Weekend With Ramesh: 'ವೀಕೆಂಡ್ ವಿತ್ ರಮೇಶ್' ಮೊದಲ ಅತಿಥಿ ಯಾರು? ಸ್ಯಾಂಡಲ್‌ವುಡ್ ಕ್ವೀನ್ ರಮ್ಯಾ ಅಂತಿದ್ದಾರೆ ಫ್ಯಾನ್ಸ್!

ಜೀ ಕನ್ನಡದಲ್ಲಿ ಪ್ರಸಾರವಾಗ್ತಿದ್ದ ವೀಕೆಂಡ್ ವಿತ್ ರಮೇಶ್ ಸೀಸನ್ 05 ಇದೇ ಮಾರ್ಚ್ 25ರಿಂದ ಶುರುವಾಗಲಿದೆ. ಈಗಾಗಲೇ ಯಾರು ಮೊದಲ ಅತಿಥಿ ಎಂಬ ಪ್ರಶ್ನೆಗಳು ಎದ್ದಿವೆ.

'ವೀಕೆಂಡ್ ವಿತ್ ರಮೇಶ್' ಸೀಸನ್ 5ರ ಮೊದಲ ಎಪಿಸೋಡ್‍ನಲ್ಲಿ ಮೋಹಕತಾರೆ ರಮ್ಯಾ ಬರೋದು ಬಹುತೇಕ ಪಕ್ಕಾ ಆಗಿದೆಯಂತೆ. ಆದ್ರೆ ಇನ್ನೂ ಶೂಟಿಂಗ್ ನಡೆದಿಲ್ಲ.

ನಟಿ ರಮ್ಯಾ ಅವರ ಎಪಿಸೋಡ್ ಇನ್ನೂ ಶೂಟ್ ಆಗಿಲ್ವಂತೆ. ಇದೇ ತಿಂಗಳು 21ರಂದು ರಮ್ಯಾ ಎಪಿಸೋಡ್‍ನ ಶೂಟಿಂಗ್ ನಡೆಯಲಿದೆ ಎನ್ನಲಾಗ್ತಿದೆ.

ಕಳೆದ 4 ಸೀಸನ್‍ಗಳಲ್ಲಿ ರಮ್ಯಾ ಅವರನ್ನು ಕರೆಸಬೇಕು ಎಂದು ಹೇಳಲಾಗ್ತಿತ್ತು. ಆದ್ರೆ ಆಗಿರಲ್ಲಿ. ರಮ್ಯಾ ಅವರು ಬ್ಯುಸಿ ಆಗಿದ್ದರು. ಈ ಬಾರಿ ಇವರೇ ಮೊದಲ ಅತಿಥಿ ಎಂದು ಹೇಳಲಾಗ್ತಿದೆ.

ಅಲ್ಲದೇ ಕಾಂತಾರದಂತಹ ಹಿಟ್ ಸಿನಿಮಾ ನೀಡಿದ ರಿಷಬ್ ಶೆಟ್ಟಿ ಅವರು ಮೊದಲ ಅತಿಥಿ ಎಂದು ಹೇಳಲಾಗ್ತಿತ್ತು. ಆದ್ರೆ ಈಗ ರಮ್ಯಾ ಅವರು ಬರ್ತಾರೆ ಎಂದು ಗೊತ್ತಾಗಿದೆ.

ಈಗಾಗಲೇ 4 ವೀಕೆಂಡ್ ವಿತ್ ರಮೇಶ್ ಸೀಸನ್‍ಗಳು ಮುಗಿದಿವೆ. 2014 ಆಗಸ್ಟ್ 2 ರಂದು ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮ ಶುರುವಾಗಿತ್ತು. ಈವರೆಗೆ 104 ಎಪಿಸೋಡ್ ಗಳನ್ನು ಮಾಡಲಾಗಿದೆ.

ಬೆಂಗಳೂರಿನ ಚಿಕ್ಕಲಸಂದ್ರ ಪ್ರದೇಶದಲ್ಲಿರುವ ಅಬ್ಬಯ್ಯ ನಾಯ್ಡು ಸ್ಟುಡಿಯೋದಲ್ಲಿ ಈ ಕಾರ್ಯಕ್ರಮವನ್ನು ಚಿತ್ರೀಕರಿಸಲಾಗುತ್ತಿದೆ. ಮೊದಲ ಸೀಸನ್ ಆಗಸ್ಟ್ 2, 2014 ರಂದು ಪ್ರಸಾರವಾಯಿತು, ನಟ ಪುನೀತ್ ರಾಜ್ ಕುಮಾರ್ ಮೊದಲ ಆಹ್ವಾನಿತರಾಗಿದ್ದರು.

ಈ ಪ್ರದರ್ಶನದ ಸ್ವರೂಪವು ವಿವಿಧ ಕ್ಷೇತ್ರಗಳ ಸಾಧಕರನ್ನು ಒಳಗೊಂಡಿರುತ್ತದೆ. ಸಾಧಕರನ್ನು ಆಹ್ವಾನಿಸಿ ಅವರ ಜೀವನದ ಕಥೆಯನ್ನು ಹೇಳಲಾಗುತ್ತದೆ. ಅವರಿಗೆ ಹತ್ತಿರವಾದ ಜನರನ್ನು ಕರೆಸಲಾಗುತ್ತೆ.