ಪ್ಲೇಆಫ್​ಗೆ ಏರಲು ಚೆನ್ನೈ ಸೂಪರ್​ ಕಿಂಗ್ಸ್​ಗೆ ಇನ್ನೂ ಇದೆ ಅವಕಾಶ; ಹೇಗೆ ಗೊತ್ತಾ?

ನಿನ್ನೆ ನಡೆದ ರಾಜಸ್ಥಾನ ವಿರುದ್ಧದ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಹೀನಾಯ ಸೋಲು ಕಂಡಿದೆ. ಕೇವಲ 126 ರನ್​ ಟಾರ್ಗೆಟ್​ ನೀಡುವ ಮೂಲಕ ರನ್​ ರೇಟ್​ನಲ್ಲೂ ಕುಸಿತ ಕಂಡಿದೆ. ಈ ಮೂಲಕ ಈ ಬಾರಿ ಆವೃತ್ತಿಯಲ್ಲಿ ಸತತ ಏಳನೆಸೋಲು ದಾಖಲಿಸಿದೆ.

ಕಳೆದ ಬಾರಿ ಫೈನಲ್​ಗೆ ಏರಿ ಸೋತಿದ್ದ ಚೆನ್ನೈ ಈವರೆಗೆ ಮೂರು ಬಾರಿ ಕಪ್​ ಎತ್ತಿದೆ.

ಐಪಿಎಲ್​ನಲ್ಲಿ ಚೆನ್ನೈ ತುಂಬಾನೇ ಸ್ಟ್ರಾಂಗ್ ತಂಡ. ಎಲ್ಲ ಆಟಗಾರರೂ ಅನುಭವಿಗಳು. ಆದರೆ, ಈ ಬಾರಿ ಐಪಿಎಲ್ನಲ್ಲಿ ಮಿಂಚಲು ಸಾಧ್ಯವಾಗಿಲ್ಲ. ನಿನ್ನೆಯ ಸೋಲಿನ ಬಳಿಕ ಚೆನ್ನೈ ಕೊನೆಯ ಸ್ಥಾನದಲ್ಲಿದೆ

ಆಡಿದ 10 ಪಂದ್ಯಗಳಲ್ಲಿ ಮೂರರಲ್ಲಿ ಗೆದ್ದು ಏಳರಲ್ಲಿ ಸೋತಿರುವುದಕ್ಕೆ ಚೆನ್ನೈ ಪ್ಲೇಆಫ್​ಗೆ ಏರುವುದಿಲ್ಲ ಎಂದು ಅನೇಕರು ಹೇಳುತ್ತಿದ್ದಾರೆ. ಚೆನ್ನೈ ಪ್ಲೇಆಫ್​ಗೆ ಏರಲು ಇನ್ನೂ ಅವಕಾಶ ಇದೆ. ಆದರೆ ಹಾಗಾಗಬೇಕೆಂದರೆ ಜಾದೂ ಆಗಬೇಕು ಎನ್ನುತ್ತಾರೆ ಕ್ರಿಕೆಟ್ ಪಂಡಿತರು. ಅದು ಹೇಗೆ ಎನ್ನುವುದಕ್ಕೆ ಇಲ್ಲಿದೆ ಉತ್ತರ.

ಚೆನ್ನೈ ಮೂರು ಪಂದ್ಯಗಳಲ್ಲಿ ಗೆದ್ದು ಆರು ಅಂಕ ಪಡೆದುಕೊಂಡಿದೆ. ರನ್ ರೇಟ್ -0.463 ಇದೆ. ಮುಂಬರುವ ನಾಲ್ಕೂ ಪಂದ್ಯಗಳಲ್ಲಿ ಧೋನಿ ಪಡೆ ಎಲ್ಲ ಮ್ಯಾಚ್​ನಲ್ಲೂ ಗೆಲುವು ಸಾಧಿಸಬೇಕು. ಅಷ್ಟೇ ಅಲ್ಲ, ದೊಡ್ಡ ಅಂತರದ ಗೆಲುವು ಕಂಡು ರನ್​ರೇಟ್​ ಹೆಚ್ಚಿಸಿಕೊಳ್ಳಬೇಕು.

16 ಅಂಕ ಗಳಿಸಿದವರು ಅನಾಯಸವಾಗಿ ಪ್ಲೇಆಫ್​ ಪ್ರವೇಶ ಮಾಡುತ್ತಾರೆ. ಆದರೆ, ಚೆನ್ನೈ ಬಳಿ ಈಗ ಇರುವುದು ಆರು ಅಂಕ. ಒಂದೊಮ್ಮೆ ನಾಲ್ಕರಲ್ಲಿ ಗೆದ್ದರೆ ಚೆನ್ನೈ ಒಟ್ಟು 14 ಅಂಕ ಆಗಲಿದೆ. ಇದರ ಜೊತೆಗೆ ರನ್ ರೇಟ್ ಕೂಡ ಉತ್ತಮವಾಗಿದ್ದರೆ ಪ್ಲೇ ಆಫ್ ಗೆ ಏರಬಹುದು.

ಹಾಗಂತ ಇದುವೇ ಅಂತಿಮವಲ್ಲ. ಚೆನ್ನೈಗಿಂತ ಮೇಲಿರುವ ತಂಡಗಳು ಅಂಕಪಟ್ಟಿಯಲ್ಲಿ ಮೊದಲ ಮೂರು ಸ್ಥಾನದಲ್ಲಿರುವ ಟೀಂಗಳ ಜೊತೆ ಹೀನಾಯವಾಗಿ ಸೋಲಬೇಕು. ಹಾಗಿದ್ದರೆ ಮಾತ್ರ ಚೆನ್ನೈಗೆ ಪ್ಲೇಆಫ್​ಗೆ ಏರಲು ಸಾಧ್ಯವಿದೆ. ಹೀಗಾಗಿ ಚೆನ್ನೈಗೆ ಗೆಲುವಿನ ಜೊತೆ ಅದೃಷ್ಟ ಕೂಡ ಕೈ ಹಿಡಿಯಬೇಕು.

ಚೆನ್ನೈಗಿಂತ ಮೇಲಿರುವ ತಂಡಗಳು ಟೂರ್ನಿಯಲ್ಲಿ ಉತ್ತಮವಾಗಿ ಪ್ರದರ್ಶನ ನೀಡಿದರೆ ಚೆನ್ನೈ ಪ್ಲೇಆಫ್​ ಕನಸು ಭಗ್ನವಾಗಲಿದೆ.