ ಅತ್ಯಗತ್ಯ : ಆರಂಭದಲ್ಲಿ ಎಲ್ಲವೂ ನೀವು ಬಯಸಿದಂತೆ ಇರುವುದಿಲ್ಲ. ಕ್ರಮೇಣ ಎಲ್ಲವೂ ಸರಿ ದಾರಿಗೆ ಬರುತ್ತೆ. ನಿರಾಸೆಗೊಳ್ಳಬೇಡಿ, ನಿಮ್ಮ ಸಾಮರ್ಥ್ಯದ ಮೇಲೆ ನೀವೇ ಅನುಮಾನಪಡಬೇಡಿ. ಬದಲಿಗೆ ಆತ್ಮವಿಶ್ವಾಸದಿಂದ ಮುನ್ನುಗ್ಗಿ.