Weekend With Ramesh: ಚಿನ್ನಿ ಪ್ರಕಾಶ್ ಅವರ ಮೊದಲ ಶೂಟ್ ಹೇಗಿತ್ತು, ನಟಿಯ ಕಾಲು ಮುರಿದಿತ್ತಂತೆ!

ಜೀ ಕನ್ನಡದಲ್ಲಿ ಭಾನುವಾರ ಮತ್ತು ಶನಿವಾರ ರಾತ್ರಿ 09 ಗಂಟೆಗೆ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮ ಪ್ರಸಾರವಾಗ್ತಿದೆ. ಈ ವಾರ ಇಬ್ಬರು ಅತಿಥಿಗಳು ಬಂದಿದ್ದಾರೆ. ಅವರಲ್ಲಿ ಒಬ್ಬರು ಇಂಡಿಯಾದ ಸ್ಟೈಲಿಶ್ ಕೊರಿಯೋಗ್ರಾಫರ್ ಚಿನ್ನಿ ಪ್ರಕಾಶ್ ಬಂದಿದ್ದಾರೆ.

ನೃತ್ಯ ಲೋಕದ ಲೆಜೆಂಡ್ ಚಿನ್ನಿ ಪ್ರಕಾಶ್ ತಮ್ಮ ಜೀವನದ ಏಳು-ಬೀಳುಗಳನ್ನು ಹೇಳಿಕೊಂಡಿದ್ದಾರೆ. ವಿಷ್ಣುವರ್ಧನ್ ಅವರು ನಾನು ಇಲ್ಲ ಅಂದ್ರೆ ಸಾಂಗ್‍ಗಳನ್ನೇ ಮಾಡ್ತಾ ಇರಲಿಲ್ಲ ಎಂದು ಚಿನ್ನಿ ಪ್ರಕಾಶ್ ಅವರು ನೆನಪು ಮಾಡಿಕೊಂಡಿದ್ದಾರೆ.

ಚಿನ್ನಿ ಪ್ರಕಾಶ್ ಅವರು ತಂದೆಗೆ ಮಗನನ್ನು ಹೀರೋ ಆಗಿ ನೋಡೋ ಕನಸಿತ್ತಂತೆ. ಅದಕ್ಕೆ ರಹಸ್ಯ ರಾತ್ರಿ ಎಂಬ ಸಿನಿಮಾ ಮಾಡಿದ್ರಂತೆ. ಆದ್ರೆ ಆ ಸಿನಿಮಾ ಸಕ್ಸಸ್ ಕಾಣದೇ, ಇರುವ ದುಡ್ಡಲ್ಲಾ ಖಾಲಿ ಆಯ್ತಂತೆ. ಅದಕ್ಕೆ ಅವರು ಡ್ಯಾನ್ಸ್ ಕೊರಿಯೋಗ್ರಫರ್ ಆದ್ರಂತೆ.

1981 ಮಿಸ್ಟರ್ ವಿಜಯ್ ಎಂಬ ಸಿನಿಮಾಗೆ ಚಿನ್ನಿ ಮಾಸ್ಟರ್ ಅವರು ಕೊರಿಯೋಗ್ರಫರ್ ಆದ್ರಂತೆ. ಊಟಿಯಲ್ಲಿ ಶೂಟಿಂಗ್ ಮಾಡ್ತಾ ಇದ್ರಂತೆ. ಫಸ್ಟ್ ಶಾಟ್ ಪರ್ವತದ ಮೇಲಿನ ರೀತಿ ಕಾಣಬೇಕಿತ್ತು. ನನಗೆ ಒಂದು ಹೈ ಸ್ಪೀಡ್ ಶಾಟ್ ಬೇಕಿತ್ತು. ನಟಿಯನ್ನು ಶ್ಟೂಟ್ ಮೇಲೆ ನಿಲ್ಲಿಸಿ ಹಾರಲು ಹೇಳಿದೆ ಎಂದು ಚಿನ್ನಿ ಪ್ರಕಾಶ್ ಅವರು ಹೇಳಿದ್ದಾರೆ.

ಶ್ಟೂಟ್ ಮೇಲಿಂದ ಹಾರಿದ ನಟಿ, ಮೇಲೆ ಏಳಲೇ ಇಲ್ವಂತೆ. ಫಸ್ಟ್ ಶಾಟ್‍ನಲ್ಲೇ ನಟಿಯ ಕಾಲು ಮುರಿದು ಬಿಡ್ತು. ಆದಾದ ಮೇಲೆ ನನಗೆ ಕೆಲಸನೇ ಸಿಗಲಿಲ್ಲ. ಅದು ಟಾಕ್ ಆಫ್ ದಿ ಟೌನ್ ಆಯ್ತು. ಡ್ಯಾನ್ಸ್ ಮಾಡೋಕೆ ಬಂದಿದಾನಾ? ಫೈಟ್ ಮಾಡೋಕೆ ಬಂದಿದಾನಾ ಎಂದು ಎಲ್ಲರೂ ಕೇಳ್ತಾ ಇದ್ರು ಎಂದು ಚಿನ್ನಿ ಪ್ರಕಾಶ್ ಅವರು ತಮ್ಮ ಅನುಭವ ಹೇಳಿಕೊಂಡಿದ್ದಾರೆ.

ನನಗೆ ಏನೋ ಒಂದು ಮಾಡಬೇಕು ಎಂಬ ಹಠವಿತ್ತು. ಎಲ್ಲರೂ ಡ್ಯಾನ್ಸ್ ಮಾಡ್ತಾರೆ. ಬಟ್ ನಾನು ಬೇರೆ ಏನೂ ಮಾಡಬೇಕು ಎಂದುಕೊಂಡೆ. ಅವಕಾಶಕ್ಕಾಗಿ ತುಂಬಾ ಅಲೆದಾಡಿದೆ ಎಂದು ಹೇಳಿದ್ದಾರೆ.

ನಮ್ಮ ತಂದೆ ದೊಡ್ಡ ಕೊರಿಯೋಗ್ರಫರ್ ಆದ್ರೆ ನನಗೆ ಒಂದೇ ಒಂದು ಚಾನ್ಸ್ ಕೂಡ ಸಿಗಲಿಲ್ಲ. ಸಿಕ್ಕ ಸಿಕ್ಕ ನಿರ್ದೇಶಕರ ಕಾಲು ಹಿಡಿದಿದ್ದೇನೆ ಎಂದು ತನ್ನ ಕಷ್ಟವನ್ನು ಹೇಳಿದ್ದಾರೆ ಚಿನ್ನಿ ಪ್ರಕಾಶ್ ಅವರು.

ನನ್ನ ಜೀವನದಲ್ಲಿ ಇದ್ದ ಗುರಿ ಅಂದ್ರೆ ಡ್ಯಾನ್ಸ್, ಡ್ಯಾನ್ಸ್, ನನ್ನ ಕುಟುಂಬಕ್ಕೆ ಸಹಾಯ ಮಾಡಬೇಕು. ನನ್ನ ಸಹೋದರಿಯರಿಗೆ ಮದುವೆ ಮಾಡಬೇಕು ಎನ್ನುವುದು ಅಷ್ಟೇ ನನ್ನ ತಲೆಯಲ್ಲಿ ಇತ್ತು ಎಂದಿದ್ದಾರೆ.