Career Tips: ಆಫೀಸ್​​ನಲ್ಲಿ ನಿಮ್ಮ ಗೌರವ ಹೆಚ್ಚಾಗಬೇಕೆಂದರೆ 5 ಸೈಕಲಾಜಿಕಲ್ ಟ್ರಿಕ್ಸ್ ಬಳಸಿ

ನಾವು ಮಾಡುವ ಕೆಲಸವನ್ನು ಗುರುತಿಸಬೇಕು, ನಾವು ಮಾಡುವ ಕೆಲಸಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಬೇಕು. ಸಹೋದ್ಯೊಗಿಗಳು ತನ್ನನ್ನು ಗಂಭೀರವಾಗಿ ಪರಿಗಣಿಸಬೇಕು ಎಂದು ಪ್ರತಿಯೊಬ್ಬ ಉದ್ಯೋಗಿಯೂ ಬಯಸುತ್ತಾರೆ. ಹಾಗಾಂತ ಮುಖ ಗಂಟು ಹಾಕಿಕೊಂಡರೆ ಜನ ನಿಮನ್ನು ಸೀರಿಯಸ್ ಆಗಿ ತೆಗೆದುಕೊಳ್ಳುತ್ತಾರೆ ಎಂದು ಅರ್ಥವಲ್ಲ.

ಆಫೀಸ್ ನಲ್ಲಿ ನಿಮ್ಮನ್ನು ಗಂಭೀರವಾಗಿ ನೋಡಬೇಕು, ಹೆಚ್ಚಿನ ಗೌರವ ನೀಡಬೇಕು ಎಂದರೆ ಅದಕ್ಕಾಗಿ ಕೆಲವೊಂದು ಸೈಕಲಾಜಿಕರ್ ಟ್ರಿಕ್ಸ್ ಇವೆ. ಆ ರೀತಿ ಈ 5 ಟ್ರಿಕ್ಸ್ ಬಳಸಿದರೆ ನಿಧಾನವಾಗಿ ಆಫೀಸ್ ನಲ್ಲಿ ನಿಮ್ಮ ಇಮೇಜೇ ಚೇಂಜ್ ಆಗುತ್ತೆ.

1) ಟೈಮ್ ಗೆ ಹೆಚ್ಚಿನ ಬೆಲೆ ಕೊಡಿ: ನಿಮ್ಮ ಸ್ವಂತ ಸಮಯವನ್ನು ನೀವು ಮೊದಲು ಗೌರವಿಸುವುದು ಮುಖ್ಯ. ಸರಿಯಾದ ಸಮಯಕ್ಕೆ ಕೆಲಸಕ್ಕೆ ಬರುವುದು. ಕೊಟ್ಟ ಕೆಲಸಗಳನ್ನು ಡೆಡ್ ಲೈನ್ ಒಳಗೆ ಪೂರೈಸುವುದು ನಿಮ್ಮನ್ನು ದೃಢ ಉದ್ಯೋಗಿಯನ್ನಾಗಿಸುತ್ತೆ. ನೀವು ಹೆಚ್ಚಿನ ಮೌಲ್ಯವನ್ನು ಹೊಂದಿರುವ ವ್ಯಕ್ತಿಯಾಗಿ ಹೊರಹೊಮ್ಮುತ್ತೀರಿ.

2) ಖಡಕ್ ಆಗಿ ಆತ್ಮವಿಶ್ವಾಸದಿಂದ ಮಾತನಾಡಿ: ಇತರರು ಗೌರವಿಸಲು ನಿಮ್ಮ ಮಾತು ಬಹಳ ಮುಖ್ಯ. ನಿಮ್ಮ ಅನಿಸಿಕೆಗಳನ್ನು ಆತ್ಮವಿಶ್ವಾಸದೊಂದಿಗೆ ತಿಳಿಸಿ. ಆಗ ಜನ ನಿಮಗೆ ಗಮನ ಕೊಟ್ಟು, ನಿಮ್ಮ ಮಾತನ್ನು ಕೇಳುತ್ತಾರೆ. ಮಾತನಾಡಲು ಹಿಂಜರಿಯುವುದು, ತೊದಲುವುದು, ಎಲ್ಲಿಯೋ ನೋಡಿಕೊಂಡು ಮಾತನಾಡುವವರನ್ನು ಜನ ಸಿಂಪಥಿಯಿಂದ ನೋಡುತ್ತಾರೆಯೇ ಹೊರತು ಗೌರವದಿಂದ ಅಲ್ಲ.

3) ವರ್ಕ್ ಎಥಿಕ್ ತುಂಬಾನೇ ಮುಖ್ಯ: ಮೌಲ್ಯಗಳನ್ನು ಹೊಂದಿರಬೇಕು, ವೃತ್ತಿಪರವಾಗಿ ನಡೆದುಕೊಳ್ಳಬೇಕು. ನಿಯಮಕ್ಕೆ ಬದ್ಧರಾಗಿ ನಡೆದುಕೊಳ್ಳುವವರನ್ನು ಜನ ಭಯ-ಭಕ್ತಿಯಿಂದ ನೋಡುತ್ತಾರೆ. (ಪ್ರಾತಿನಿಧಿಕ ಚಿತ್ರ)

4) ಚುರುಕಾಗಿರಬೇಕು: ಒಳ್ಳೆಯ ಕೇಳುಗರಾಗಿರಿ, 10 ಮಾತನಾಡುವ ಜಾಗದಲ್ಲಿ ಒಂದು ಮಾತನಾಡಿ. ಚುರುಕಾಗಿ ಪ್ರತಿಕ್ರಿಯಿಸುವುದನ್ನು ಕಲಿತಿಕೊಳ್ಳಿ. ವಿಭಿನ್ನವಾದ ಆಲೋಚನೆ ನಿಮ್ಮನ್ನು ವಿಶೇಷ ವ್ಯಕ್ತಿಯನ್ನಾಗಿ ಮಾಡುತ್ತೆ.

5) ಎಲ್ಲದಕ್ಕೂ ಪ್ರತಿಕ್ರಿಯಿಸಲು ಹೋಗಬೇಡಿ: ಕೆಲಸದ ವಿಷಯವನ್ನಷ್ಟೇ ಮಾತನಾಡಿ. ಅನಗತ್ಯ ಮಾತು, ಗಾಸಿಪ್ ಗಳಿಂದ ದೂರವಿರಿ. ಎಲ್ಲರ ಬಗ್ಗೆಯೂ ಸಾಮಾನ್ಯ ಗೌರವ ಇರುವುದು, ಸಮಾನವಾಗಿ ನೋಡುವುದು ನಿಮ್ಮನ್ನು ಉತ್ತಮ ವ್ಯಕ್ತಿಯನ್ನಾಗಿ ಮಾಡುತ್ತೆ.

ನಮಗೆ ಗೌರವ ಕೊಡಿ ಎಂದು ನೇರವಾಗಿ ಕೇಳುವುದರಿಂದ ನೀವು ಗೌರವಿಸ್ಪಡುವುದಿಲ್ಲ. ನಿಮ್ಮ ವ್ಯಕ್ತಿತ್ವ ನಿಮ್ಮನ್ನು ಜನ ಗೌರವಿಸುವಂತೆ ಮಾಡುತ್ತೆ. ಅದಕ್ಕೆ ಸೈಕಲಾಜಿಕಲ್ ಟ್ರಿಕ್ಸ್ ಎನ್ನುವುದು.