ಚೆನ್ನೈ ಸೂಪರ್​ ಕಿಂಗ್ಸ್ ಪ್ಲೇಆಫ್​ ಕನಸು ಇನ್ನೂ ಜೀವಂತ; ಇಲ್ಲಿದೆ ನೋಡಿ ಲೆಕ್ಕಾಚಾರ

ನಿನ್ನೆ ನಡೆದ ರೋಚಕ ಪಂದ್ಯದಲ್ಲಿ ಡೆಲ್ಲಿ ವಿರುದ್ಧ ಚೆನ್ನೈ ಸೂಪರ್ ಕಿಂಗ್ಸ್ ಸೋತಿದೆ. ಈ ಮೂಲಕ ಈ ಬಾರಿ ಆವೃತ್ತಿಯಲ್ಲಿ ಸತತ ಆರನೇ ಸೋಲು ದಾಖಲಿಸಿದೆ.

ಮ್ಯಾಚ್ ಮುಗಿದ ನಂತರದಲ್ಲಿ ಮಾತನಾಡಿದ್ದ ಧೋನಿ, ತಂಡದಲ್ಲಿ ಸಾಕಷ್ಟು ವಿಚಾರಗಳಲ್ಲಿ ಬದಲಾವಣೆ ಆಗಬೇಕು ಎಂದು ಅಭಿಪ್ರಾಯಪಟ್ಟಿದ್ದರು.

ಐಪಿಎಲ್​ನಲ್ಲಿ ಚೆನ್ನೈ ತುಂಬಾನೇ ಸ್ಟ್ರಾಂಗ್ ತಂಡ. ಎಲ್ಲ ಆಟಗಾರರೂ ಅನುಭವಿಗಳು. ಅಲ್ಲದೆ, ಮೂರು ಬಾರಿ ಕಪ್ ಎತ್ತಿರುವ ಖ್ಯಾತಿ ಚೆನ್ನೈಗೆ ಇದೆ. ಆದರೆ, ಈ ಬಾರಿ ಐಪಿಎಲ್ನಲ್ಲಿ ಮಿಂಚಲು ಸಾಧ್ಯವಾಗಿಲ್ಲ.

9 ಪಂದ್ಯಗಳಲ್ಲಿ ಮೂರರಲ್ಲಿ ಗೆದ್ದು ಆರರಲ್ಲಿ ಸೋತಿರುವುದಕ್ಕೆ ಚೆನ್ನೈ ಪ್ಲೇಆಫ್ಗೆ ಏರಲು ಸಾಧ್ಯವಿಲ್ಲ ಎಂಬುದು ಅನೇಕರ ನಂಬಿಕೆ. ಆದರೆ, ಆ ರೀತಿ ಇಲ್ಲ. ಚೆನ್ನೈ ಪ್ಲೇಆಫ್ಗೆ ಏರಲು ಇನ್ನೂ ಅವಕಾಶ ಇದೆ ಎನ್ನುತ್ತಾರೆ ಕ್ರಿಕೆಟ್ ಪಂಡಿತರು. ಅದು ಹೇಗೆ ಎನ್ನುವುದಕ್ಕೆ ಇಲ್ಲಿದೆ ಉತ್ತರ.

ಚೆನ್ನೈ ಮೂರು ಪಂದ್ಯಗಳಲ್ಲಿ ಗೆದ್ದು ಆರು ಅಂಕ ಪಡೆದುಕೊಂಡಿದೆ. ರನ್ ರೇಟ್ -0.386 ಇದೆ. ಮುಂಬರುವ ಐದು ಪಂದ್ಯಗಳಲ್ಲಿ ಧೋನಿ ಪಡೆ ಕನಿಷ್ಠ ನಾಲ್ಕರಲ್ಲಿ ದೊಡ್ಡ ಅಂತರದಿಂದ ಗೆಲುವು ಸಾಧೀಸಲೇಬೇಕು. ಹಾಗಾದರೆ ಮಾತ್ರ ರನ್ ರೇಟ್ ಏರಲು ಸಾಧ್ಯ.

ಮುಂದಿನ ನಾಲ್ಕು ಪಂದ್ಯ ಗೆದ್ದರೆ ಚೆನ್ನೈ ಒಟ್ಟು 14 ಅಂಕ ಸಂಪಾದಿಸಲಿದೆ. ಇದರ ಜೊತೆಗೆ ರನ್ ರೇಟ್ ಕೂಡ ಉತ್ತಮವಾಗಿದ್ದರೆ ಪ್ಲೇ ಆಫ್ ಗೆ ಏರಬಹುದು.

ಹಾಗಂತ ಇದುವೇ ಅಂತಿಮವಲ್ಲ. ಉಳಿದ ತಂಡಗಳು ಹೇಗೆ ಆಡುತ್ತವೆ ಎನ್ನುವದರ ಮೇಲೂ ಚೆನ್ನೈ ಪ್ಲೇಆಫ್ ನಿರ್ಧಾರ ಆಗಲಿದೆ.

ಅಂಕದ ವಿಚಾರಕ್ಕೆ ಬಂದರೆ ಹೈದರಾಬಾದ್​ ಹಾಗೂ ಕೊಲ್ಕತ್ತಾ ಚೆನ್ನೈಗಿಂತ ಮೇಲಿವೆ. ಅವುಗಳು ಟೂರ್ನಿಯಲ್ಲಿ ಉತ್ತಮವಾಗಿ ಪ್ರದರ್ಶನ ನೀಡಿದರೆ ಚೆನ್ನೈ ಪ್ಲೇಆಫ್​ ಕನಸು ಭಗ್ನವಾಗಲಿದೆ.