Career Tips: ಈ 7 ಲಕ್ಷಣಗಳಲ್ಲಿ ಕೆಲವೊಂದು ಇದ್ದರೂ ಉದ್ಯೋಗಿಗಳು ಬೇಗ ಕೆಲಸ ಕಳೆದುಕೊಳ್ಳುತ್ತಾರೆ

ವರ್ಷಗಟ್ಟಲೇ ಒಂದೇ ಉದ್ಯೋಗದಲ್ಲಿರುವ ನೌಕರರು ಒಂದು ರೀತಿಯ ನಿರ್ಲಕ್ಷ್ಯ ಭಾವವನ್ನು ತಲುಪಿಬಿಡುತ್ತಾರೆ. ಅಂತವರು ಆದಷ್ಟು ಬೇಗ ಉದ್ಯೋಗ ಕಳೆದುಕೊಳ್ಳವ ಸಾಧ್ಯತೆಗಳಿರುತ್ತವೆ. ಉದ್ಯೋಗಿಯಲ್ಲಿ ಈ 7 ಲಕ್ಷಣಗಳಲ್ಲಿ ಕೆಲವೊಂದು ಇದ್ದರೂ ಬೇಗ ಕೆಲಸ ಕಳೆದುಕೊಳ್ಳುತ್ತಾರೆ. ಅವು ಯಾವುವು ಎಂದು ತಿಳಿಯೋಣ ಬನ್ನಿ.

1) ಹೇಳಿದ ಕೆಲಸವನ್ನಷ್ಟೇ ಮಾಡುವುದು: ಪ್ರಮೋಷನ್, ಸಂಬಳ ಏರಿಕೆ ವಿಷಯ ಬಂದಾಗ ಉದ್ಯೋಗಿಯ ಪರ್ಫಾಮೆನ್ಸ್ ನೋಡಲಾಗುತ್ತೆ. ಕೊಟ್ಟ ಕೆಲಸವನ್ನಷ್ಟೇ ಮಾಡಿದವರು ಉತ್ತಮ ಅಂತಲೂ ಅನಿಸಿಕೊಳ್ಳುವುದಿಲ್ಲ, ಕಳಪೆ ಅಂತಲೂ ಅನಿಸಿಕೊಳ್ಳುವುದಿಲ್ಲ. ಇವರಿಂದ ಸಂಸ್ಥೆಗೆ ಹೆಚ್ಚಿನ ಲಾಭವೇ ಇರುವುದಿಲ್ಲ. ಅಂತವರು ಕ್ರಮೇಣ ಕಂಪನಿಗೆ ಬೇಕಾಗಿರುವುದಿಲ್ಲ. (ಸಾಂದರ್ಭಿಕ ಚಿತ್ರ)

2) ಎಲ್ಲದಕ್ಕೂ ಲೇಟ್: ಆಫೀಸ್ ಗೆ ತಡವಾಗಿ ಬರುವುದು ಮಾತ್ರವಲ್ಲ, ಕೊಟ್ಟ ಕೆಲಸವನ್ನು ಸಮಯಕ್ಕೆ ಸರಿಯಾಗಿ ಮಾಡದೇ ಇರುವುದು. ಪದೇ ಪದೇ ಡೈಡ್ ಲೈನ್ ಗಳನ್ನು ಮೀರುವುದು ಕೂಡ ಒಳ್ಳೆಯ ಉದ್ಯೋಗಿಯ ಲಕ್ಷಣವಲ್ಲ.

3) ಜಗಳಗಳಲ್ಲಿ ಸದಾ ಮುಂದೆ: ಸಣ್ಣ-ಪುಟ್ಟ ವಿಷಯಗಳನ್ನು ದೊಡ್ಡದು ಮಾಡುವುದು. ಅತಿರೇಕದಿಂದ ವರ್ತಿಸುವುದು. ಆಫೀಸ್ ವಾತಾವರಣವನ್ನು ಹಾಳು ಮಾಡುವುದು. ಜಗಳದ ಧ್ವನಿಯಲ್ಲೇ ಮಾತನಾಡುವುದು. (ಸಾಂದರ್ಭಿಕ ಚಿತ್ರ)

4) ಸದಾ ದೂರುವುದು: ಎಲ್ಲದಕ್ಕೂ ಕಂಪ್ಲೇಂಟ್ ಮಾಡುವುದು. ಬೇರೆಯವರ ತಪ್ಪುಗಳನ್ನು ದೊಡ್ಡದು ಮಾಡುವುದು, ಎತ್ತಿ ತೋರಿಸುವುದು. ಬಾಸ್ ಬಳಿ ಸದಾ ದೂರುವುದು. ಕೆಲಸದ ಬಗ್ಗೆ, ವ್ಯವಸ್ಥೆ ಬಗ್ಗೆ ಗೊಡಗುವುದು.

5) ಹೊಸ ಅವಕಾಶಗಳಿಗೆ ಬೆನ್ನು ಮಾಡುವುದು: ಯಾವುದೇ ಹೊಸ ಕೆಲಸ, ಸವಾಲುಗಳಿಗೆ ಬೆನ್ನು ಮಾಡುವುದು. ಯಾವುದೇ ಪ್ರಾಜೆಕ್ಟ್ ನ ಮೇಲುಸ್ತುವಾರಿಯಾಗಲು ನಿರಾಕರಿಸುವುದು. ಪ್ರಾತಿನಿಧಿಕ ಚಿತ್ರ

6) ಪ್ರಮೋಷನ್ನೂ ಕೇಳಲ್ಲ, ಸ್ಯಾಲರಿ ಹೈಕ್ ಕೂಡ ಕೇಳಲ್ಲ: ಕೆಲಸದಲ್ಲಿರುವುದೇ ಸಾಕು ಎನ್ನುವವರು ಇದ್ದಾರೆ. ತಾನು ಸರಿಯಾಗಿ ಕೆಲಸ ಮಾಡುತ್ತಿಲ್ಲ ಎಂದು ಅವರಿಗೇ ಗೊತ್ತಿರುವುದರಿಂದ ಹೈಕ್, ಪ್ರಮೋಷನ್ ಕೇಳುವ ಗೋಜಿಗೇ ಹೋಗಲ್ಲ. ಕೆಲಸದಿಂದ ತೆಗೆದು ಹಾಕದಿದ್ದರೆ ಸಾಕು ಎಂಬ ರೀತಿ ಇರುತ್ತಾರೆ.

7) ಅದು ನನ್ನ ಕೆಲಸವಲ್ಲ ಅಂತ ಹೇಳೋದು: ಸ್ವಲ್ಪ ಹೆಚ್ಚಿನ ಜವಾಬ್ದಾರಿ ನೀಡಿದರೂ ಅದಕ್ಕೆ NO ಎಂದು ಹೇಳುವುದು. ಯಾರಾದರೂ ಸಹೋದ್ಯೋಗಿ ರಜೆಯಲ್ಲಿದ್ದಾಗ ಅವರ ಕೆಲಸವನ್ನು ಕೊಂಚ ನೋಡಿಕೊಳ್ಳಿ ಎಂದರೆ ನಿರಾಕರಿಸುವುದು. (ಪ್ರಾತಿನಿಧಿಕ ಚಿತ್ರ)