IPL 2020: ಈ ಆರ್​ಸಿಬಿ ಆಟಗಾರ ನನ್ನಂತೆಯೇ ಬ್ಯಾಟ್ ಬೀಸುತ್ತಾನೆ: ಎಬಿ ಡಿವಿಲಿಯರ್ಸ್ ಹೇಳಿದ್ದು ಯಾರನ್ನು?

ದಕ್ಷಿಣ ಆಫ್ರಿಕಾ ಕ್ರಿಕೆಟ್ ತಂಡದ ಮಾಜಿ ನಾಯಕ, ಮಿ. 360 ಡಿಗ್ರಿ ಖ್ಯಾತಿಯ ಎಬಿ ಡಿವಿಲಿಯರ್ಸ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಬಹುದೊಡ್ಡ ಆಸ್ತಿ. ಕಳೆದ 9 ವರ್ಷಗಳಿಂದ ಎಬಿಡಿ ಆರ್​ಸಿಬಿ ತಂಡಕ್ಕೆ ತಮ್ಮ ಕೊಡುಗೆ ನೀಡುತ್ತಾ ಬಂದಿದ್ದಾರೆ.

2018 ರಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್​ಗೆ ದಿಢೀರ್ ನಿವೃತ್ತಿ ಘೋಷಿಸಿದ ಬಳಿಕ ಡಿವಿಲಿಯರ್ಸ್ ಲೀಗ್ ಟೂರ್ನಿಗಳಲ್ಲಷ್ಟೆ ಭಾಗವಹಿಸುತ್ತಿದ್ದಾರೆ.

ಸದ್ಯ ಈ ಬಾರಿಯ ಐಪಿಎಲ್ ಕುರಿತು ಮಾತನಾಡಿವ ಎಬಿಡಿ ಆರ್​ಸಿಬಿ ತಂಡಲದಲ್ಲಿ ನನ್ನಂತೆಯೆ ಬ್ಯಾಟ್ ಬೀಸುವ ಯುವ ಆಟಗಾರ ಇದ್ದಾನೆ ಎಂದು ಹೇಳಿದ್ದಾರೆ.

ಆಸ್ಟ್ರೇಲಿಯಾದ ಯುವ ಬ್ಯಾಟ್ಸ್​ಮನ್​​ ಜೋಶ್ ಫಿಲಿಪ್ಪೆ ಅವರಲ್ಲಿ ನನ್ನನ್ನು ನೋಡುತ್ತೇನೆ ಎಂದು ಆರ್ಸಿಬಿ ಆಟಗಾರ ಎಬಿಡಿ ವಿಲಿಯರ್ಸ್ 23 ವರ್ಷದ ಯುವ ಆಟಗಾರನ ಬಗ್ಗೆ ಮೆಚ್ಚುಗೆಯ ಮಾತನಾಡಿದ್ದಾರೆ.

ಪ್ರತಿಯೊಬ್ಬ ಯುವ ಕ್ರಿಕೆಟಿಗ ಐಪಿಎಲ್ ಸಂದರ್ಭದಲ್ಲಿ ಲೆಜೆಂಡ್​ಗಳಾದ ಎಂಎಸ್ ಧೋನಿ, ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಕ್ರಿಸ್ ಗೇಲ್ ಅವರಂತಹ ಕ್ರಿಕೆಟಿಗರ ಜೊತೆ ಹೆಚ್ಚು ಸಮಯ ಕಳೆಯಲು ಬಯಸುತ್ತಾರೆ.

ಆದರೆ, ದಕ್ಷಿಣ ಆಫ್ರಿಕಾದ ಮಾಜಿ ನಾಯಕ ಎಬಿಡಿ ವಿಲಿಯರ್ಸ್ ಆಸ್ಟ್ರೇಲಿಯಾದ 23 ವರ್ಷದ ಯುವ ಆಟಗಾರ ಜೋಶ್ ಫಿಲಿಪ್ಪೆ ಅವರಲ್ಲಿ ತಮ್ಮನ್ನು ತಾವು ಕಾಣುವುದಾಗಿ ತಿಳಿಸಿದ್ದಾರೆ.

