Weekend With Ramesh: ಹೀರೋ ಅಂತಾನೂ ನೋಡಲಿಲ್ಲ, ಕೆಟ್ಟ ಪದ ಬಳಸಿ ಕರೆದ್ರು, ನೋವು ಹಂಚಿಕೊಂಡ ಡಾಲಿ!

ಜೀ ಕನ್ನಡದಲ್ಲಿ ಭಾನುವಾರ ಮತ್ತು ಶನಿವಾರ ರಾತ್ರಿ 09 ಗಂಟೆಗೆ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮ ಪ್ರಸಾರವಾಗ್ತಿದೆ. ಈಗಾಗಲೇ 3 ವಾರಗಳು ಆಗಿವೆ. ಈ ವಾರ ನಾಲ್ಕನೇ ವಾರ. ನಾಲ್ಕನೇ ವಾರದ 5 ನೇ ಅತಿಥಿಯಾಗಿ ಸ್ಯಾಂಡಲ್‍ವುಡ್ ನಟ ಡಾಲಿ ಧನಂಜಯ್ ಬಂದಿದ್ದಾರೆ.

ಅವನು ಐರನ್ ಲೆಗ್. ಅವನನ್ನು ಹಾಕಿಕೊಂಡ್ರೆ ಯಾರು ಸಿನಿಮಾ ನೋಡಲ್ಲ. ನಾವು ಹಾಳಾಗ್ತೀವಿ ಎಂದು ಹಲವರು ಹೇಳಿದ್ರಂತೆ. ಅದನ್ನು ನೆನೆದು ಧನಂಜಯ್ ತುಂಬಾ ಬೇಸರ ಮಾಡಿಕೊಂಡಿದ್ದಾರೆ.

ಸಿನಿಮಾ ಓಡಲಿಲ್ಲ ಅಂದ್ರೆ, ಎಲ್ಲಾ ತಪ್ಪನ್ನು ತಂದು ಧನಂಜಯ್ ಮೇಲೆ ಹಾಕ್ತಾ ಇದ್ದರು. ಎಲ್ಲರ ಮುಂದೆ ಕೆಟ್ಟ ಪದದಲ್ಲಿ ಕರೆದು ಬಿಟ್ರು, ನನಗೆ ಹೇಗೆ ಆಗಬೇಡ ಹೇಳಿ ಎಂದು ಡಾಲಿ ಅವರು ಭಾವುಕರಾಗಿದ್ದಾರೆ.

ಒಂದು ಸಿನಿಮಾದಲ್ಲಿ ಫೈಟರ್ ಹೊಡಿಬೇಕು. ನಿಜವಾದ ಕೊಡಲಿ ಕೊಟ್ಟು ಬಿಟ್ಟಿದ್ದಾರೆ. ರಪ್ ಅಂತ ಏಟು ಬಿತ್ತು. ನನಗೆ ತುಂಬಾ ಬೇಸರವಾಗಿತ್ತು. ಇದ್ಯಾಕೆ ನಮ್ಮ ಲೈಫ್ ಈ ರೀತಿ ಆಯ್ತು ಎಂದು ಎನ್ನಿಸಿತು.

ನಿಮ್ಮ ಸಿನಿಮಾದ ಹೀರೋನಾ, ನೀವೇ ಹೀರೋ ತರ ಟ್ರೀಟ್ ಮಾಡ್ದೇ ಇದ್ರೆ ಹೇಗೆ ಹೇಳಿ. ನನ್ನನ್ನು ಹೀರೋ ತರ ನಡೆಸಿಕೊಳ್ಳಲೇ ಇಲ್ಲ ಎಂದು ಡಾಲಿ ತುಂಬಾ ಬೇಸರ ಮಾಡಿಕೊಂಡರು.

ಎಲ್ಲರೂ ಮಾಡಿದ್ದ ಅವಮಾನ ಕೋಪವಾಗಿ ಬದಲಾಯ್ತು. ಎಲ್ಲಾ ಕೋಪವನ್ನು ತೆಗೆದುಕೊಂಡು ಡಾಲಿ ಮೇಲೆ ಹಾಕಿದೆ. ಆ ಪಾತ್ರ ಸಕ್ಸಸ್ ಆಯ್ತು. ಜನ ಇಷ್ಟ ಪಟ್ಟರು ಎಂದು ಡಾಲಿ ಹೇಳಿದ್ದಾರೆ.

ತುಳಿದಷ್ಟೂ ಪುಟಿದೇಳುವ ಕಿಚ್ಚು ಹೆಚ್ಚಾಗುತ್ತದೆ ಎಂದು ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದಲ್ಲಿ ಡಾಲಿ ನೋವಿನ ಜರ್ನಿಯನ್ನು ಹೇಳಿಕೊಂಡಿದ್ದಾರೆ. ಕಣ್ಣೀರು ಇಟ್ಟಿದ್ದಾರೆ.

ತುಂಬಾ ಕಷ್ಟ ಪಟ್ಟು ಕನ್ನಡ ಚಿತ್ರರಂಗದಲ್ಲಿ ಹೀರೋ ಆಗಿ ನಿಂತಿರುವ ನಟ, ನಮ್ಮ ನೆಚ್ಚಿನ ನಟ ರಾಕ್ಷಸ ಡಾಲಿ ಧನಂಜಯ, ಲವ್ ಯೂ ಅಣ್ಣ, ನಿಮ್ಮ ಎಪಿಸೋಡ್ ಮಿಸ್ ಮಾಡಲ್ಲ ಎಂದು ಅಭಿಮಾನಿಗಳು ಕಾಮೆಂಟ್ ಹಾಕಿದ್ದಾರೆ.