IPL 2022: ಬಹುಕಾಲದ ಗೆಳತಿಯೊಂದಿಗೆ ಡೆವೊನ್ ಕಾನ್ವೇ ವಿವಾಹ! ಮದುವೆಗೂ ಮುನ್ನ ಸಿಎಸ್​ಕೆ ಟೀಂ ಜೊತೆ ಬ್ಯಾಚುಲರ್​ ಪಾರ್ಟಿ

ಮುಂಬೈ, ಏಪ್ರಿಲ್ 25: ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಆರಂಭಿಕ ಆಟಗಾರ ಡೆವೊನ್ ಕಾನ್ವೇ ಐಪಿಎಲ್ ವೇಳೆ ತನ್ನ ಗೆಳತಿ ಕಿಮ್ ವ್ಯಾಟ್ಸನ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಅವರು ಕೆಲವು ದಿನಗಳ ಹಿಂದೆ ಬಯೋ ಬಬಲ್​ನಿಂದ ಹೊರ ಬಂದಿದ್ದರು. ಬಳಿಕ ದಕ್ಷಿಣ ಆಫ್ರಿಕಾಗೆ ತೆರಳಿ ಮದುವೆಯಾಗಿದ್ದಾರೆ.

ಇವರಿಬ್ಬರ ಮದುವೆಯ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವರದಿಯ ಪ್ರಕಾರ, ಕಾನ್ವೇ ಮತ್ತು ಕಿಮ್ ಕಳೆದ 3 ವರ್ಷಗಳಿಂದ ಡೇಟಿಂಗ್ ಮಾಡುತ್ತಿದ್ದರು.

ಬಯೋ ಬಬಲ್​ನಿಂದ ಹೊರಗಡೆ ಬರುವ ಮೊದಲು ಕಾನ್ವೇ, ಚೆನ್ನೈ ಸೂಪರ್​ ಕಿಂಗ್​​​ ತಂಡದ ಆಟಗಾರರಿಗೆ ಸಾಂಪ್ರದಾಯಿಕ ಮದುವೆಯ ಪೂರ್ವ ಪಾರ್ಟಿಯನ್ನು ಆಯೋಜಿಸಿದ್ದರು.

ಇದು ಕಾನ್ವೆ ಅವರ ಮೊದಲ ಐಪಿಎಲ್ ಸೀಸನ್ ಆಗಿದ್ದು, ಅವರನ್ನು ಚೆನ್ನೈ ಸೂಪರ್ ಕಿಂಗ್ಸ್ ಮೂಲ ಬೆಲೆ 1 ಕೋಟಿಗೆ ಖರೀದಿಸಿದೆ.

ಈ ಋತುವಿನಲ್ಲಿ ಕಾನ್ವೇ ಕೇವಲ 1 ಪಂದ್ಯವನ್ನು ಆಡಿದ್ದಾರೆ. ಅದರಲ್ಲಿ ಅವರು ಕೇವಲ 3 ರನ್ ಗಳಿಸಲಷ್ಟೇ ಶಕ್ತರಾದರು. ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯಕ್ಕೆ ಅವರು ಲಭ್ಯವಿರುವುದಿಲ್ಲ. ಮದುವೆಯ ನಂತರ ತಂಡವನ್ನು ಮತ್ತೆ ಸೇರುವ ಮೊದಲು ಅವರು 3 ದಿನಗಳ ಕಾಲ ಪ್ರತ್ಯೇಕವಾಗಿರಬೇಕಾಗುತ್ತದೆ.