IPL 2020: ಈ ತಂಡಗಳಲ್ಲಿ ಒಂದು ಈ ಬಾರಿ ಚಾಂಪಿಯನ್ ಆಗಲಿದೆ: ಮಾಜಿ ಕ್ರಿಕೆಟಿಗನ ಭವಿಷ್ಯ..!

ಇಂಡಿಯನ್ ಪ್ರೀಮಿಯರ್ ಲೀಗ್ ಖಚಿತವಾಗುತ್ತಿದ್ದಂತೆ ಇತ್ತ ತಂಡಗಳ ಸಮಬಲಗಳ ವಿಶ್ಲೇಷಣೆ ಆರಂಭವಾಗಿದೆ. ಅದರಲ್ಲೂ ಯುಎಇ ಪಿಚ್​ನಲ್ಲಿ ಯಾರಾಗಲಿದ್ದಾರೆ ಚಾಂಪಿಯನ್ ಎಂಬ ಚರ್ಚೆಗಳು ಶುರುವಾಗಿದೆ.

ಈ ಬಗ್ಗೆ ಐಪಿಎಲ್ ಮಾಜಿ ಆಟಗಾರ, ಆಸ್ಟ್ರೇಲಿಯಾ ಕ್ರಿಕೆಟಿಗ ಬ್ರಾಡ್ ಹಾಗ್ ಭವಿಷ್ಯ ನುಡಿದಿದ್ದಾರೆ. ಆಸೀಸ್ ಕ್ರಿಕೆಟಿಗನ ಪ್ರಕಾರ ಈ ಬಾರಿ ಎರಡು ಬಲಿಷ್ಠ ತಂಡಗಳ ನಡುವೆ ಭರ್ಜರಿ ಪೈಪೋಟಿ ಇರಲಿದೆಯಂತೆ.

ಆ ತಂಡಗಳು ಯಾವುವು ಎಂದರೆ ಮುಂಬೈ ಇಂಡಿಯನ್ಸ್​ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು. ಈ ಎರಡು ತಂಡಗಳಲ್ಲಿ ಒಂದು ಈ ಬಾರಿ ಚಾಂಪಿಯನ್ ಪಟ್ಟಕ್ಕೇರಲಿದೆ ಎಂದಿದ್ದಾರೆ ಹಾಗ್.

ಹಾಗ್ ಪ್ರಕಾರ, ಈ ಬಾರಿಯು ಮುಂಬೈ ಇಂಡಿಯನ್ಸ್ ಪ್ರಶಸ್ತಿ ಗೆಲ್ಲಬಹುದಾದ ನೆಚ್ಚಿನ ತಂಡ. ಏಕೆಂದರೆ ರೋಹಿತ್ ಪಡೆಯ ಆರಂಭಿಕ ಆಟಗಾರರು ಉತ್ತಮವಾಗಿದ್ದಾರೆ.

ಹಾಗೆಯೇ ತಂಡವು ಹಾರ್ದಿಕ್ ಪಾಂಡ್ಯರಂತಹ ಉತ್ತಮ ಆಲ್ ರೌಂಡರ್​ಗಳನ್ನು ಹೊಂದಿದೆ. ಇನ್ನು ಮುಂಬೈ ಇಂಡಿಯನ್ಸ್​ ತಂಡದ ಡೆತ್ ಬೌಲಿಂಗ್ ಬಲಿಷ್ಠವಾಗಿದ್ದು, ಲಸಿತ್ ಮಾಲಿಂಗ, ಜಸ್​ಪ್ರೀತ್ ಬುಮ್ರಾ ಪ್ರಮುಖ ಅಸ್ತ್ರವಾಗಲಿದ್ದಾರೆ ಎಂದು ಮಾಜಿ ಕ್ರಿಕೆಟಿಗ ಅಭಿಪ್ರಾಯಪಟ್ಟಿದ್ದಾರೆ.

ಇನ್ನು ಆರ್​ಸಿಬಿಗೂ ಈ ಬಾರಿ ಉತ್ತಮ ಅವಕಾಶವಿದೆ. ತಂಡವು ಬಲಿಷ್ಠವಾಗಿದ್ದು, ಅದರೊಂದಿಗೆ ಆರೋನ್ ಫಿಂಚ್ ತಂಡಕ್ಕೆ ಸೇರ್ಪಡೆಯಾಗಿರುವುದು ಪ್ಲಸ್. ಏಕೆಂದರೆ ಫಿಂಚ್ ಪವರ್​ ಪ್ಲೇನಲ್ಲಿ​ ಸ್ಪೋಟಕ ಬ್ಯಾಟಿಂಗ್​ ಮಾಡಬಹುದು.

