IPL 2020: ಅತೀ ಹೆಚ್ಚು ಬೌಂಡರಿ ಬಾರಿಸಿದ ಬ್ಯಾಟ್ಸ್​ಮನ್​ಗಳ ಪಟ್ಟಿ ಹೀಗಿದೆ

13ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಅಂತಿಮ ಘಟ್ಟಕ್ಕೆ ತಲುಪಿದೆ. ಇನ್ನೊಂದು ವಾರದಲ್ಲಿ ಈ ಬಾರಿಯ ಚಾಂಪಿಯನ್ ಯಾರು ಎಂಬುದು ನಿರ್ಧಾರವಾಗಲಿದೆ.

ಈ ಬಾರಿಯ ಟೂರ್ನಿಯಲ್ಲೂ ಎಂದಿನಂತೆ ಬ್ಯಾಟ್ಸ್​ಮನ್​ಗಳದ್ದೇ ಅಬ್ಬರ. ಅದರಲ್ಲೂ ಯುವ ಆಟಗಾರರು ಮಿಂಚಿರುವುದು ವಿಶೇಷ. ಕೆಲ ಆಟಗಾರರು ಬೌಂಡರಿ ಸಿಕ್ಸರ್​ಗಳ ಮೂಲಕ ರನ್ ಮಳೆ ಹರಿಸಿದ್ದಾರೆ. ಹೀಗೆ ಫೋರ್​ಗಳ ಸುರಿಮಳೆ ಸುರಿಸಿದವರ ಪಟ್ಟಿಯಲ್ಲಿ ಕನ್ನಡಿಗ ಕೆಎಲ್ ರಾಹುಲ್ ಅಗ್ರಸ್ಥಾನದಲ್ಲಿದ್ದಾರೆ. ಕೆಎಲ್​ಆರ್ ಎಷ್ಟು ಬೌಂಡರಿ ಬಾರಿಸಿದ್ದಾರೆ ಎಂದು ನೋಡುವುದಾದರೆ...

5- ಶುಭ್​ಮನ್ ಗಿಲ್: ಕೋಲ್ಕತಾ ನೈಟ್ ರೈಡರ್ಸ್ ಪರ ಆಡುತ್ತಿರುವ ಶುಭಮನ್ ಗಿಲ್ ಈ ಸೀಸನ್​ನಲ್ಲಿ 440 ರನ್ ಗಳಿಸಿದ್ದಾರೆ. ಇದರಲ್ಲಿ ಶುಭಮನ್ ಗಿಲ್ 44 ಬೌಂಡರಿ ಹಾಗೂ ಒಂಭತ್ತು ಸಿಕ್ಸರ್‌ ಸಿಡಿಸಿದ್ದಾರೆ. ಕೆಕೆಆರ್ ಪ್ಲೇ ಆಫ್ ಪ್ರವೇಶಿಸಿದರೆ ಕೆಎಲ್ ರಾಹುಲ್ ಬೌಂಡರಿ ದಾಖಲೆಯನ್ನು ಮುರಿಯುವ ಅವಕಾಶ ಗಿಲ್​ಗೆ ಸಿಗಲಿದೆ.

4- ದೇವದತ್ ಪಡಿಕ್ಕಲ್: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಆಡುತ್ತಿರುವ ಪಡಿಕ್ಕಲ್ ಅತೀ ಹೆಚ್ಚು ರನ್ ಬಾರಿಸಿದ ಉದಯೋನ್ಮುಖ ಆಟಗಾರ ಎನಿಸಿಕೊಂಡಿದ್ದಾರೆ. 13 ಪಂದ್ಯಗಳಲ್ಲಿ 422 ರನ್ ಬಾರಿಸಿರುವ ಪಡಿಕ್ಕಲ್, 46 ಬೌಂಡರಿ ಸಿಡಿಸಿದ್ದಾರೆ. ಇನ್ನು ಲೀಗ್ ಹಂತದಲ್ಲಿ ಡೆಲ್ಲಿ ವಿರುದ್ಧದ ಪಂದ್ಯ ಹಾಗೆಯೇ ಪ್ಲೇ ಆಫ್ ಪಂದ್ಯದಲ್ಲಿ ಕಣಕ್ಕಿಳಿದರೆ ರಾಹುಲ್ ದಾಖಲೆ ಮುರಿಯುವ ಸಾಧ್ಯತೆಯಿದೆ.

