Workplace: ಆಫೀಸ್​ನಲ್ಲಿ ಹೀಗೆಲ್ಲಾ ಆಗ್ತಿದ್ರೆ ನೀವು ಮೊದ್ಲು ಕೆಲಸ ಬಿಡೋದು ಉತ್ತಮ!

ನಮ್ಮಲ್ಲಿ ಅನೇಕ ಜನರು ಕಂಫರ್ಟ್‌ ಝೋನ್‌ನಲ್ಲೇ ಜೀವಿಸೋಕೆ ಇಷ್ಟ ಪಡುತ್ತಾರೆ. ತಮ್ಮ ಸಾಮರ್ಥ್ಯಕ್ಕೆ ತಕ್ಕಂತ ಕೆಲಸ ಮಾಡೋದು ಬಿಟ್ಟು ಆರಾಮದಾಯಕವಾಗಿರುವ ಕೆಲಸವನ್ನು ಮುಂದುವರಿಸುತ್ತಾರೆ. ಆದರೆ ಜೀವನದಲ್ಲಿ ಅದರಲ್ಲೂ ವೃತ್ತಿಯಲ್ಲಿ ನಿಮ್ಮ ಮೌಲ್ಯವನ್ನು ಸರಿಯಾಗಿ ಪರಿಗಣಿಸದಿದ್ದಾಗ ನೀವು ಅದನ್ನು ಬದಲಾಯಿಸಿದರೆ ಒಳ್ಳೆಯದು.

ಆಮಿ ಪೋರ್ಟರ್‌ಫೀಲ್ಡ್, ಪ್ರಸಿದ್ಧ ಬರಹಗಾರ್ತಿ ಹಾಗೂ ವಾಣಿಜ್ಯೋದ್ಯಮಿ. ಅವರು ತಮ್ಮ ಕೆಲಸವನ್ನು ಬಿಟ್ಟು ಹತ್ತಾರು ಮಿಲಿಯನ್‌ ಗಳಿಸುವ ಉದ್ಯಮವನ್ನು ಆರಂಭಿಸಿ ಯಶಸ್ವಿಯಾಗಿದ್ದಾರೆ. ಈ ಯಶಸ್ಸು ಸಾಧ್ಯವಾಗಿದ್ದು ಹೇಗೆ ಎಂಬುದರ ಬಗ್ಗೆ ಅವರು ವಿವರಿಸುತ್ತಾರೆ.

ಸಹೋದ್ಯೋಗಿಯ ವೇತನ ಗೊತ್ತಾಗಿದ್ದೇ ಟರ್ನಿಂಗ್‌ ಪಾಯಿಂಟ್: ಮೊದಲು ಆಮಿ ಪೋರ್ಟರ್‌ಫೀಲ್ಡ್ ಆಕಸ್ಮಿಕವಾಗಿ ಪುರುಷ ಉದ್ಯೋಗಿಯ ಸಂಬಳವನ್ನು ಫ್ಯಾಕ್ಸ್‌ನಲ್ಲಿ ನೋಡಿಬಿಡುತ್ತಾರೆ. ಹಾಗಾಗಿ ಆಕೆಗೆ ಗೊತ್ತಾಗಿದ್ದು ಆ ವ್ಯಕ್ತಿಗೆ ತನಗಿಂತ ಹೆಚ್ಚು ಸಂಬಳ ಬರುತ್ತಿದೆ ಅನ್ನೋದು. ಆದರೆ ಆ ಕಂಪನಿಯಲ್ಲಿ ಆಕೆ ದೊಡ್ಡ ರೋಲ್‌ನಲ್ಲಿದ್ದರು ಹಾಗೆಯೇ ಹೆಚ್ಚು ಸಮಯದಿಂದ ಆ ಕಂಪನಿಯಲ್ಲೇ ಇದ್ದರು, ಇದಾದ ಬಳಿಕ ಆಕೆ ಹೊಸ ಕೆಲಸವನ್ನು ಹುಡುಕಲು ಆರಂಭಿಸಿದರು. ನಂತರ ಮೂರು ತಿಂಗಳ ನಂತರ ಬೇರೆ ಕೆಲಸ ಸಿಕ್ಕಿ ಆಕೆ ಹೊರಟುಹೋದಳು.

