Prithvi Shaw: ಹೊಸ ಮನೆ ಖರೀದಿಸಿದ ಪೃಥ್ವಿ ಶಾ, ಬೆಲೆ ಕೇಳಿದ್ರೆ ತಲೆ ತಿರುಗಿ ಬೀಳ್ತೀರಾ!

ಪೃಥ್ವಿ ಶಾ.. ಇವರನ್ನು ಎಲ್ಲರೂ ಜ್ಯೂನಿಯರ್​ ಸಚಿನ್ ಎಂದು ಕರೆಯುತ್ತಿದ್ದರು. ಸಚಿನ್​ ತೆಂಡೂಲ್ಕರ್​ ಅವರಂತೆ ಬ್ಯಾಟಿಂಗ್​ ಮಾಡಿ ಪೃಥ್ವಿ ಶಾ ಹೆಸರು ಮಾಡಿದ್ದರು. ಸಚಿನ್​ರಂತೆ ಆಡಿ ಟೀಂ ಇಂಡಿಯಾ ಟೆಸ್ಟ್​ ತಂಡದಲ್ಲಿ ಸ್ಥಾನ ಪಡೆದುಕೊಂಡಿದ್ದರು.

ಐಪಿಎಲ್ 2022 ಸೀಸನ್‌ಗೂ ಮುನ್ನ ಬಿಸಿಸಿಐ ನಡೆಸಿದ ಫಿಟ್ನೆಸ್ ಪರೀಕ್ಷೆಯಲ್ಲಿ ಪೃಥ್ವಿರಾಜ್ ವಿಫಲರಾಗಿದ್ದರು. ಇದರೊಂದಿಗೆ ಅವರ ಫಿಟ್ನೆಸ್ ಬಗ್ಗೆ ಟೀಕೆ ವ್ಯಕ್ತವಾಗಿತ್ತು.

ತಮ್ಮ ಫಿಟ್ನೆಸ್​ ಕಳೆದುಕೊಂಡಿರುವ ಪೃಥ್ವಿ ಶಾ ಫಾರ್ಮ್​ಗೆ ಮರಳಬೇಕಿದೆ. 2022ರಲ್ಲಿ ಒಳ್ಳೆಯ ಪ್ರದರ್ಶನ ನೀಡಿದರೆ ಮತ್ತೆ ಟೀಂ ಇಂಡಿಯಾ ಸೇರಿಕೊಳ್ಳುವ ಅವಕಾಶ ಇದೆ.

ಅದೇನೇ ಇರಲಿ ಪೃಥ್ವಿ ಶಾ ಕನಸಿನ ಮನೆಯನ್ನು ಖರೀದಿಸಿದ್ದಾರೆ. ಪೃಥ್ವಿ ಶಾ ಖರೀದಿಸಿರುವ ಫ್ಲಾಟ್ ಬೆಲೆ ಎಷ್ಟು ಅಂತ ತಿಳಿದರೆ ಶಾಕ್​ ಆಗ್ತೀರಾ. ಎಕನಾಮಿಕ್ ಟೈಮ್ಸ್ ಪ್ರಕಾರ, ಅವರು ಬಾಂದ್ರಾದ ಕೇಸಿ ರಸ್ತೆಯಲ್ಲಿರುವ ಪ್ರಾಜೆಕ್ಟ್ 81 ಅರೆಟ್ ಅಪಾರ್ಟ್ಮೆಂಟ್​​ನ ಎಂಟನೇ ಮಹಡಿಯನ್ನು ಖರೀದಿಸಿದ್ದಾರೆ.

ಮುಂಬೈನ ಬಾಂದ್ರಾದಲ್ಲಿನ ಪ್ರೀಮಿಯಂ ವಸತಿ ಅಪಾರ್ಟ್‌ಮೆಂಟ್‌ನಲ್ಲಿ 10.5 ಕೋಟಿ ರೂ.ಗೆ ಫ್ಲಾಟ್ ಖರೀದಿಸಿದ್ದಾರೆ. ಪೃಥ್ವಿ 2209 ಚದರ ಅಡಿ ಫ್ಲ್ಯಾಟ್​ ಖರೀದಿಸಿದ್ದಾರೆ. 1654 ಚದರ ಅಡಿಯ ವಿಶಾಲವಾದ ಟೆರೇಸ್‌ ಕೂಡ ಇದೆ.

ಇದರ ಜೊತೆಗೆ ಪೃಥ್ವಿ ಶಾಗೆ ಮೂರು ವಿಶಾಲವಾದ ಕಾರ್ ಪಾರ್ಕಿಂಗ್ ಹೊಂದಿದ್ದಾರೆ. ಏಪ್ರಿಲ್​ 28ರಂದು ರಿಜೆಸ್ಟ್ರೆಶನ್​ ಮಾಡಿಸಲಾಗಿದೆ.ಪೃಥ್ವಿ ಶಾ ಸದ್ಯ ಐಪಿಎಲ್ 15ನೇ ಸೀಸನ್ ನಲ್ಲಿ ಬ್ಯುಸಿಯಾಗಿದ್ದಾರೆ. ಅವರು ಡೆಲ್ಲಿ ಕ್ಯಾಪಿಟಲ್ಸ್‌ನ ಆರಂಭಿಕರಾಗಿ ಕಣಕ್ಕಿಳಿಯುತ್ತಿದ್ದಾರೆ.

ಪೃಥ್ವಿ ಈ ಋತುವಿನಲ್ಲಿ ಇದುವರೆಗೆ ಒಂಬತ್ತು ಪಂದ್ಯಗಳಲ್ಲಿ 259 ರನ್ ಗಳಿಸಿದ್ದಾರೆ. 2018ರ ಅಂಡರ್-19 ವಿಶ್ವಕಪ್ ಗೆದ್ದ ತಂಡ ನಾಯಕನಾಗಿ ಐಪಿಎಲ್ ಪ್ರವೇಶಿಸಿದ್ದ ಪೃಥ್ವಿ ಶಾ ಅವರನ್ನು 2018ರ ಐಪಿಎಲ್ ಹರಾಜಿನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ 1.2 ಕೋಟಿ ರೂ.ಗೆ ಖರೀದಿಸಿತ್ತು.