Interview Tips-11: ಸಂದರ್ಶನದಲ್ಲಿ ಕೇಳುವ 7 ಅತ್ಯಂತ ಕಠಿಣ ಪ್ರಶ್ನೆಗಳಿವು, ಮೊದಲೇ ತಯಾರಾಗಿರಿ

ಪ್ರಶ್ನೆ 1: ಬೇರೆ ಅಭ್ಯರ್ಥಿಗಳಲ್ಲಿ ಇಲ್ಲದ ವಿಶೇಷ ಗುಣ ನಿಮ್ಮಲ್ಲಿ ಏನಿದೆ? ಎಲ್ಲರನ್ನೂ ಬಿಟ್ಟು ನಿಮ್ಮನ್ನೇ ಈ ಹುದ್ದೆಗೆ ಏಕೆ ನೇಮಿಸಿಕೊಳ್ಳಬೇಕು? ಈ ಪ್ರಶ್ನೆ ಕೇಳಿದೊಡನೆ ಗಾಬರಿಯಾಗಬೇಡಿ. ನಿಮ್ಮಲ್ಲಿರುವ ಪಾಸಿಟಿವ್ ಅಂಶವನ್ನು ಹೇಳಿ. ಉದ್ಯೋಗ ಕೊಟ್ಟರೆ ನೀವು ಎಷ್ಟು ಚೆನ್ನಾಗಿ ಕೆಲಸ ಮಾಡುತ್ತೀರಿ ಎಂದು ಮನವರಿಕೆ ಮಾಡಿಕೊಡಿ.

ಪ್ರಶ್ನೆ 2: ನಿಮ್ಮನ್ನು 3 ಪದಗಳಲ್ಲಿ ವಿವರಿಸಿ? ಅಥವಾ ನಿಮ್ಮ ಬಗ್ಗೆ 3 ಪದಗಳನ್ನು ಹೇಳಿ? ಈ ಪ್ರಶ್ನೆಗೆ ನೀವು ವೈಯಕ್ತಿಕವಾದ ಉತ್ತರವನ್ನು ಕೊಡಬೇಡಿ. ಒಳ್ಳೆಯ ವ್ಯಕ್ತಿ, ಎಮೋಷನಲ್ ಅಂತೆಲ್ಲಾ ಹೇಳಬೇಡಿ. ಬದಲಿಗೆ ಕೆಲಸಕ್ಕೆ ಸಂಬಂಧಿಸಿದಂತೆ ಹೇಳಿ. ಟಾಸ್ಕ್ ಮಾಸ್ಟರ್, ಡಯ್ನಾಮಿಕ್, ಟೀಂ ವರ್ಕರ್ ಎಂದು ಹೇಳುವುದು ಸೂಕ್ತವೆನಿಸುತ್ತೆ.

ಪ್ರಶ್ನೆ 3: ಒತ್ತಡದಲ್ಲಿ ನೀವು ಹೇಗೆ ಕೆಲಸ ಮಾಡುತ್ತೀರಿ? ಇದಕ್ಕೆ ಈ ರೀತಿ ಉತ್ತರಿಸಬಹುದು. ಹೌದು, ನಾನು ಮಾಡುವ ಕೆಲಸದಲ್ಲಿ ಒತ್ತಡ ಇದ್ದೇ ಇರುತ್ತೆ. ಮೊದಲು ಒತ್ತಡವನ್ನು ನಿಭಾಯಿಸಲು ಕಷ್ಟವಾಗುತ್ತಿತ್ತು. ಆದರೆ ಈಗ ಅನುಭವಿ ಉದ್ಯೋಗಿಯಾಗಿ ನಾನು ಒತ್ತಡವನ್ನು ನಿಭಾಯಿಸುವುದನ್ನು ಕಲಿತಿದ್ದೇನೆ ಎಂದು ಹೇಳಿ.

ಪ್ರಶ್ನೆ 4: ನಿಮ್ಮ ದೊಡ್ಡ ವೀಕ್ನೆಸ್ ಏನು? ಉದಾಹರಣೆಗೆ ಈ ರೀತಿ ಉತ್ತರಿಸುವುದು ಸೂಕ್ತ. ವೃತ್ತಿಯ ಆರಂಭದಲ್ಲಿ ಡೆಡ್ ಲೈನ್ ಒಳಗೆ ಕೆಲಸ ಮಾಡುವುದು ನನಗೆ ಒತ್ತಡ ಎನಿಸುತ್ತಿತ್ತು. ಆದರೆ ಈಗ ನನ್ನನ್ನು ನಾನು ಈ ನಿಟ್ಟಿನಲ್ಲಿ ಸಾಕಷ್ಟು ಸುಧಾರಿಸಿಕೊಂಡಿದ್ದೇನೆ. ಕೊಟ್ಟ ಟಾಸ್ಕ್ ನಲ್ಲಿ ಯಾವುದು ಹೆಚ್ಚು ಮುಖ್ಉ, ಯಾವುದನ್ನು ಮೊದಲ ಮಾಡಬೇಕು ಎಂದು ಅರಿತಿದ್ದೇನೆ ಎಂದು ಉತ್ತರಿಸಿ.

