ಐಪಿಎಲ್ 2021ರಲ್ಲಿ ದೊಡ್ಡ ಬದಲಾವಣೆಯೊಂದಿಗೆ ಕಣಕ್ಕಿಳಿಯುತ್ತಾ ಆರ್​ಸಿಬಿ?; ಇಲ್ಲಿದೆ ಉತ್ತರ

ಆರಂಭದಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿ ಕೊನೆಯ ಹಂತದಲ್ಲಿ ಅತೀ ಕಳಪೆ ಪ್ರದರ್ಶ ನೀಡಿದ್ದ ಆರ್​ಸಿಬಿ ಐದು ಆಟಗಾರರನ್ನು ತಂಡದಿಂದ ಕೈ ಬಿಡಲಿದೆ ಎನ್ನಲಾಗಿತ್ತು.

ಅಲ್ಲದೆ, 2021ರಲ್ಲಿ ದೊಡ್ಡ ಮಟ್ಟದಲ್ಲಿ ಹರಾಜು ಪ್ರಕ್ರಿಯೆ ನಡೆಯಲಿದ್ದು, ಆರ್​ಸಿಬಿ ಇಡೀ ತಂಡವನ್ನೇ ಬದಲಾಯಿಸಲಿದೆ ಎನ್ನುವ ಮಾತು ಕೇಳಿ ಬಂದಿದೆ.

ಟೀಂ ಇಂಡಿಯಾ ಮಾಜಿ ಓಪನರ್​ ಆಕಾಶ್​ ಚೋಪ್ರಾ, ಆರ್​ಸಿಬಿ ತಂಡ ಉತ್ತಮವಾಗಿದೆ. ಕೆಲ ಬದಲಾವಣೆಗಳನ್ನು ಮಾಡಿಕೊಂಡರೆ ಸಾಕು. ಇಲ್ಲಿ ಇಡೀ ತಂಡವನ್ನೇ ಬದಲಾಯಿಸುವ ಅಗತ್ಯವಿಲ್ಲ ಎಂದಿದ್ದಾರೆ.

ಹಾಗಾದರೆ, ಆ ಬದಲಾವಣೆಗಳೇನು ಎನ್ನುವ ಬಗ್ಗೆ ಇಲ್ಲಿದೆ ಮಾಹಿತಿ.

ಕನ್ನಡಿಗ ದೇವದತ್​ ಪಡಿಕ್ಕಲ್​ ಅತ್ಯುತ್ತಮ ಪ್ರದರ್ಶನ ನೀಡಿದ್ದಾರೆ. ಯಾವ ಆಟಗಾರನೂ ಮೊದಲ ಸೀಸನ್​ನಲ್ಲಿ ಇಷ್ಟೊಂದು ಉತ್ತಮವಾಗಿ ಪ್ರದರ್ಶನ ನೀಡಿಲ್ಲ ಎಂದಿದ್ದಾರೆ ಆಕಾಶ್​ ಚೋಪ್ರಾ. ಈ ಮೂಲಕ ದೇವದತ್​ ಅವರನ್ನು ತಂಡದಲ್ಲೇ ಉಳಿಸಿಕೊಳ್ಳಿ ಎನ್ನುವ ಸೂಚನೆ ನೀಡಿದ್ದಾರೆ.

ಫಿಂಚ್​​ ಆಸ್ಟ್ರೇಲಿಯಾ ತಂಡದ ನಾಯಕ. ಅಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದ ಅವರು, ಆರ್​ಸಿಬಿ ಟೀಂನಲ್ಲಿ ರನ್​ ಗಳಿಸೋಕೆ ಪರದಾಡಿದ್ದರು ಎಂದಿದ್ದಾರೆ ಆಕಾಶ್​ ಚೋಪ್ರಾ. ಈ ಮೂಲಕ ಅವರನ್ನು ಕೈಬಿಡೋದು ಒಳ್ಳೆಯದು ಎಂದು ಪರೋಕ್ಷವಾಗಿ ಹೇಳಿದ್ದಾರೆ.

ಜೋಶುವಾ ಫಿಲಿಪ್ ತುಂಬಾನೇ ಯಂಗ್. ಅವರು ಕೂಡ ಉತ್ತಮವಾಗಿ ಆಡಿಲ್ಲ ಹೀಗಾಗಿ, ಅವರಿಗೆ ಹೆಚ್ಚು ಹೈಪ್ ಕೊಡುವ ಅಗತ್ಯವಿಲ್ಲ ಎನ್ನುವುದು ಆಕಾಶ್ ಅವರ ಅಭಿಪ್ರಾಯ.

ಇನ್ನು, ಮೋಯಿನ್​ ಅಲಿ ಕೂಡ ಸಿಕ್ಕ ಅವಕಾಶವನ್ನು ಬಳಕೆ ಮಾಡಿಕೊಂಡಿಲ್ಲ ಎಂದಿದ್ದಾರೆ ಆಕಾಶ್​. ಈ ಮೂಲಕ ಅವರನ್ನು ಕೂಡ ಕೈ ಬಿಡೋದು ಒಳಿತು ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಕ್ರಿಸ್​​ ಮಾರಿಸ್​ ಈ ಬಾರಿಯ ಐಪಿಎಲ್​ನಲ್ಲಿ ಆರ್​ಸಿಬಿಗೆ ವರದಾನ ಹಾಗೂ ಶಾಪ ಎರಡೂ ಆಗಿದ್ದಾರೆ ಎಂದಿರುವ ಆಕಾಶ್​, ಕ್ರಿಸ್​ ಮಾರಿಸ್​ ಆರಂಭದಲ್ಲಿ ಗಾಯದ ಸಮಸ್ಯೆಯಿಂದ ಬಳಲಿದ್ದರು. ಮಧ್ಯದಲ್ಲಿ ತಂಡಕ್ಕೆ ಮರಳಿದ್ದ ಅವರು ಉತ್ತಮ ಪ್ರದರ್ಶನ ನೀಡಿದ್ದರು. ಕೊನೆಯಲ್ಲಿ ಅವರು ಮತ್ತೆ ಗಾಯದ ಸಮಸ್ಯೆಗೆ ತುತ್ತಾಗಿದ್ದರು ಎಂದಿದ್ದಾರೆ.

ಕಳೆದ ಸೀಸನ್​ಗಿಂತ ಈ ಬಾರಿಯ ಸೀಸನ್​ನಲ್ಲಿ ಆರ್​ಸಿಬಿ ಬೌಲಿಂಗ್​ ಉತ್ತಮವಾಗಿದೆ. ಹೀಗಾಗಿ, ಆರ್​ಸಿಬಿ ಬ್ಯಾಟಿಂಗ್​ ಬಗ್ಗೆ ಹೆಚ್ಚು ಗಮನ ಹರಿಸಬೇಕು ಎಂದಿದ್ದಾರೆ ಆಕಾಶ್​.