ಇನ್ನು ಆರ್​ಸಿಬಿಗೂ ಈ ಬಾರಿ ಉತ್ತಮ ಅವಕಾಶವಿದೆ. ತಂಡವು ಬಲಿಷ್ಠವಾಗಿದ್ದು, ಅದರೊಂದಿಗೆ ಆರೋನ್ ಫಿಂಚ್ ತಂಡಕ್ಕೆ ಸೇರ್ಪಡೆಯಾಗಿರುವುದು ಪ್ಲಸ್. ಏಕೆಂದರೆ ಫಿಂಚ್ ಪವರ್​ ಪ್ಲೇನಲ್ಲಿ​ ಸ್ಪೋಟಕ ಬ್ಯಾಟಿಂಗ್​ ಮಾಡಬಹುದು.

ರಾಯಲ್ ಚಾಲೆಂಜರ್ಸ್​ ಬೌಲಿಂಗ್​ ವಿಭಾಗ ಕೂಡ ಉತ್ತಮವಾಗಿದೆ ಎಂದು ಅಭಿಪ್ರಾಯಪಟ್ಟ ಬ್ರಾಡ್ ಹಾಗ್, ಡೇಲ್ ಸ್ಟೇನ್ ಹಾಗೂ ರಿಚರ್ಡಸನ್ ಇರುವುದರಿಂದ ಆರ್​ಸಿಬಿಯಿಂದ ಉತ್ತಮ ಆಟ ನಿರೀಕ್ಷಿಸಬಹುದು. ಹಾಗೆಯೇ ವಿದೇಶದಲ್ಲಿ ಆರ್​ಸಿಬಿ ಕಪ್ ಗೆಲ್ಲುವ ಚಾನ್ಸ್ ಇದೆ ಎಂದಿದ್ದಾರೆ.

RCB squad 2020: ವಿರಾಟ್ ಕೊಹ್ಲಿ (ನಾಯಕ), ಎಬಿ ಡಿವಿಲಿಯರ್ಸ್, ಕ್ರಿಸ್ ಮೋರಿಸ್, ಯಜುವೇಂದ್ರ ಚಹಲ್, ಶಿವಂ ದುಬೆ, ಆರೋನ್ ಫಿಂಚ್, ಉಮೇಶ್ ಯಾದವ್, ಕೇನ್ ರಿಚರ್ಡ್​ಸನ್, ವಾಷಿಂಗ್ಟನ್ ಸುಂದರ್, ನವದೀಪ್ ಸೈನಿ, ಮೊಹಮ್ಮದ್ ಸಿರಾಜ್, ಡೇಲ್ ಸ್ಟೇನ್, ಮೊಯೀನ್ ಅಲಿ, ಪಾರ್ಥಿವ್ ಪಟೇಲ್, ಪವನ್ ನೇಗಿ, ಗುರ್ಕಿರತ್ ಮನ್​ ಸಿಂಗ್, ಇಸುರು ಉದಾನಾ, ದೇವದತ್ ಪಡಿಕ್ಕಲ್, ಶಹಬಾಜ್ ಅಹಮದ್, ಜೋಶುವಾ ಫಿಲಿಪ್, ಪವನ್ ದೇಶಪಾಂಡೆ.

MI Squad 2020: ರೋಹಿತ್ ಶರ್ಮಾ (ನಾಯಕ), ಆದಿತ್ಯ ತಾರೆ, ಅನ್ಮೋಲ್‌ಪ್ರೀತ್ ಸಿಂಗ್, ಅನುಕುಲ್ ರಾಯ್, ಧವಲ್ ಕುಲಕರ್ಣಿ, ಹಾರ್ದಿಕ್ ಪಾಂಡ್ಯ, ಇಶಾನ್ ಕಿಶನ್, ಜಸ್​ಪ್ರೀತ್ ಬುಮ್ರಾ, ಜಯಂತ್ ಯಾದವ್, ಕೀರನ್ ಪೊಲಾರ್ಡ್, ಕ್ರುನಾಲ್ ಪಾಂಡ್ಯ, ಲಸಿತ್ ಮಾಲಿಂಗ, ಮಿಚೆಲ್ ಮೆಕ್ಲೆನಾಗನ್, ಕ್ವಿಂಟನ್ ಡಿ ಕಾಕ್, ರಾಹುತ್ ಶಹರ್ ಯಾದವ್, ಟ್ರೆಂಟ್ ಬೌಲ್ಟ್, ನಾಥನ್ ಕೌಲ್ಟರ್-ನೈಲ್, ಕ್ರಿಸ್ ಲಿನ್, ಸೌರಭ್ ತಿವಾರಿ, ದಿಗ್ವಿಜಯ್ ದೇಶ್ಮುಖ್, ಪ್ರಿನ್ಸ್ ಬಲ್ವಂತ್ ರೈ ಸಿಂಗ್, ಮೊಹ್ಸಿನ್ ಖಾನ್.

IPL