3- ಸೂರ್ಯಕುಮಾರ್ ಯಾದವ್: ಈ ಬಾರಿ ಮಿಂಚಿದ ಆಟಗಾರರಲ್ಲಿ ಸೂರ್ಯಕುಮಾರ್ ಕೂಡ ಒಬ್ಬರು. ಮುಂಬೈ ಇಂಡಿಯನ್ಸ್ ಪರ ಮೂರನೇ ಬ್ಯಾಟಿಂಗ್ ಮಾಡುವ ಸೂರ್ಯ 374 ರನ್ ಗಳಿಸಿದ್ದಾರೆ. ಇದರಲ್ಲಿ 49 ಬೌಂಡರಿಗಳಿದ್ದು, ಇನ್ನೂ ಪ್ಲೇ ಆಫ್ ಹಾಗೂ ಸನ್​ರೈಸರ್ಸ್​ ವಿರುದ್ಧದ ಪಂದ್ಯಗಳು ಬಾಕಿಯಿವೆ. ಹೀಗಾಗಿ ಕೆಎಲ್ ರಾಹುಲ್ ದಾಖಲೆಯನ್ನು ಮುರಿದು ಬೌಂಡರಿ ಲೆಕ್ಕಚಾರದಲ್ಲಿ ಮುನ್ನುಗ್ಗಲು ಸೂರ್ಯಕುಮಾರ್​ಗೆ ಉತ್ತಮ ಅವಕಾಶವಿದೆ.

2- ಶಿಖರ್ ಧವನ್: ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಆರಂಭಿಕ ಆಟಗಾರ ಶಿಖರ್ ಧವನ್ ಐಪಿಎಲ್​ನಲ್ಲಿ ಸತತ ಎರಡು ಶತಕ ಸಿಡಿಸಿದ ದಾಖಲೆ ಬರೆದಿದ್ದಾರೆ. ಇದೇ ವೇಳೆ ಧವನ್ ಬ್ಯಾಟ್​ನಿಂದ ಸಿಡಿದಿರುವುದು 52 ಬೌಂಡರಿಗಳು. ಇನ್ನು ಆರ್​ಸಿಬಿ ವಿರುದ್ಧದ ಪಂದ್ಯ ಹಾಗೂ ಪ್ಲೇ ಆಫ್ ಆಡುವ ಅವಕಾಶ ಲಭಿಸಿದರೆ ಫೋರ್ ವಿಷಯದಲ್ಲಿ ಧವನ್ ಅಗ್ರಸ್ಥಾನಕ್ಕೇರಬಹುದು.

1- ಕೆಎಲ್ ರಾಹುಲ್: ಕಿಂಗ್ಸ್ ಇಲೆವೆನ್ ಪಂಜಾಬ್ ನಾಯಕ ರಾಹುಲ್ ಅತಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ ರಾಹುಲ್ ಅಗ್ರಸ್ಥಾನದಲ್ಲಿದ್ದಾರೆ (670). 14 ಪಂದ್ಯಗಳನ್ನಾಡಿರುವ ರಾಹುಲ್ 58 ಬೌಂಡರಿಗಳನ್ನು ಬಾರಿಸಿದ್ದಾರೆ. ಅಷ್ಟೇ ಅಲ್ಲದೆ ಈ ಬಾರಿ 50 ಬೌಂಡರಿ ಬಾರಿಸಿ ಮೊದಲ ಬ್ಯಾಟ್ಸ್​ಮನ್ ಎನಿಸಿಕೊಂಡಿದ್ದಾರೆ.