Weekend With Ramesh: ಶಿವಣ್ಣ ನನ್ನ ಮಗನ ತರ ನೋಡ್ತಾರೆ; ಅಪ್ಪು ಸರ್ ಇರಬೇಕಿತ್ತು ಎಂದು ಡಾಲಿ ಭಾವುಕ

ಜೀ ಕನ್ನಡದಲ್ಲಿ ಭಾನುವಾರ ಮತ್ತು ಶನಿವಾರ ರಾತ್ರಿ 09 ಗಂಟೆಗೆ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮ ಪ್ರಸಾರವಾಗ್ತಿದೆ. ಈಗಾಗಲೇ 3 ವಾರಗಳು ಆಗಿವೆ. ಈ ವಾರ ನಾಲ್ಕನೇ ವಾರ. ನಾಲ್ಕನೇ ವಾರದ 5 ನೇ ಅತಿಥಿಯಾಗಿ ಸ್ಯಾಂಡಲ್‍ವುಡ್ ನಟ ಡಾಲಿ ಧನಂಜಯ್ ಬಂದಿದ್ದಾರೆ.

ಧನು ಅವರಿಗೆ ಜೋಶ್ ಇದೆ. ನನ್ನ ಲವ್ ಮತ್ತು ವಿಶ್ ಯಾವಾಗಲೂ ನಿನಗೆ ಇರುತ್ತೆ. ನಾನು ಸದಾ ನಿಮ್ಮ ಜೊತೆ ಇರ್ತೇನೆ ಎಂದು ಶಿವಣ್ಣ ಅವರು ಹೇಳಿದ್ದಾರೆ.

ಶಿವಣ್ಣ ಅಂತ ಬಂದ್ರೆ ನಾನು ಎಮೋಷನಲ್ ಆಗಿ ಕನೆಕ್ಟ್ ಆಗ್ತೀನಿ. ಸ್ವಂತ ಮಗನ ತರ ನನ್ನ ನೋಡಿಕೊಂಡರು ಎಂದು ಡಾಲಿ ಧನಂಜಯ್ ಅವರು ಹೇಳಿದ್ದಾರೆ.

ಖುಷಿ ಏನು ಅಂದ್ರೆ ಅಪ್ಪು ಸರ್ ಜೊತೆ ಸ್ಕ್ರೀನ್ ಶೇರ್ ಮಾಡಿದ್ದು. ನೆನಪುಗಳಷ್ಟೇ ನಮ್ಮ ಜೀವನದಲ್ಲಿ ದೊಡ್ಡ ಕಲೆಕ್ಷನ್ ಅಂತ ನಾನು ನಂಬ್ತೇನೆ ಎಂದು ಅಪ್ಪು ನೆನೆದು ಡಾಲಿ ಧನಂಜಯ್ ಭಾವುಕರಾಗಿದ್ದಾರೆ.

ದೊಡ್ಮನೆಯವರು ಎಲ್ಲದನ್ನೂ ಪ್ರೀತಿಯಿಂದ ಕೊಟ್ಟರು ಎಂದು ನಾನು ಹೇಳಲು ಬಯಸುತ್ತೇನೆ. ಪುನೀತ್ ರಾಜ್‍ಕುಮಾರ್ ಅವರು ಇರಬೇಕಿತ್ತು ಎಂದು ಡಾಲಿ ಅವರು ಹೇಳಿದ್ದಾರೆ.

ಟಗರು ಚಿತ್ರದಲ್ಲಿ ಶಿವಣ್ಣನ ಜೊತೆ ಧನಂಜಯ್ ಅವರು ಅಭಿನಯಿಸಿದ್ದಾರೆ. ಡಾಲಿ ಆಗಿ ಮಿಂಚಿದ್ರು. ಅಂದಿನಿಂದ ಡಾಲಿ ಆಗಿ ಹೆಸರು ಖ್ಯಾತಿ ಪಡೆದ್ರು.

ಸಿನಿ ಜರ್ನಿಯ ಯಶಸ್ಸಿನಲ್ಲಿ ಡಾಲಿಗೆ ದೊಡ್ಮನೆಯ ದೊಡ್ಡ ಮನಸುಗಳ ಪ್ರೀತಿ, ಬೆಂಬಲ ಸಿಕ್ಕಿದೆ. ಅದಕ್ಕೆ ಡಾಲಿ ಅವರು ಯಾವಾಗಲೂ ಧನ್ಯವಾದ ಹೇಳ್ತಾನೆ ಇರಬೇಕು ಎಂದಿದ್ದಾರೆ.