IPL 2021: 14ನೇ ಆವೃತ್ತಿಯ ಐಪಿಎಲ್ ಬಾರತದಲ್ಲೋ? ಅಥವಾ ಯುಎಇನಲ್ಲೋ?: ಹೊರಬಿತ್ತು ಮಾಹಿತಿ

ಇಂಡಿಯನ್ ಪ್ರೀಮಿಯರ್ ಲೀಗ್ 14ನೇ ಆವೃತ್ತಿಗೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಭರ್ಜರಿ ಸಿದ್ದತೆ ನಡೆಸುತ್ತಿದೆ. ಈಗಾಗಲೇ ಫೆಬ್ರವರಿ 11 ರಂದು ಹರಾಜು ಪ್ರಕ್ರಿಯೆ ನಡೆಸಲು ಬಿಸಿಸಿಐ ಮುಂದಾಗಿದೆ ಎಂಬ ಅಂಶ ಬೆಳಕಿಗೆ ಬಂದಿದೆ.

ಬಿಸಿಸಿಐ ನಾಯಕ ಸೌರವ್ ಗಂಗೂಲಿ ಅನುಪಸ್ಥಿತಿಯಲ್ಲಿ ನಡೆದ ಸಭೆಯಲ್ಲಿ ಈ ಬಗ್ಗೆ ಚರ್ಚಿಸಲಾಗಿದ್ದು ಜನವರಿ 21 ರ ವೇಳೆಗೆ ಫ್ರಾಂಚೈಸಿಗಳು ತಮ್ಮ ತಂಡಗಳಿಂದ ಯಾವ ಯಾವ ಆಟಗಾರರನ್ನು ಕೈಬಿಡಲಿದ್ದಾರೆ ಎಂಬುದರ ಬಗ್ಗೆ ಮಾಹಿತಿ ನೀಡಬೇಕೆಂದು ಕೇಳಿದೆ.

ಇದರ ಬೆನ್ನಲ್ಲೆ ಈ ಬಾರಿಯ ಐಪಿಎಲ್ 2021 ಟೂರ್ನಿ ಎಲ್ಲಿ ನಡೆಯುತ್ತೆ?. ಯುಎಇನಲ್ಲಾ? ಅಥವಾ ಭಾರತದಲ್ಲಾ? ಎಂಬ ಪ್ರಶ್ನೆ ಜೋರಾಗಿದೆ. ಇದಕ್ಕೆ ಬಿಸಿಸಿಐ ಮೂಲಕಗಳಿಂದ ಉತ್ತರ ದಕ್ಕಿದೆ.

ಹೌದು, ಫೆಬ್ರವರಿಯಲ್ಲಿ ಐಪಿಎಲ್ 2021ರ ಮಿನಿ ಹರಾಜು ನಡೆಯುವ ಸಾಧ್ಯತೆಯಿದ್ದರೆ, ಏಪ್ರಿಲ್ ಮತ್ತು ಮೇಯಲ್ಲಿ ಮಿಲಿಯನ್ ಡಾಲರ್ ಟೂರ್ನಿಗೆ ಚಾಳನೆ ಸಿಗಲಿದೆ.

ಭಾರತದಲ್ಲಿ ಕೊರೋನಾ ವೈರಸ್ ಭೀತಿ ಹೆಚ್ಚಿದ್ದರಿಂದ 13ನೇ ಆವೃತ್ತಿಯ ಐಪಿಎಲ್ ಯುನೈಟೆಡ್ ಅರಬ್ ಎಮಿರೇಟ್ಸ್​ನಲ್ಲಿ ನಡೆದಿದಿತ್ತು.

ಬಿಸಿಸಿಐ ಮೂಲಗಳ ಪ್ರಕಾರ 14ನೇ ಆವೃತ್ತಿ ಐಪಿಎಲ್ ಅನ್ನು ಭಾರತದಲ್ಲೇ ನಡೆಸಲು ಯೋಚಿಸುತ್ತಿದೆ ಎಂದು ತಿಳಿದುಬಂದಿದೆ. ಇನ್ನೊಂದು ತಿಂಗಳು ಕಾದು ಕೊರೋನಾ ಪ್ರಕರಣಗಳ ಸ್ಥಿತಿಗತಿಗಳನ್ನು ಗಮನಿಸಲಿದೆ. ಆ ಬಳಿಕ ಐಪಿಎಲ್ ಅನ್ನು ಭಾರತಲ್ಲಿ ನಡೆಸೋದಾ ಇಲ್ಲ ಯುಎಇಯಲ್ಲ ಎಂದು ನಿರ್ಧರಿಸಲಿದೆ.

