Virat Kohli: 2008 ಐಪಿಎಲ್ ಹರಾಜಿನಲ್ಲಿ ಕೊಹ್ಲಿಯನ್ನ ರಿಜೆಕ್ಟ್ ಮಾಡಿತ್ತು ಈ ಫ್ರಾಂಚೈಸಿ!

ಸದ್ಯದ ಕ್ರಿಕೆಟ್ ಜಗತ್ತಿನ ಶ್ರೇಷ್ಠ ಬ್ಯಾಟ್ಸ್​ಮನ್​​ ಎಂದರೆ ಅದು ವಿರಾಟ್ ಕೊಹ್ಲಿ. ಇಂಡಿಯನ್ ಪ್ರೀಮಿಯರ್ ಲೀಗ್​ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕನಾಗಿರುವ ಕೊಹ್ಲಿ ಅದೆಷ್ಟೋ ದಾಖಲೆಗಳನ್ನು ಅಳಿಸಿಹಾಕಿದ್ದಾರೆ.

ಐಪಿಎಲ್ ಇತಿಹಾಸದಲ್ಲಿ ಈವರೆಗೆ ಬೇರೆ ಫ್ರಾಂಚೈಸಿ ಸೇರದೆ ಒಂದೇ ತಂಡದಲ್ಲಿ ಆಡುತ್ತಿರುವ ಕೆಲವೇ ಕೆಲವು ಆಟಗಾರರ ಪೈಕಿ ಕೊಹ್ಲಿ ಕೂಡ ಒಬ್ಬರು.

ಕಳೆದ ಬಾರಿ ಐಪಿಎಲ್​ನಲ್ಲಿ ಆರ್​ಸಿಬಿ ನಾಲ್ಕರ ಘಟ್ಟಕ್ಕೆ ತಲುಪಿತ್ತು.ಕೊಹ್ಲಿ ಆಟ ಕೂಡ ಭರ್ಜರಿ ಆಗಿತ್ತು.

ಈ ಬಾರಿ ಕೂಡ ಕೊಹ್ಲಿ ಹಾಗೂ ತಂಡದ ಮೇಲೆ ಸಾಕಷ್ಟು ನಿರೀಕ್ಷೆ ಇದೆ.

2008ರ ಐಪಿಎಲ್ ಹರಾಜಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ಆಗಿನ ಭಾರತದ ಅಂಡರ್-19 ತಂಡದ ನಾಯಕನಾಗಿದ್ದ ವಿರಾಟ್ ಕೊಹ್ಲಿ ಅವರನ್ನು ಖರೀದಿ ಮಾಡಿ ಈವರೆಗೆ ತಂಡದಲ್ಲೇ ಇರಿಸಿಕೊಂಡಿದೆ.

ಆದರೆ, ಆರ್​ಸಿಬಿ ಕೊಹ್ಲಿಯನ್ನು ಖರೀದಿ ಮಾಡುವ ಮುನ್ನ ಮತ್ತೊಂದು ಫ್ರಾಂಚೈಸಿ ಅಂದಿನ ಡೆಲ್ಲಿ ಕ್ಯಾಪಿಟಲ್ಸ್ (ಡೆಲ್ಲಿ ಡೇರ್ಡೆವಿಲ್ಸ್) ಹರಾಜಿನಲ್ಲಿ ಕೊಹ್ಲಿಯನ್ನು ರಿಜೆಕ್ಟ್ ಮಾಡಿತ್ತಂತೆ.

2008ರ ಐಪಿಎಲ್ ಹರಾಜಿನಲ್ಲಿ ಪ್ರತಿ ತಂಡಗಳಿಗೆ ಇಬ್ಬರು ಅಂಡರ್-19 ಆಟಗಾರರನ್ನು ಆಯ್ಕೆ ಮಾಡುವ ಅವಕಾಶವಿತ್ತು.

ಈ ಸಂದರ್ಭ ಡೆಲ್ಲಿ ಡೇರ್​ಡೆವಿಲ್ಸ್​​​ ಆಗಿನ ಅಂಡರ್-19 ತಂಡದ ನಾಯಕರಾಗಿದ್ದ ವಿರಾಟ್ ಕೊಹ್ಲಿಯನ್ನು ಬಿಟ್ಟು 50 ಸಾವಿರ ಡಾಲರ್​ಗೆ ಪ್ರದೀಪ್ ಸಂಗ್ವಾನ್ರನ್ನು ಖರೀದಿ ಮಾಡಿತ್ತು.

ಇದಾದ ಬೆನ್ನಲ್ಲೆ ಆರ್​ಸಿಬಿ ಫ್ರಾಂಚೈಸಿ 30 ಸಾವಿರ ಡಾಲರ್​​ಗೆ ಕೊಹ್ಲಿಯನ್ನು ತನ್ನ ತಂಡಕ್ಕೆ ಸೇರಿಸಿಕೊಂಡಿತು.

ಅಲ್ಲಿಂದ ಕೊಹ್ಲಿ ಈವರೆಗೆ ಮಿಂಚು ಹರಿಸುತ್ತಿದ್ದರೆ, ಡೆಲ್ಲಿ ಖರೀದಿ ಮಾಡಿದ ಆಟಗಾರ ಪ್ರದೀಪ್ ಮೂರು ವರ್ಷ ಆಡಿ ಯಶಸ್ಸು ಸಿಗದೆ ಬಳಿಕ ಹೊರ ಬಿದ್ದರು.