Weekend With Ramesh: ಗಂಡನ ಕನಸಿಗಾಗಿ ತಾಳಿ ಅಡವಿಟ್ಟಿದ್ರಂತೆ, ಹೆಂಡ್ತಿ ತ್ಯಾಗ ನೆನೆದು ಕಣ್ಣೀರಿಟ್ಟ ನೆನಪಿರಲಿ ಪ್ರೇಮ್!

ಜೀ ಕನ್ನಡದಲ್ಲಿ ಭಾನುವಾರ ಮತ್ತು ಶನಿವಾರ ರಾತ್ರಿ 09 ಗಂಟೆಗೆ ವೀಕೆಂಡ್ ವಿತ್ ರಮೇಶ್  ಕಾರ್ಯಕ್ರಮ ಪ್ರಸಾರವಾಗ್ತಿದೆ. ಈ ವಾರ ಸ್ಯಾಂಡಲ್‍ವುಡ್ ನಟ ನೆನೆಪಿರಲಿ ಪ್ರೇಮ್ ಬಂದಿದ್ದಾರೆ.

ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದಲ್ಲಿ ಪ್ರೇಮ್ ತಮ್ಮ ಜೀವನದ ಕತೆ ಹೇಳಿದ್ದಾರೆ. ತಾವು ನಡೆದು ಬಂದ ಹಾದಿ, ಯಶಸ್ಸು, ಏಳು-ಬೀಳು ಎಲ್ಲವನ್ನೂ ಹೇಳಿಕೊಂಡಿದ್ದಾರೆ.

ಪ್ರೇಮ್ ಅವರಿಗೆ ಸರ್ಪ್ರೈಸ್ ನೀಡಲು ಸ್ನೇಹಿತರು ಬಂದಿದ್ದಾರೆ. ನಮ್ಮ ತಂಡಕ್ಕೆ ದೊಡ್ಡ ಆಸ್ತಿ. ನಮ್ಮ ನೆನಪುಗಳಿಗೆ ಒಂದು ದೊಡ್ಡ ರಾಶಿ ಪ್ರೇಮ್ ಎಂದು ಹೇಳಿದ್ದಾರೆ. ಅವರ ತರ್ಲೆ, ತುಂಟಾಟಗಳ ಬಗ್ಗೆ ಹೇಳಿದ್ದಾರೆ.

25 ಕುಟುಂಬಕ್ಕೆ ಕೆಲಸ ಕೊಡಿಸುವ ಜವಾಬ್ದಾರಿಯನ್ನು ಪ್ರೇಮ್ ಅವರು ನನಗೆ ಕೊಟ್ಟಿದ್ದಾರೆ ಎಂದು ಮಿತ್ರಾ ಅವರು ಹೇಳಿದ್ದಾರೆ. ನನ್ನ ಕಾಪಾಡಿದ್ದು ನನ್ನ ಕುಲ ಕಸುಬು ನೇಕಾರಿಕೆ ಎಂದು ಪ್ರೇಮ್ ಹೇಳಿದ್ದಾರೆ.

21 ವರ್ಷದ ಹಿಂದೆ ಬೆಳಗಾಗುವುದರೊಳಗೆ ದೊಡ್ಡ ಹೀರೋ ಸರ್ ನಾನು. ಅಲ್ಲಿಂದು ಒಂದು ಜರ್ನಿ ಇದೆಯಲ್ಲಾ, ಲೈಫ್ ಏನು ಅಂತ ತೋರಿಸಿಕೊಡ್ತು ಎಂದು ಪ್ರೇಮ್ ಅವರು ಹೇಳಿದ್ದಾರೆ.

ಕಾರ್ಯಕ್ರಮಕ್ಕೆ ಪ್ರೇಮ್ ಅವರ ಪತ್ನಿ ಜ್ಯೋತಿ ಬಂದಿದ್ದಾರೆ. ಪ್ರೇಮ್ ಅವರು ಜೊತೆ ನೂರು ಜನ್ಮಕೂ, ನೂರಾರು ಜನ್ಮಕೂ ಹಾಡಿಗೆ ಡ್ಯಾನ್ಸ್ ಮಾಡಿದ್ದಾರೆ. ದಂಪತಿಗೆ ಇಬ್ಬರು ಮುದ್ದಾದ ಮಕ್ಕಳಿದ್ದಾರೆ.

ಗಂಡನ ಕನಸು ನನಸಾಗಲು ಜ್ಯೋತಿ ಅವರು ತಮ್ಮ ತಾಳಿ ಅಡವಿಟ್ಟಿದ್ರಂತೆ. ಅದನ್ನು ನೆನೆದು ಭಾವುಕರಾಗಿದ್ದಾರೆ. ನಟ ಪ್ರೇಮ್ ಸಹ ಈ ರೀತಿಯ ಪರಿಸ್ಥಿತಿ ಬರುತ್ತೆ ಅಂತ ಕನಸಿನಲ್ಲೂ ಅಂದುಕೊಂಡಿರಲಿಲ್ಲ ಎಂದು ಕಣ್ಣೀರಿಟ್ಟಿದ್ದಾರೆ.

ಪ್ರೇಮ್ ಮತ್ತು ಜ್ಯೋತಿ 3 ವರ್ಷಗಳ ಕಾಲ ಪ್ರೀತಿಸಿ ಮದುವೆಯಾಗಿದ್ದಾರೆ. ಅಲ್ಲದೇ ಮನೆಯಲ್ಲಿ ವಿರೋಧವಿದ್ದ ಕಾರಣ ಓಡಿ ಹೋಗಿ ವಿವಾಹವಾಗಿದ್ದರಂತೆ. ಪ್ರೇಮ್ ಬಗ್ಗೆ ಇನ್ನಷ್ಟು ಆಸಕ್ತಿದಾಯಕ ವಿಚಾರಗಳನ್ನು ತಿಳಿಯಬೇಕಂದ್ರೆ, ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮ ನೋಡಬೇಕು.