ಇನ್ನು, ಫೆಬ್ರವರಿಯಲ್ಲಿ ಪೋರ್ಟರ್‌ಫೀಲ್ಡ್ ಪುಸ್ತಕವನ್ನು ಪ್ರಕಟಿಸಿದ್ದು, ಅದರ ಹೆಸರು ಟು ವೀಕ್ಸ್ ನೋಟಿಸ್: ಫೈಂಡ್ ದಿ ಕರೇಜ್ ಟು ಕ್ವಿಟ್ ಯುವರ್ ಜಾಬ್, ಫೈಂಡ್ ದಿ ಕರೇಜ್ ಟು ಕ್ವಿಟ್ ಯುವರ್ ಮನಿ, ವರ್ಕ್ ವೇರ್ ಯು ವಾಂಟ್, ಆಂಡ್ ಚೇಂಜ್ ದಿ ವರ್ಲ್ಡ್ ಅಂತ. ಇದರಲ್ಲಿ ಅವರು ತಮ್ಮ ಉದ್ಯೋಗಗಳನ್ನು ತೊರೆಯಲು ಬಯಸುವ ಜನರಿಗೆ ಮೂರು ಪ್ರಮುಖ ಅಂಶಗಳನ್ನು ಪರಿಗಣಿಸಿ ಎಂದು ಸಲಹೆ ನೀಡಿದ್ದಾರೆ.

 ಕಡಿಮೆ ವೇತನ : ಕಡಿಮೆ ಸಂಭಾವನೆಯು ಬೇರೆ ಉದ್ಯೋಗ ಹುಡುಕಲು ಒಂದು ದೊಡ್ಡ ಕಾರಣವಾಗುತ್ತದೆ ಎಂದು ಆಮಿ ಪೋರ್ಟರ್‌ಫೀಲ್ಡ್ ಹೇಳುತ್ತಾರೆ. ನೀವು ಕೆಲಸ ಮಾಡುವಂಥ ಕಂಪನಿಗಳಲ್ಲಿ ಖಂಡಿತವಾಗಿಯೂ ವೇತನದ ಹೆಚ್ಚಳವನ್ನು ಕೇಳಬಹುದು. ಆದರೆ ಕಂಪನಿಯವರು ಇಲ್ಲ ಎಂದು ಹೇಳಿದರೆ, "ನೀವು ಪ್ಲಾನ್ ಬಿ ಬಗ್ಗೆ ಯೋಚಿಸಬೇಕು." ಎಂಬುದಾಗಿ ಅವರು ಸಲಹೆ ನೀಡುತ್ತಾರೆ.

ನಿಮ್ಮ ಮೌಲ್ಯವನ್ನು ಕಡೆಗಣಿಸಿದರೆ : ಕೆಲಸದಲ್ಲಿ ನಿಮ್ಮ ಮೌಲ್ಯವನ್ನು ಕಡೆಗಣಿಸಿದರೆ ನೀವು ಬೇರೆ ದಾರಿ ಹುಡುಕಬೇಕು. ನಿಮ್ಮ ಆಲೋಚನೆಗಳು, ನಿಮ್ಮ ಕೆಲಸಗಳಿಗೆ ಗಮನ ನೀಡುತ್ತಿಲ್ಲ ಎಂದು ನಿಮಗೆ ತಿಳಿದರೆ ಆ ಕೆಲಸವನ್ನು ತೊರೆಯಬಹುದು. ಅಂತಹ ಉದ್ಯೋಗಿಗಳಿಗೆ ತಮ್ಮ ಸ್ವಂತ ವ್ಯವಹಾರವನ್ನು ಆರಂಭಿಸುವಂತೆ ಅವರು ಶಿಫಾರಸು ಮಾಡುತ್ತಾರೆ.

ನಿಮ್ಮ ಬಾಸ್‌ನ ಕೆಲಸ ನಿಮಗೆ ಬೇಡವಾದರೆ: ನೀವು ನಿಮ್ಮ ಬಾಸ್‌ನ ಕೆಲಸವನ್ನು ನೋಡಿ, ಆ ಕೆಲಸವನ್ನು ನೀವು ಮಾಡಲು ಇಷ್ಟಪಡುತ್ತೀರಾ ಎಂಬುದನ್ನು ನಿಮಗೇ ಕೇಳಿಕೊಳ್ಳಿ. ಆಗ ನಿಮ್ಮ ಮನಸ್ಸು 'ನನಗೆ ಅಂತಹ ಕೆಲಸ ಬೇಡ, ನಾನು ಹೆಚ್ಚು ಹಣವನ್ನು ಗಳಿಸಲು ಬಯಸುತ್ತೇನೆ, ನಾನು ಹೆಚ್ಚು ಸೃಜನಶೀಲವಾದದ್ದನ್ನು ಮಾಡಲು ಬಯಸುತ್ತೇನೆ ಎಂದುಕೊಂಡರೆ ನೀವು ಆ ಕೆಲಸವನ್ನು ತೊರೆಯಲು ಸರಿಯಾದ ಸಮಯ ಎಂದುಕೊಳ್ಳಬೇಕು.