Weekend With Ramesh: ಡಾಲಿಯನ್ನು ಬೈದುಕೊಂಡೇ ಸಿನಿಮಾ ಲೋಕಕ್ಕೆ ಕಾಲಿಟ್ಟೆ- ಧನಂಜಯ್ ಬಗ್ಗೆ ಹೀಗ್ಯಾಕಂದ್ರು ಕಾಂತಾರ ಲೀಲಾ?

ಈ ವಾರದ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮಕ್ಕೆ ಸ್ಯಾಂಡಲ್‍ವುಡ್‍ನ ನಟ ರಾಕ್ಷಸ ಡಾಲಿ ಧನಂಜಯ್ ಅವರು ಬಂದಿದ್ದಾರೆ. ಕಾರ್ಯಕ್ರಮದಲ್ಲಿ ತಮ್ಮ ಜೀವನದ ಜರ್ನಿ ಬಗ್ಗೆ ಹೇಳಿದ್ದಾರೆ.

ಡಾಲಿ ಧನಂಜಯ್ ಅವರಿಗೆ ಸಪ್ರ್ರೈಸ್ ಕೊಡಲು ಕಾಂತಾರ ಖ್ಯಾತಿಯ ಸಪ್ತಮಿ ಗೌಡ ಅವರು ಬಂದಿದ್ದರು. ಡಾಲಿ ಅವರ ಬಗ್ಗೆ ಅವರು ಏನು ಅಂದುಕೊಂಡಿದ್ರು ಎಂದು ಹೇಳಿಕೊಂಡಿದ್ದಾರೆ.

ಫಸ್ಟ್ ಹೀರೋಯಿನ್ ಅನ್ಸುತ್ತೆ ನಾನು, ಇವರನ್ನು ಬೈದುಕೊಂಡು ಸಿನಿಮಾ ರಂಗಕ್ಕೆ ಎಂಟ್ರಿ ಕೊಟ್ಟಿದ್ದು ಎಂದು ಸಪ್ತಮಿ ಅವರು ಹೇಳಿದ್ದಾರೆ. ಧನಂಜಯ್ ಅವರ ಜೊತೆ ಸಿನಿಮಾ ಮಾಡುವಾಗ ಅವರನ್ನು ಬೈದುಕೊಂಡಿದ್ರಂತೆ.

ನಾನು ಎಲ್ಲರಿಗೂ ಟಿಪ್ಸ್ ಕೊಡಬೇಕು. ಡಾಲಿ ಧನಂಜಯ್ ಅವರನ್ನು ಬೈದುಕೊಂಡು ಸಿನಿಮಾ ರಂಗಕ್ಕೆ ಎಂಟ್ರಿ ಆದ್ರೆ, ಬ್ಲಾಕ್ ಬ್ಲಸ್ಟರ್ ಆಗ್ತೀರಿ ಎಂದು ಹೇಳಿ ಸಪ್ತಮಿ ಗೌಡ ನಕ್ಕಿದ್ದಾರೆ.

ಸಪ್ತಮಿ ಗೌಡ ಅವರು ಡಾಲಿ ಧನಂಜಯ್ ಜೊತೆ ಪಾಪ್ ಕಾರ್ನ್ ಮಂಕಿ ಟೈಗರ್ ಸಿನಿಮಾ ಮಾಡಿದ್ದಾರೆ. ಆ ಸಿನಿಮಾ ಮಾಡುವಾಗ ಧನಂಜಯ್ ಅವರನ್ನು ಬೈದುಕೊಂಡಿದ್ದೆ ಎಂದು ಲೀಲಾ ಹೇಳಿದ್ದಾರೆ.

ಪಾಪ್‍ಕಾರ್ನ್ ಮಂಕಿ ಟೈಗರ್ ಚಿತ್ರ ನಟರಾಕ್ಷಸ ಡಾಲಿ ಧನಂಜಯ ಮತ್ತು ದುನಿಯಾ ಸೂರಿ ಕಾಂಬಿನೇಶನ್‍ನಲ್ಲಿ ಮೂಡಿ ಬಂದಿದ್ದ ಚಿತ್ರ. ಟಗರು ಚಿತ್ರದ ನಂತರ ಮತ್ತೆ ಈ ಜೋಡಿ ಒಂದಾಗಿ ಮತ್ತೆ ಸಿನಿಮಾ ಮಾಡಿದ್ರು. ಈ ಚಿತ್ರ ಭಾರೀ ಸದ್ದು ಮಾಡಿತ್ತು.

ಆ್ಯಕ್ಷನ್, ಕ್ರೈಮ್, ಥ್ರಿಲ್ಲರ್ ಕಥಾನಕವುಳ್ಳ ಈ ಚಿತ್ರದಲ್ಲಿ ನಾಯಕಿಯರಾಗಿ ನಿವೇದಿತಾ, ಅಮೃತಾ, ಸಪ್ತಮಿಗೌಡ ಕಾಣಿಸಿಕೊಂಡಿದ್ದರು. ಸೂರಿ ಗರಡಿಯಲ್ಲಿ ಡಾಲಿ ಮತ್ತೊಮ್ಮೆ ಭಯಾನಕವಾಗಿ ಘರ್ಜಿಸಿದ್ದರು.

ಡಾಲಿ ಅವರಿಗೆ ವಿಶ್ ಮಾಡಲು ಅನೇಕ ಸಿನಿಮಾ ಸ್ನೇಹಿತರು ಶೋಗೆ ಬಂದಿದ್ದಾರೆ. ಅದೇ ರೀತಿ ಸಪ್ತಮಿ ಅವರು ಬಂದು ಡಾಲಿ ಧನಂಜಯ್ ಅವರಿಗೆ ವಿಶ್ ಮಾಡಿದ್ದಾರೆ.