IPL 2020: ಐಪಿಎಲ್ ಇತಿಹಾಸದಲ್ಲಿ ಗರಿಷ್ಠ ಕ್ಯಾಚ್ ಹಿಡಿದ ಆಟಗಾರರು ಯಾರು?; ಇಲ್ಲಿದೆ ವಿವರ

ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ ಸುರೇಶ್ ರೈನಾ ಐಪಿಎಲ್​ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ ಸ್ಟಾರ್ ಆಟಗಾರ. ಈವರೆಗೆ ಐಪಿಎಲ್​ನಲ್ಲಿ ಗರಿಷ್ಠ ಕ್ಯಾಚ್ ಪಡೆದ ಆಟಗಾರರ ಪಟ್ಟಿಯಲ್ಲಿ ರೈನಾ ಮೊದಲಿಗರಾಗಿದ್ದು 193 ಪಂದ್ಯಗಳಲ್ಲಿ 102 ಕ್ಯಾಚ್ ಇವರು ಹಿಡಿದಿದ್ದಾರೆ.

ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡದ ಸ್ಫೋಟಕ ಬ್ಯಾಟ್ಸ್​ಮನ್​ ಎಬಿ ಡಿವಿಲಿಯರ್ಸ್​ ಫೀಲ್ಡಿಂಗ್​ನಲ್ಲಿ ತಮ್ಮಲ್ಲಿರುವ ಎಲ್ಲ ಸಾಮರ್ಥ್ಯ ಹೊರಹಾಕುತ್ತಾರೆ. ಇದಕ್ಕೆ ಇವರು ಪಡೆದಿರುವ ಕ್ಯಾಚ್​ಗಳ ಸಂಖ್ಯೆಯೇ ಸಾಕ್ಷಿ. ಮಿ. 360 121 ಪಂದ್ಯಗಳಲ್ಲಿ ಒಟ್ಟು 84 ಕ್ಯಾಚ್ ಹಿಡಿದ್ದಾರೆ.

ಮುಂಬೈ ಇಂಡಿಯನ್ಸ್​ ತಂಡದ ಯಶಸ್ವಿ ನಾಯಕ ಹಿಟ್​ಮ್ಯಾನ್ ರೋಹಿತ್ ಶರ್ಮಾ ಐಪಿಎಲ್​ನಲ್ಲಿ ಸಾಕಷ್ಟು ದಾಖಲೆ ಹೊಂದಿದ್ದಾರೆ. ಇದರಲ್ಲಿ ಅತ್ಯಧಿಕ ಕ್ಯಾಚ್ ಪಡೆದಿರುವ ಆಟಗಾರ ಕೂಡ ಒಂದು. ಇವರು ಒಟ್ಟು 83 ಕ್ಯಾಚ್ ಗಳನ್ನು ಹಿಡಿದಿದ್ದಾರೆ.

ಮುಂಬೈ ಇಂಡಿಯನ್ಸ್ ತಂಡದ ಮತ್ತೊಬ್ಬ ಸ್ಟಾರ್ ಆಲ್ರೌಂಡರ್, ವೆಸ್ಟ್​ ಇಂಡೀಸ್​ನ ಕೀರೊನ್ ಪೊಲಾರ್ಡ್​ ಗರಿಷ್ಠ ಕ್ಯಾಚ್ ಹಿಡಿದವರ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ.

ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ ಬೆಸ್ಟ್ ಆಲ್ರೌಂಡರ್ ಡ್ವೇನ್ ಬ್ರಾವೋ ಅವರ ಕ್ಯಾಚಿಂಗ್ ರೇಟ್ ಶೇ. 556 ರಷ್ಟಿದೆ.

ಆರ್​ಸಿಬಿ ತಂಡದ ನಾಯಕ ವಿರಾಟ್ ಕೊಹ್ಲಿ 117 ಪಂದ್ಯಗಳಲ್ಲಿ 73 ಕ್ಯಾಚ್ ಹಿಡಿದಿದ್ದಾರೆ.

ಸದ್ಯ ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ಪ್ರಮುಖ ಆಟಗಾರನಾಗಿರುವ ಶಿಖರ್ ಧವನ್ ಐಪಿಎಲ್​ನಲ್ಲಿ ಒಟ್ಟು 68 ಕ್ಯಾಚ್ ಹಿಡಿದಿದ್ದಾರೆ.

ಟೀಂ ಇಂಡಿಯಾದ ಬೆಸ್ಟ್​ ಫೀಲ್ಡರ್​ಗಳ ಪಟ್ಟಿಯಲ್ಲಿ ಪ್ರಮುಖರಾಗಿರುವ ಮನೀಶ್ ಪಾಂಡೆ ಐಪಿಎಲ್​ನಲ್ಲಿ 63 ಕ್ಯಾಚ್ ಹಿಡಿದಿದ್ದಾರೆ.

ರವೀಂದ್ರ ಜಡೇಜಾ ಕೂಡ 63 ಕ್ಯಾಚ್ ಹಿಡಿದು ಶ್ರೇಷ್ಠ ಫೀಲ್ಡರ್ ಎನಿಸಿಕೊಂಡಿದ್ದಾರೆ.

ಡೇವಿಡ್ ವಾರ್ನರ್ ಗರಿಷ್ಠ ಕ್ಯಾಚ್ ಪಡೆದವರ ಸಾಲಿನಲ್ಲಿ 10ನೇ ಸ್ಥಾನದಲ್ಲಿದ್ದು, ಇವರು 53 ಕ್ಯಾಚ್ ಹಿಡಿದಿದ್ದಾರೆ.