'ಐಪಿಎಲ್ ವೇಳಾಪಟ್ಟಿಯನ್ನು ನಿರ್ಧರಿಸುವುದಕ್ಕೂ ಮುನ್ನ ಭಾರತದಲ್ಲಿ ಕೋವಿಡ್-19 ಪರಿಸ್ಥಿತಿಗಳು ಹೇಗಿರಲಿದೆ ಎಂದು ಬಿಸಿಸಿಐ ಇನ್ನೊಂದು ತಿಂಗಳು ಕಾದು ನೋಡಲಿದೆ. ಎಲ್ಲರಿಗೂ ಟೂರ್ನಿ ಭಾರತದಲ್ಲಿ ನಡೆಯೋದು ಇಷ್ಟ. ಆದರೆ ನಾವು ಈ ಬಗ್ಗೆ ಅಂತಿಮ ನಿರ್ಧಾರ ತಾಳಲು ಇನ್ನೂ ಕೊಂಚ ಸಮಯ ಕಾದು ನೋಡಬೇಕಿದೆ,' ಎಂದು ಬಿಸಿಸಿಐ ಮೂಲವೊಂದು ತಿಳಿಸಿದೆ.

ಇನ್ನೂ ಬ್ರಿಜೇಶ್ ಪಟೇಲ್ ಕೂಡ ಐಪಿಎಲ್ 2021ರ ಕುರಿತು ಕೆಲ ಮಾಹಿತಿ ಹಂಚಿಕೊಂಡಿದ್ದು, ಜನವರಿ 21ರವರೆಗೆ ಆಟಗಾರರನ್ನು ಉಳಿಸಿಕೊಳ್ಳುವುದಕ್ಕೆ ಅವಕಾಶ ನೀಡಿದ್ದೇವೆ ಎಂದು ಹೇಳಿದ್ದಾರೆ.

ಅಲ್ಲದೆ ಪ್ರಾಂಚೈಸಿಗಳ ತಮ್ಮ ಆಟಗಾರರನ್ನು ಮಾರುವುದಕ್ಕೆ ಮತ್ತು ಕೊಂಡುಕೊಳ್ಳುವುದಕ್ಕಿರುವ ವ್ಯಾಪಾರದ ವಿಂಡೋ ಫೆಬ್ರವರಿ 4 ಮುಚ್ಚಲ್ಪಡುತ್ತದೆ ಎಂದು ಮಾಹಿತಿ ನೀಡಿದ್ದಾರೆ.

ಈಗಿರುವ ಎಂಟು ತಂಡಗಳಿಗೆ ಈ ವರ್ಷದ ಮಿನಿ ಹರಾಜು ಫೆಬ್ರವರಿ ಎರಡನೇ ಅಥವಾ ಮೂರನೇ ವಾರದಲ್ಲಿ ನಡೆಯಬಹುದು ಎಂದು ನಿರೀಕ್ಷಿಸಲಾಗಿದೆ.

ಈಗಾಗಲೆ 8 ತಂಡಗಳಿಗೂ ತಲಾ 85 ಕೋಟಿ ರೂ ಮೌಲ್ಯದ ಆಟಗಾರರನ್ನು ತಂಡದಲ್ಲಿ ಇರಿಸಿಕೊಳ್ಳಲು ಅವಕಾಶ ನೀಡಿದ್ದು, ಫ್ರಾಂಚೈಸಿಗಳು ಕೂಡ ಇದನ್ನು ಆನಂದಿಸುತ್ತಿವೆ. ಆದರೆ 2021ಕ್ಕೆ ಈ ಮೊತ್ತದಲ್ಲಿ ಯಾವುದೇ ಹೆಚ್ಚಳ ಮಾಡುವುದಿಲ್ಲ ಎಂದು ಪಟೇಲ್ ತಿಳಿಸಿದ್ದಾರೆ.