IPLನಲ್ಲಿ ಅರ್ಧಶತಕ ಬಾರಿಸಿದ ಅತ್ಯಂತ ಹಿರಿಯ ಬ್ಯಾಟ್ಸ್​ಮನ್​ಗಳು ಇವರೇ..!

ಆಟದ ಅಂಗಳದಲ್ಲಿ ಕೆಲ ಆಟಗಾರರು ವಯಸ್ಸು ಎಂಬುದು ಜಸ್ಟ್​ ನಂಬರ್ ಎಂಬುದನ್ನು ನಿರೂಪಿಸಿದ್ದಾರೆ. ಇದು ಐಪಿಎಲ್ ಅಂಗಳದಲ್ಲೂ ಹಲವು ಬಾರಿ ಸಾಬೀತಾಗಿದೆ. ವಯಸ್ಸಾದಂತೆ ಆಟಗಾರನ ಫಿಟ್‌ನೆಸ್ ಮತ್ತು ಚೈತನ್ಯವು ಮುಖ್ಯವಾಗಿರುತ್ತದೆ. ಆದರೆ ಕೆಲ ಆಟಗಾರ ಹಿರಿ ವಯಸ್ಸಿನಲ್ಲೂ ಅದ್ಭುತ ಪ್ರದರ್ಶನ ನೀಡುವ ಮೂಲಕ ಸಾಧನೆಗೆ ವಯಸ್ಸಿನ ಮಿತಿಯಿಲ್ಲ ಎಂಬುದು ಸಾಬೀತುಪಡಿಸಿದ್ದಾರೆ.

ಹೀಗಾಗಿಯೇ ಅಂತರಾಷ್ಟ್ರೀಯ ಕ್ರಿಕೆಟ್​ನಿಂದ ನಿವೃತ್ತಿ ಹೊಂದಿದ ಬಳಿಕ ಕೂಡ ಅನೇಕ ಆಟಗಾರರು ಐಪಿಎಲ್ ಸೇರಿದಂತೆ ವಿಶ್ವದ ಅನೇಕ ಲೀಗ್​ನಲ್ಲಿ ಅಬ್ಬರಿಸಿರುವುದು. ಹಾಗೆಯೇ ಐಪಿಎಲ್​ನಲ್ಲೂ ವಯಸ್ಸನ್ನು ಜಸ್ಟ್ ನಂಬರ್​ ಆಗಿಸಿ ಮೂವರು ಕ್ರಿಕೆಟಿಗರು ಅರ್ಧಶತಕ ಬಾರಿಸಿದ್ದಾರೆ. ಅವರ ಪರಿಚಯ ಇಲ್ಲಿದೆ.

3- ರಾಹುಲ್ ದ್ರಾವಿಡ್: ರಾಹುಲ್ ದ್ರಾವಿಡ್ ಐಪಿಎಲ್‌ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ರಾಜಸ್ಥಾನ್ ರಾಯಲ್ಸ್ ಪರ ಆಡಿದ್ದಾರೆ. ಐಪಿಎಲ್ ವೃತ್ತಿಜೀವನದ 82 ಇನ್ನಿಂಗ್ಸ್‌ಗಳಲ್ಲಿ 2,174 ರನ್ ಕಲೆಹಾಕಿದ್ದಾರೆ. ಐಪಿಎಲ್ ಇತಿಹಾಸದಲ್ಲಿ ಅರ್ಧಶತಕ ಸಿಡಿಸಿ ಆಟಗಾರರ ಪಟ್ಟಿಯಲ್ಲಿ ದ್ರಾವಿಡ್ ಮೂರನೇ ಸ್ಥಾನದಲ್ಲಿದ್ದಾರೆ. 2013 ರಲ್ಲಿ ದೆಹಲಿ ಡೇರ್‌ಡೆವಿಲ್ಸ್ ವಿರುದ್ಧ 53 ರನ್‌ಗಳನ್ನು ಬಾರಿಸಿದ್ದರು. ಈ ವೇಳೆ ಅವರ ವಯಸ್ಸು 40 ವರ್ಷ 116 ದಿನಗಳು.

2- ಕ್ರಿಸ್ ಗೇಲ್: ಯುನಿವರ್ಸ್ ಬಾಸ್ ಎಂದು ಕರೆಯಲ್ಪಡುವ ಸ್ಪೋಟಕ ಬ್ಯಾಟ್ಸಮನ್ ಕ್ರಿಸ್ ಗೇಲ್ ಈ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ. RCB ವಿರುದ್ಧ ನಡೆದ ಈ ಬಾರಿಯ ಐಪಿಎಲ್ ಪಂದ್ಯದಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ಬ್ಯಾಟ್ಸ್​​ಮನ್ ಗೇಲ್ 45 ಎಸೆತಗಳಲ್ಲಿ 53 ರನ್ ಬಾರಿಸಿದ್ದರು. ಪ್ರಸ್ತುತ ಗೇಲ್​ ವಯಸ್ಸು 41 ವರ್ಷ.

1- ಆ್ಯಡಂ ಗಿಲ್‌ಕ್ರಿಸ್ಟ್: ಸ್ಪೋಟಕ ಬ್ಯಾಟಿಂಗ್​ಗೆ ಮತ್ತೊಂದು ಹೆಸರು ಗಿಲ್‌ಕ್ರಿಸ್ಟ್. ಆ್ಯಡಂ ಗಿಲ್​​ಕ್ರಿಸ್ಟ್​ ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ 138.89 ಸ್ಟ್ರೈಕ್ ದರದಲ್ಲಿ 80 ಇನ್ನಿಂಗ್ಸ್‌ಗಳಲ್ಲಿ 2069 ರನ್ ಗಳಿಸಿದ್ದಾರೆ. ಹಾಗೆಯೇ ಐಪಿಎಲ್​ನಲ್ಲಿ ಅರ್ಧಶತಕ ಬಾರಿಸಿದ ಹಿರಿಯ ಆಟಗಾರರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. 2013 ರಲ್ಲಿ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡದ ವಿರುದ್ಧ ಗಿಲ್​ಕ್ರಿಸ್ಟ್​ 85 ರನ್ ಗಳಿಸುವ ಮೂಲಕ ಈ ಸಾಧನೆ ಮಾಡಿದ್ದಾರೆ. ಈ ವೇಳೆ ಗಿಲ್​ಕ್ರಿಸ್ಟ್​ ಅವರ ವಯಸ್ಸು 41 ವರ್ಷಗಳು ಮತ್ತು 181 ದಿನಗಳು.