ಪ್ರಶ್ನೆ 5: ಉದ್ಯೋಗಿಯಾಗಿ ನಿಮ್ಮ ದೊಡ್ಡ ಸೋಲು ಯಾವುದು? ಇದು ತುಂಬಾನೇ ಟ್ರಿಕ್ಕಿಯಾದ ಪ್ರಶ್ನೆ. ನನ್ನ ಸಾಮರ್ಥ್ಯದ ಮೇಲೆ ಅವಲಂಬಿತ ಕೆಲಸಗಳಲ್ಲಿ ನನಗೆ ಆತ್ಮವಿಶ್ವಾಸವಿದೆ. ಆದರೆ ಆರೋಗ್ಯ ಸಂಬಂಧಿತ ವಿಷಯಗಳು ಯಾರ ನಿಯಂತ್ರಣದಲ್ಲೂ ಇರುವುದಿಲ್ಲ. ಕೊರೊನಾ ಸಮಯದಲ್ಲಿ ಕೆಲಸಕ್ಕೆ ತೊಂದರೆ ಆಯಿತು, ಆ ಪರಿಸ್ಥಿತಿ ನನಗೆ ನನ್ನ ಸೋಲು ಎನಿಸಿತು ಎಂದು ವಿವರಿಸಿ.

ಪ್ರಶ್ನೆ 6: ಸಮಸ್ಯೆಗಳನ್ನು ನೀವು ಹೇಗೆ ನಿಭಾಯಿಸುತ್ತೀರಿ? ಇದು ನಿಜಕ್ಕೂ ಕಠಿಣವಾದ ಪ್ರಶ್ನೆ. ಸಮಸ್ಯೆಗಳನ್ನು ಗುರುತಿಸುವುದು, ಹೇಳುವುದಷ್ಟೇ ಅಲ್ಲ. ಯಾವಾಗಲು ಸಮಸ್ಯೆಗಳಿಗೆ ಪರಿಹಾರದೊಂದಿಗೆ ಬರುವುದು ಮುಖ್ಯ. ಸ್ಟಾರ್ಜಿಕ್ ಥಿಂಕಿಂಗ್ ಅನ್ನು ಅಳವಡಿಸಿಕೊಳ್ಳುವುದು ಮುಖ್ಯ ಎಂದು ಹೇಳಿ.

[caption id="attachment_891881" align="alignnone" width="1280"] ಪ್ರಶ್ನೆ 7: ಮುಂದಿನ 5 ವರ್ಷಗಳಲ್ಲಿ ನೀವು ಏನಾಗಿರಬೇಕು ಎಂದು ನಿರೀಕ್ಷಿಸುತ್ತೀರಿ? ಕರಿಯರ್ ದೃಷ್ಟಿಯಿಂದ ಈ ಪ್ರಶ್ನೆಗೆ ಉತ್ತರಿಸಬೇಕು. ಟೀಂ ಲೀಡರ್, ಮ್ಯಾನೇಜರ್ ಇಲ್ಲವೇ ನಿಮ್ಮ ಕಂಪನಿಯಲ್ಲಿ ಉನ್ನತ ಹುದ್ದೆಯಲ್ಲಿರಲು ಬಯಸುವುದಾಗಿ ಆ ನಿಟ್ಟಿನಲ್ಲಿ ಕೆಲಸ ಮಾಡುವುದಾಗಿ ಹೇಳಿ.

ಮೇಲಿನ ಪ್ರಶ್ನೆಗಳು ಎದುರಾದಾಗ ಗಾಬರಿಯಾಗಬೇಡಿ. ಪ್ರಶ್ನೆಯನ್ನು ಪೂರ್ತಿಯಾಗಿ ಕೇಳಿಸಿಕೊಳ್ಳಿ. ನಂತರ ಮಂದಸ್ಮಿತರಾಗಿಯೇ ಉತ್ತರ ನೀಡಿ. ನಿಮ್ಮ ಉತ್ತರ ಸತ್ಯವಾಗಿಯೂ, ವಾಸ್ತವಕ್ಕೆ ಹತ್ತಿರ ಇರುವಂತೆಯೂ ಇರಬೇಕು. ಆಗ ಸಂದರ್ಶಕರು ನಿಮ್ಮ ಉತ್ತರದಿಂದ ಸಂತುಷ್ಟರಾಗುತ್ತಾರೆ.