IPL 2021 Auction: ಈ ಬಾರಿ ಹರಾಜಿನಲ್ಲಿ ದಾಖಲೆ ಮೊತ್ತಕ್ಕೆ ಸೇಲ್ ಆಗುವ ಆಟಗಾರ ಇವರಂತೆ

ಇಂಡಿಯನ್ ಪ್ರೀಮಿಯರ್ ಲೀಗ್ 14ನೇ ಆವೃತ್ತಿಗೆ ಎಲ್ಲ ಫ್ರಾಂಚೈಸಿಗಳು ಭರ್ಜರಿ ಸಿದ್ಧತೆ ಮಾಡಿಕೊಳ್ಳುತ್ತಿದೆ. ಬಿಸಿಸಿಐ ಕೂಡ ಐಪಿಎಲ್ 2021ರ ಆಯೋಜನೆ ಬಗ್ಗೆ ಮಾತುಕತೆ ನಡೆಸುತ್ತಿದೆ.

ಈಗಾಗಲೇ ಎಲ್ಲ ತಂಡ ತಮಗೆ ಅಗತ್ಯವಿರುವ ಆಟಗಾರರು ಇಟ್ಟುಕೊಂಡು ಇತರೆ ಪ್ಲೇಯರ್​ಗಳನ್ನು ಕೈಬಿಟ್ಟಾಗಿದೆ.

ಫೆಬ್ರವರಿ 18 ರಂದು ಬಹುನಿರೀಕ್ಷಿತ ಐಪಿಎಲ್ 2021ರ ಹರಾಜು ಪ್ರಕ್ರಿಯೆ ನಡೆಯಲಿದೆ.

ಈ ಬಾರಿಯ ಐಪಿಎಲ್ ಹರಾಜಿನಲ್ಲಿ ಅತಿ ಹೆಚ್ಚು ಮೊತ್ತಕ್ಕೆ ಸೇಲ್ ಆಗುವ ಆಟಗಾರ ಯಾರು ಎಂಬ ಚರ್ಚೆ ಜೋರಾಗಿಯೆ ಇದೆ. ಇದಕ್ಕೆ ಟೀಂ ಇಂಡಿಯಾ ಮಾಜಿ ಆಟಗಾರ ಉತ್ತರ ನೀಡಿದ್ದಾರೆ.

ಆರ್​ಸಿಬಿ ಕೈಬಿಟ್ಟ ಈ ಆಟಗಾರ ಐಪಿಎಲ್ 2021ರ ಹರಾಜು ಪ್ರಕ್ರಿಯೆಯಲ್ಲಿ ದಾಖಲೆಯ ಮೊತ್ತಕ್ಕೆ ಸೇಲ್ ಆಗಲಿದ್ದಾರಂತೆ.

ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಘಾತಕ ವೇಗಿ ಮಿಚೆಲ್ ಸ್ಟಾರ್ಕ್ ಈ ಬಾರಿಯ ಐಪಿಎಲ್ ಹರಾಜಿನಲ್ಲಿ ದೊಡ್ಡ ಮೊತ್ತಕ್ಕೆ ಸೇಲ್ ಆಗಲಿದ್ದಾರೆ ಎಂದು ಆಕಾಶ್ ಚೋಪ್ರಾ ಹೇಳಿದ್ದಾರೆ.

2014ರ ವರೆಗೆ ಆರ್ಸಿಬಿ ತಂಡದ ಪರ ಆಡಿದ್ದ ಮಿಚೆಲ್ ಸ್ಟಾರ್ಕ್ ಬಳಿಕ ಐಪಿಎಲ್​ನಲ್ಲಿ ಕಣಕ್ಕಿಳಿಯಲಿಲ್ಲ. 2018 ರಲ್ಲಿ ಕೆಕೆಆರ್ ಇವರನ್ನು ಕೊಂಡುಕೊಂಡಿತಾದರೂ ಇಂಜುರಿಯಿಂದ ಆಡಲು ಸಾಧ್ಯವಾಗಲಿಲ್ಲ.

ಕಳೆದ ಸೀಸನ್​ನಲ್ಲಿ ಸ್ಟಾರ್ಕ್ ಐಸಿಸಿ ಟಿ-20 ವಿಶ್ವಕಪ್ ಇದೇ ಎಂಬ ಕಾರಣಕ್ಕೆ ಐಪಿಎಲ್​ನಿಂದ ಹಿಂದೆ ಸರಿದಿದ್ದರು. ಸದ್ಯ ಈ ಬಾರಿಯ ಐಪಿಎಲ್ ಹರಾಜಿಗೆ ಇವರು ಲಭ್ಯರಿದ್ದಾರೆ.

ಅಲ್ಲದೆ ಭರ್ಜರಿ ಫಾರ್ಮ್​ನಲ್ಲಿರುವ ಮಿಚೆಲ್ ಸ್ಟಾರ್ಕ್ ಮೇಲೆ ಬಹುತೇಕ ಎಲ್ಲ ಫ್ರಾಂಚೈಸಿ ಕಣ್ಣಟ್ಟಂತಿದೆ.

ಇನ್ನೂ ಆಕಾಶ್ ಚೋಪ್ರಾ ಪ್ರಕಾರ ಕ್ರಿಸ್ ಗ್ರೀನ್ 5 ರಿಂದ 6 ಕೋಟಿಗೆ ಸೇಲ್ ಆಗಬಹುದು ಎಂದು ಹೇಳಿದ್ದಾರೆ.

ಮುಜೀಬ್ 7-8 ಕೋಟಿ, ಜಿಮಿಸನ್ 5-7 ಕೋಟಿ ಹಾಗೂ ಗ್ಲೆನ್ ಮ್ಯಾಕ್ಸ್​ವೆಲ್ ಮತ್ತು ನೇಥನ್ ಕಲ್ಟರ್ ಹವ ಈ ಬಾರಿ ಇರುವುದಿಲ್ಲ ಎಂದು ಹೇಳಿದ್ದಾರೆ.