IPL 2021: ಯುವ ಕ್ರಿಕೆಟಿಗನಿಗೆ ವಿಶೇಷ ಉಡುಗೊರೆ ನೀಡಿದ ಜೋಸ್ ಬಟ್ಲರ್..!

ಇಂಡಿಯನ್ ಪ್ರೀಮಿಯರ್ ಲೀಗ್ ಸೀಸನ್ 14ಗೆ ತಾತ್ಕಾಲಿಕ ಬ್ರೇಕ್ ಬೀಳುತ್ತಿದ್ದಂತೆ, ಅತ್ತ ಇಂಗ್ಲೆಂಡ್ ಆಟಗಾರರು ತವರಿನತ್ತ ಮುಖ ಮಾಡಿದ್ದಾರೆ. ಹೀಗೆ ಹಿಂತಿರುಗುವ ಮುನ್ನ ರಾಜಸ್ಥಾನ್ ರಾಯಲ್ಸ್ ತಂಡದ ವಿಕೆಟ್ ಕೀಪರ್-ಬ್ಯಾಟ್ಸ್​ಮನ್ ತಮ್ಮ ಬ್ಯಾಟ್​ನ್ನು ಸಹ ಆಟಗಾರನಿಗೆ ವಿಶೇಷ ಉಡುಗೊರೆಯಾಗಿ ನೀಡಿದ್ದಾರೆ.

ಹೌದು, ಸನ್​ರೈಸರ್ಸ್ ಹೈದರಾಬಾದ್ ವಿರುದ್ದ ಭರ್ಜರಿ ಶತಕ ಸಿಡಿಸಿದ ಬ್ಯಾಟ್​ನ್ನು ಜೋಸ್ ಬಟ್ಲರ್ ಯುವ ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್‌ಗೆ ಉಡುಗೊರೆಯಾಗಿ ನೀಡಿದ್ದಾರೆ.

ತಮ್ಮದೊಂದಿಗೆ ಇನಿಂಗ್ಸ್ ಆರಂಭಿಸಿದ್ದ ಜೈಸ್ವಾಲ್​ಗೆ ಬ್ಯಾಟ್ ನೀಡಿದ ಬಟ್ಲರ್ ಅದ ಮೇಲೆ ಯುವ ಕ್ರಿಕೆಟಿಗನ ಭವಿಷ್ಯವನ್ನು ವಿಶೇಷ ಸಂದೇಶ ಬರೆದಿದ್ದಾರೆ.

ಜೋಸ್ ಬಟ್ಲರ್ ನೀಡಿದ ಬ್ಯಾಟ್ ಅವರ ಪಾಲಿಗೆ ವಿಶೇಷವಾದ ಬ್ಯಾಟ್ ಆಗಿತ್ತು. ಏಕೆಂದರೆ ಇದೇ ಮೊದಲ ಬಾರಿ ಬಟ್ಲರ್ ಐಪಿಎಲ್ ಶತಕ ಸಿಡಿಸಿದ್ದರು. ಕೇವಲ 64 ಎಸೆತಗಳನ್ನು ಎದುರಿಸಿದ್ದ ಬಟ್ಲರ್ 8 ಭರ್ಜರಿ ಸಿಕ್ಸರ್​ನೊಂದಿಗೆ 124 ರನ್‌ ಬಾರಿಸಿದ್ದರು.

ಈ ಅಮೋಘ ಶತಕದ ನೆರವಿನಿಂದ ರಾಜಸ್ಥಾನ್‌ ರಾಯಲ್ಸ್‌ ತಂಡ ಸನ್‌ರೈಸರ್ಸ್‌ ಹೈದರಾಬಾದ್‌ ವಿರುದ್ದ 55 ರನ್‌ಗಳ ಭರ್ಜರಿ ಜಯ ದಾಖಲಿಸಿತ್ತು.

ಇದೀಗ ಅದೇ ಬ್ಯಾಟ್​ ಅನ್ನು ಯುವ ಕ್ರಿಕೆಟಿಗನಿಗೆ ಉಡುಗೊರೆಯಾಗಿ ನೀಡಿ ಎಲ್ಲರ ಮನಗೆದ್ದಿದ್ದಾರೆ ಜೋಸ್ ಬಟ್ಲರ್.