IPL 2020: ಸಿಎಸ್​ಕೆ ಮುಂದಿನ ಕ್ಯಾಪ್ಟನ್ ಯಾರು ಗೊತ್ತೇ?: ಧೋನಿ ಆಯ್ಕೆ ಮಾಡಿರುವ ಹೆಸರು ಯಾರದ್ದು?; ಇಲ್ಲಿದೆ ಮಾಹಿತಿ

ಕ್ರಿಕೆಟ್​ನಲ್ಲಿ ಟೀಂ ಇಂಡಿಯಾವನ್ನು ಯಶಸ್ವಿಯಾಗಿ ನಡೆಸಿದ ಖ್ಯಾತಿ ಎಂಎಸ್ ಧೋನಿಗೆ ಇದೆ. ನಾಯಕತ್ವದಿಂದ ಕೆಳಗಿಳಿಯಬೇಕಾದರೆ, ವಿರಾಟ್ ಕೊಹ್ಲಿಯನ್ನು ನಾಯಕನನ್ನಾಗಿ ಆಯ್ಕೆ ಮಾಡಿ ಹೋಗಿದ್ದರು.

ಧೋನಿ ಆಯ್ಕೆ ತಪ್ಪಾಗಿರಲಿಲ್ಲ. ವಿರಾಟ್ ಟೀಂ ಇಂಡಿಯಾವನ್ನು ಯಶಸ್ವಿಯಾಗಿ ಮುನ್ನಡೆಸುತ್ತಿದ್ದಾರೆ. ತಾವು ಅತ್ಯದ್ಭುತ ಪ್ರದರ್ಶನ ತೋರುತ್ತಿರುವುದರ ಜೊತೆಗೆ ಸಹ ಆಟಗಾರರಿಗೂ ಸ್ಫೂರ್ತಿ ತುಂಬುತ್ತಿದ್ದಾರೆ.

ಹೀಗಾಗಿ, ಕೊಹ್ಲಿಯನ್ನು ಆಯ್ಕೆ ಮಾಡುವ ಮೂಲಕ ಧೋನಿ ಭೇಷ್ ಎನಿಸಿಕೊಂಡಿದ್ದರು. ಈಗ ಅವರಿಗೆ ಸಿಎಸ್ಕೆ ಮುಂದಿನ ನಾಯಕತ್ವದ ಬಗ್ಗೆ ಚಿಂತೆ ಕಾಡುತ್ತಿದೆಯಂತೆ.

ಒಂದು ಮಾಹಿತಿ ಪ್ರಕಾರ 2021ರ ಐಪಿಎಲ್ ಧೋನಿಯ ಅಂತಿಮ ಸೀಸನ್ ಆಗಲಿದೆಯಂತೆ. ಆ ನಂತರ ತಂಡವನ್ನು ನಡೆಸೋರು ಯಾರು ಎನ್ನುವ ಬಗ್ಗೆ ಧೋನಿ ಪಕ್ಕಾ ಲೆಕ್ಕಾಚಾರ ಹಾಕಿಟ್ಟಿದ್ದಾರಂತೆ.

ಈ ಬಗ್ಗೆ ಸಿಎಸ್ಕೆ ಆಲ್ ರೌಂಡರ್ ಡ್ವೇನ್ ಬ್ರಾವೋ ಮಾಹಿತಿ ನೀಡಿದ್ದಾರೆ. ಸುರೇಶ್ ರೈನಾ ಅಥವಾ ಬೇರೆ ಯಾರಾದರೂ ಕಿರಿಯ ಆಟಾಗರರಿಗೆ ಸಿಎಸ್ಕೆ ನಾಯಕತ್ವ ನೀಡಬೇಕು ಎಂಬುದು ಧೋನಿ ಲೆಕ್ಕಾಚಾರ. ಆದರೆ, ಅವರು ಯಾವಾಗ ಸ್ಥಾನದಿಂದ ಕೆಳಗಿಳಿಯುತ್ತಾರೆ ಎಂಬುದು ಅಧಿಕೃತವಾಗಿಲ್ಲ. ಅವರು ಇನ್ನೂ ಕೆಲ ವರ್ಷ ಸಿಎಸ್ ಕೆಯನ್ನು ಯಶಸ್ವಿಯಾಗಿ ಮುನ್ನಡೆಸುತ್ತಾರೆ ಎನ್ನುವ ನಂಬಿಕೆ ಇದೆ ಎಂದಿದ್ದಾರೆ.

ಧೋನಿ 10 ವರ್ಷಗಳ ಕಾಲ ಸಿಎಸ್ ಕೆಯನ್ನು ಮುನ್ನಡೆಸಿದ್ದಾರೆ. 10 ವರ್ಷಗಳಲ್ಲಿ 3 ಬಾರಿ ಧೋನಿ ಕಪ್ ಎತ್ತಿದ್ದಾರೆ. ಆರಂಭದಿಂದಲೂ ಧೋನಿಗೆ ಜೊತೆಯಾಗಿ ಸುರೇಶ್ ರೈನಾ ನಿಂತಿದ್ದರು. ಹೀಗಾಗಿ ಸುರೇಶ್ ರೈನಾಗೆ ನಾಯಕತ್ವ ಸಿಗುವ ಸಾಧ್ಯತೆ ಹೆಚ್ಚಿದೆ ಎನ್ನಲಾಗುತ್ತಿದೆ.