Budget Record: ಸಾವಿರ ಕೋಟಿಯನ್ನು ಮೀರಿದ ಕರ್ನಾಟಕದ ಈ ನಗರದ ಬಜೆಟ್

ಹುಬ್ಬಳ್ಳಿ - ಧಾರವಾಡ ಮಹಾ ನಗರ ಪಾಲಿಕೆಯ ಬಜೆಟ್ ಮಂಡಿಸಲಾಗಿದೆ. ಬರೋಬ್ಬರಿ 1,138.46 ಕೋಟಿ ರೂ.ಗಳ ಬಜೆಟ್ ಅನ್ನು ಹುಬ್ಬಳ್ಳಿ ಧಾರವಾಡ ಅವಳಿ ನಗರ ಪಾಲಿಕೆಯಲ್ಲಿ ಮಂಡನೆ ಮಾಡಲಾಗಿದೆ. (ಸಾಂದರ್ಭಿಕ ಚಿತ್ರ)

ಹುಬ್ಬಳ್ಳಿ ಧಾರವಾಡ ನಗರದ 1,138.46 ಕೋಟಿ ರೂ. ವೆಚ್ಚದ ಬಜೆಟ್​ನಲ್ಲಿ ಸರ್ಕಾರದ ನಿರೀಕ್ಷಿತ ಅನುದಾನ, ತೆರಿಗೆ, ತೆರಿಗೆಯೇತರ ಆದಾಯ, ಬಾಡಿಗೆ, ಸ್ವತ್ತುಗಳ ಮಾರಾಟದಿಂದ ಬಂದ ಆದಾಯ ಎಲ್ಲವನ್ನೂ ಸೇರಿಸಲಾಗಿದೆ. (ಸಾಂದರ್ಭಿಕ ಚಿತ್ರ)

ಅವಳಿ ನಗರದ ನಾಗರಿಕರಿಗೆ 2023-24ನೇ ಸಾಲಿಗಾಗಿ ಯಾವುದೇ ಹೊಸ ತೆರಿಗೆ ಹಾಕಲಾಗಿಲ್ಲ. 8 ಲಕ್ಷ ರೂ. ಉಳಿತಾಯದೊಂದಿಗೆ ಈ ವರ್ಷದ ಬಜೆಟ್ ಮಂಡನೆ ಮಾಡಲಾಗಿದೆ. (ಸಾಂದರ್ಭಿಕ ಚಿತ್ರ)

ಹಿಂದಿನ ವರ್ಷ ಹುಬ್ಬಳ್ಳಿ-ಧಾರವಾಡ ಅವಳಿ ನಗರಗಳ ಪಾಲಿಕೆ ಬಜೆಟ್  831 ಕೋಟಿ ಆಗಿತ್ತು. ಆಗಲೇ ಈ ಬಜೆಟ್ ಭಾರೀ ಗಮನ ಸೆಳೆದಿತ್ತು. (ಸಾಂದರ್ಭಿಕ ಚಿತ್ರ)

ಆದರೆ ಇದೇ ಮೊದಲ ಬಾರಿಗೆ ಹುಬ್ಬಳ್ಳಿ ಧಾರವಾಡ ನಗರ ಮಹಾ ನಗರ ಪಾಲಿಕೆಯ ಬಜೆಟ್ 1 ಸಾವಿರ ಕೋಟಿ ಮೀರಿದೆ. ಈ ಮೂಲಕ ದಾಖಲೆಯನ್ನೇ ನಿರ್ಮಿಸಿದೆ ಅವಳಿ ನಗರ ಪಾಲಿಕೆ. (ಸಾಂದರ್ಭಿಕ ಚಿತ್ರ)

ಜೊತೆಗೆ ಧಾರವಾಡದ ಕೆಸಿಡಿ  ಹತ್ತಿರ ತಿನಿಸು ಕಟ್ಟೆ ನಿರ್ಮಾಣಕ್ಕೆ 2 ಕೋಟಿ ರೂ. ಹಣವನ್ನು ಬಜೆಟ್​ನಲ್ಲಿ ಮೀಸಲಿಡಲಾಗಿದೆ.  (ಸಾಂದರ್ಭಿಕ ಚಿತ್ರ)

ಹುಬ್ಬಳ್ಳಿ - ಧಾರವಾಡ ಮಹಾ ನಗರ ಪಾಲಿಕೆಯ ಆದಾಯ ಈ ವರ್ಷ 663 ಕೋಟಿ ರೂ. ಸಂಗ್ರಹವಾಗುವ ನಿರೀಕ್ಷೆಯನ್ನು ಹೊಂದಲಾಗಿದೆ. ಈ ಆದಾಯದ ಮೂಲಕ ಹಲವಾರು ಯೋಜನೆಗಳಿಗೆ ಅನುದಾನ ಒದಗಿಸಲಾಗಿದೆ. (ಸಾಂದರ್ಭಿಕ ಚಿತ್ರ)