IPL 2020: ಐಪಿಎಲ್​ನಲ್ಲಿ ಮಯಾಂತಿಗೆ ಸೆಡ್ಡು ಹೊಡೆಯಲು ಬಂದಳು ಮಾದಕ ಚೆಲುವೆ: ಯಾರೀಕೆ ಗೊತ್ತೇ?

ಇಂಡಿಯನ್ ಪ್ರೀಮಿಯರ್ ಲೀಗ್ 2020 ಟೂರ್ನಿ ಆರಂಭಕ್ಕೆ ಕ್ಷಣಗಣನೆ ಶುರುವಾಗಿದೆ. ಮಹಾಮಾರಿ ಕೊರೋನಾ ಕಾರಣದಿಂದ ಭಾರತದ ಬದಲು ಅರಬ್ ರಾಷ್ಟ್ರದಲ್ಲಿ ಈ ಮಿಲಿಯನ್ ಡಾಲರ್ ಟೂರ್ನಿ ಆಯೋಜನೆಯಾಗಿದೆ. ಸೆಪ್ಟೆಂಬರ್ 19 ರಂದು ಉದ್ಘಾಟನಾ ಪಂದ್ಯ ನಡೆಯಲಿದೆ.

ಯುಎಇಯ ಸುಡು ಬಿಸಿಲಿನ ವಾತಾವರಣದ ನಡುವೆ ಐಪಿಎಲ್ 13ನೇ ಆವೃತ್ತಿಗೆ ಮತ್ತಷ್ಟು ಬಿಸಿ ಹೆಚ್ಚಿಸಲು ಆಸ್ಟ್ರೇಲಿಯಾದ ಜನಪ್ರಿಯ ಟಿವಿ ನಿರೂಪಕಿ ನೆರೋಲಿ ಮೆಡೋಸ್ ಆಗಮಿಸಲಿದ್ದಾರೆ.

ಈಗೀಗ ಕ್ರಿಕೆಟ್​ನಲ್ಲಿ ನಿರೂಪಕರಿಗಿಂತ ನಿರೂಪಕಿಯರಿಗೆ ಹೆಚ್ಚು ಬೇಡಿಕೆ. ದೊಡ್ಡ ದೊಡ್ಡ ಟೂರ್ನಿ ನಡೆಯುತ್ತಿದೆ ಎಂದರೆ ಅಲ್ಲಿ ಮಯಾಂತಿ ಲ್ಯಾಂಗರ್, ಕರೀಷ್ಮಾ ಕೋಟಕ್, ಆರ್ಚನಾ ವಿಜಯ, ರೋಶಲ್, ಶಿಬಾನಿ ದಾಂಡೇಕರ್ ಫುಲ್ ಬ್ಯುಸಿ ಆಗಿ ಬಿಡುತ್ತಾರೆ.

ಈ ನಡುವೆ ಇವರಿಗೆ ಪೈಪೋಟಿ ನೀಡಲು ಈ ಬಾರಿಯ ಐಪಿಎಲ್​ನಲ್ಲಿ ಆಸ್ಟ್ರೇಲಿಯಾದ ಹಾಟ್ ಆ್ಯಂಕರ್ ಒಬ್ಬರು ಆಗಮಿಸಲಿದ್ದಾರೆ.

ಐಪಿಎಲ್ಗೆ ಪ್ರೇಕ್ಷಕರನ್ನಮತ್ತಷ್ಟು ಸೆಳೆಯಲು ಆಸ್ಟ್ರೇಲಿಯಾದ ಜನಪ್ರಿಯ ಟಿವಿ ನಿರೂಪಕಿ ನೆರೋಲಿ ಮೆಡೋಸ್ ಆಗಮಿಸುತ್ತಿದ್ದಾರೆ. ಜನಪ್ರಿಯ ಕ್ರೀಡಾ ಪತ್ರಕರ್ತೆಯಾಗಿರುವ ಇವರು ಐಪಿಎಲ್ ವೇಳೆ ಆ್ಯಂಕರ್ ಆಗಿ ಕಾರ್ಯನಿರ್ವಹಿಸಲಿದ್ದಾರೆ.

ಆಸ್ಟ್ರೇಲಿಯಾದ ಜನಪ್ರಿಯ ಕ್ರೀಡಾ ವಾಹಿನಿ ಫಾಕ್ಸ್ ಸ್ಪೋರ್ಟ್ಸ್​​ನಲ್ಲಿ ಮಿಂಚಿದ್ದ ನೆರೋಲಿ ಮೆಡೋಸ್, ಕೋವಿಡ್ ವೇಳೆ ಫಾಕ್ಸ್​ ಸ್ಪೋರ್ಟ್ಸ್​ ಕಾಸ್ಟ್ ಕಟ್ಟಿಂಗ್ ಕಾರಣ ನೀಡಿ ಕೆಲಸದಿಂದ ತೆಗೆಯಲಾಗಿತ್ತು.

ಬಿಗ್​ಬ್ಯಾಷ್ ಲೀಗ್, ಆಸ್ಟ್ರೇಲಿಯಾ ಓಪನ್ಸ್, ಬಾಸ್ಕೆಟ್ ಬಾಲ್ ಸೇರಿದಂತೆ ಹಲವು ಜನಪ್ರಿಯ ಸ್ಫೋರ್ಟ್ಸ್ ಟೂರ್ನಿಗಳಲ್ಲಿ ನಿರೂಪಕಿಯಾಗಿ ಕೆಲಸ ಮಾಡಿದ್ದ ನಿರೋಲಿ, ಎರಡುವರೆ ತಿಂಗಳ ಕಾಲ ಕ್ರಿಕೆಟ್ ಅಭಿಮಾನಿಗಳನ್ನ ರಂಜಿಸಲಿದ್ದಾರೆ.

‘ದೇಶವನ್ನು ಬಿಡಲು ಸ್ವಲ್ಪ ಭಯವಾಗುತ್ತಿದೆ. ಆದರೆ ಮತ್ತೆ ಕೆಲಸಕ್ಕೆ ಮರಳುತ್ತಿರುವುದಕ್ಕೆ, ಅದರಲ್ಲೂ ದೊಡ್ಡ ಟೂರ್ನಿಯೊಂದರಲ್ಲಿ ಕಾರ್ಯನಿರ್ವಹಿಸಲು ಕಾತರಗೊಂಡಿದ್ದೇನೆ’ ಎಂದು ನೆರೋಲಿ ಮೆಡೋಸ್ ಹೇಳಿದ್ದಾರೆ.

ನೆರೋಲಿ ಮೆಡೋಸ್.

ಐಪಿಎಲ್ 13ನೇ ಆವೃತ್ತಿಗೆ ಸೆಪ್ಟೆಂಬರ್ 19 ರಂದು ಚಾಲನೆ ಸಿಗಲಿದೆ. ಉದ್ಘಾಟನಾ ಪಂದ್ಯದಲ್ಲಿ ಹಾಳಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಸೆಣೆಸಾಟ ನಡೆಸಿವೆ.