ಆರ್​ಸಿಬಿಯ ಅಫೀಶಿಯಲ್ ಆ್ಯಪ್​ನಲ್ಲಿ ಬಿಡುಗಡೆ ಮಾಡಿರುವ ವಿಡಿಯೋದಲ್ಲಿ ಮಾತನಾಡಿರುವ ಅವರು, ಮೊದಲ ಐಪಿಎಲ್ ಟ್ರೋಫಿ ಎದುರು ನೋಡುತ್ತಿರುವ ಆರ್​ಸಿಬಿ ತಂಡದಲ್ಲಿ ಯುವ ಆಟಗಾರನ ಸಾಮರ್ಥ್ಯ ನೋಡಲು ಉತ್ಸುಕನಾಗಿದ್ದೇನೆ ಎಂದಿದ್ದಾರೆ.

ಈ ಬಾರಿಯ ಐಪಿಎಲ್​ನಲ್ಲಿ ನಮ್ಮ ತಂಡ ವಿಶ್ವ ಶ್ರೇಷ್ಠ ಆಟಗಾರರನ್ನು ಹೊಂದಿದೆ. ಆರೊನ್ ಫಿಂಚ್, ಆಡಮ್ ಝಾಂಪ ಮತ್ತು ಜಾಶ್ ಫಿಲಿಪ್ ಅವರಂತಹ ಆಟಗಾರರು ಹೊಸದಾಗಿ ಸೇರಿದ್ದಾರೆ.

ಅದರಲ್ಲೂ ಜಾಶ್ ಫಿಲಿಪ್ ಜೊತೆ ಆಡುವುದನ್ನು ಎದುರು ನೋಡುತ್ತಿದ್ದೇನೆ. ಏಕೆಂದರೆ ನಮ್ಮಿಬ್ಬರ ಬ್ಯಾಟಿಂಗ್​ನಲ್ಲಿ ಬಹಳಷ್ಟು ಸಾಮ್ಯತೆ ಇದೆ. ಆಡಮ್ ಗಿಲ್​ಕ್ರಿಸ್ಟ್​ ಕೂಡ ಫಿಲಿಪ್ ಬಗ್ಗೆ ಉತ್ತಮ ಮಾತುಗಳನ್ನಾಡಿರುವುದನ್ನು ಕೇಳಿದ್ದೇನೆ ಎಂದು ಎಬಿಡಿ ಹೇಳಿಕೊಂಡಿದ್ದಾರೆ.

ಜೋಶ್ ಬಗ್ಗೆ ನಾನು ಬಹಳ ಉತ್ಸುಕನಾಗಿದ್ದೇನೆ. ಅವರು ಸಿಡ್ನಿ ಸಿಕ್ಸರ್​ಗಾಗಿ ಆಡುವುದನ್ನು ನೋಡಿದ್ದೇನೆ. ಹೊಸ ಚೆಂಡಿನಲ್ಲಿ ಅವರ ಬ್ಯಾಟಿಂಗ್ ಹಾಗೂ ಆತ ಒಬ್ಬ ಪ್ರತಿಭಾವಂತ ಎಂದು ಅವರು ತಿಳಿಸಿದ್ದಾರೆ.

2019ರ ಹರಾಜಿನಲ್ಲಿ ಜೋಶ್ ಫಿಲಿಪ್ಪೆಯನ್ನು ಆರ್​ಸಿಬಿ 20 ಲಕ್ಷಕ್ಕೆ ಖರೀದಿಸಿದೆ. ಅವರು ಕಳೆದ ವರ್ಷದ ಬಿಗ್​ಬ್ಯಾಷ್​ ಲೀಗ್​ನಲ್ಲಿ 16 ಪಂದ್ಯಗಳಿಂದ 5 ಅರ್ಧಶತಕದ ನೆರವಿನಿಂದ 487 ರನ್​ಗಳಿಸಿ 3ನೇ ಗರಿಷ್ಠ ಸ್ಕೋರರ್ ಎನಿಸಿಕೊಂಡಿದ್ದರು.