Weekend With Ramesh: ನಮ್ಮ ಮನೆಯಲ್ಲಿ ಮಾತ್ರ ಯಾಕೆ ಹೀಗೆ? ಮಗನ ಸ್ಥಿತಿ ನೆನೆದು ಭಾವುಕರಾದ ಅವಿನಾಶ್- ಮಾಳವಿಕಾ

ಜೀ ಕನ್ನಡದಲ್ಲಿ ಭಾನುವಾರ ಮತ್ತು ಶನಿವಾರ ರಾತ್ರಿ 09 ಗಂಟೆಗೆ ವೀಕೆಂಡ್ ವಿತ್ ರಮೇಶ್ ಸೀಸನ್ ಕಾರ್ಯಕ್ರಮ ಪ್ರಸಾರವಾಗ್ತಿದೆ. ಐದನೇ ವಾರದ 6ನೇ ಅತಿಥಿಯಾಗಿ ನಟ ಅವಿನಾಶ್ ಬಂದಿದ್ದಾರೆ. ಹಿರಿಯ ನಟ ಅವಿನಾಶ್ ಸಹ ಹಲವು ದಶಕಗಳಿಂದ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ. ಈಗಲೂ ಬಹು ಬೇಡಿಕೆಯ ಪೋಷಕ ನಟರಲ್ಲಿ ಒಬ್ಬರಾಗಿದ್ದಾರೆ. ಅವಿನಾಶ್ ಸಹ ರಂಗಭೂಮಿಯಿಂದ ಚಿತ್ರರಂಗಕ್ಕೆ ಬಂದವರು.

ಅವಿನಾಶ್ ಅವರ ಮಗ ವಿಶೇಷಚೇತನ. ಮಗನ ಪರಿಸ್ಥಿತಿ ನೆನೆದು ಅವಿನಾಶ್ ಹಾಗೂ ಮಾಳವಿಕಾ ದಂಪತಿ ಭಾವುಕರಾಗಿದ್ದಾರೆ. ತಮ್ಮ ಮಗನ ಸ್ಥಿತಿ ಬಗ್ಗೆ ಹೇಳಿದ್ದಾರೆ.

ಎಲ್ಲ ಮಕ್ಕಳು ದೇವರ ಮಕ್ಕಳೇ. ಹೀಗೆ ಹುಟ್ಟಬೇಕು ಎಂದು ಯಾವ ಮಗನೂ ಅಂದುಕೊಂಡಿರಲ್ಲ. ಇಂತದ್ದೇ ಮನೆಯಲ್ಲಿ ಹುಟ್ಟಬೇಕು ಎಂದು ಯಾವ ಮಗನೂ ಅಂದುಕೊಂಡಿರಲ್ಲ. ದೇವರ ಪ್ರಸಾದ, ನಮ್ಮ ಮಗ ದೇವರು ಎಂದು ಅವಿನಾಶ್ ಹೇಳಿದ್ದಾರೆ.

ಅವಿನಾಶ್ ಅವರ ಮಗನಿಗೆ ಸರಿಯಾಗಿ ನಡೆಯಲು ಹಾಗೂ ಮಾತನಾಡಲು ಬರುವುದಿಲ್ಲ. ಹಾಡು ಹೇಳಿ ಊಟ ಮಾಡಿಸಬೇಕಂತೆ.

ಜಗತ್ತಿನಲ್ಲಿ 2 ಸಾವಿರ ಮಕ್ಕಳು ಅವಿನಾಶ್ ಅವರ ಮಗನಂತೆ ಇದ್ದಾರಂತೆ. ಒಮ್ಮೊಮ್ಮೆ ಬೇಸರವಾಗುತ್ತೆ. ಒಬ್ಬೊಬ್ಬರು ಒಂದು ರೀತಿ ಮಾತನಾಡಿದ್ರು. ಕೆಲವೊಮ್ಮೆ ಅನಿಸುತ್ತದೆ, ನಮ್ಮ ಮನೆಯಲ್ಲಿ ಮಾತ್ರ ಯಾಕೆ ಹೀಗೆ ಎಂದು ಹೇಳಿದ್ದಾರೆ.

ಗಾನವ್ ಎಲ್ಲರಂತೆ ಅಲ್ಲ. ಅದು ಗೊತ್ತಾಗೋಕೆ ಒಂದಷ್ಟು ವರ್ಷ ಬೇಕಾಯ್ತು. ಈ  ಜೆನೆಟಿಕ್ಸ್ ಟೆಸ್ಟ್ ಮಾಡಿಸಿದಾಗ, ಡಾಕ್ಟರ್  ಹೇಳಿದ್ರು, ಯುವರ್ ಜಸ್ಟ್ ಅನ್ ಲಕ್ಕಿ ಅಂತ ಎಂದು ಮಾಳವಿಕಾ ಹೇಳಿದ್ದಾರೆ.

ಮಾಳವಿಕಾ ಅವರ ಮಗನಿಗೆ ಮಾತನಾಡಲು ಬರುವುದಿಲ್ವಂತೆ. ನಡಿಗೆಯೂ ಹೆಚ್ಚಾಗಿ ಬಂದಿಲ್ವಂತೆ.  . ಡಾ. ರಾಜ್ ಕುಮಾರ್, ಅರ್ಜುನ್ ಜನ್ಯ, ಶಿವಣ್ಣನ ಹಾಡು ಅಂದ್ರೆ ಮಾಳವಿಕಾ ಅವರ ಮಗನಿಗೆ ತುಂಬಾ ಇಷ್ಟ.

6-8ನೇ ತಿಂಗಳಿನಿಂದಲೇ ನನ್ನ ಮಗನಿಗೆ ಸಂಗೀತದ ಬಗ್ಗೆ ಅಭಿರುಚಿ ಇದೆ ಎಂದು ಮಾಳವಿಕಾ ಅವರು ಹೇಳಿದ್ದಾರೆ. ಸಂಗೀತಾ ಅಂದ್ರೆ ಶಾಸ್ತ್ರೀಯ ಸಂಗೀತಾ, ಶಾಸ್ತ್ರೀಯ ನೃತ್ಯ ಇಷ್ಟ ಅಂತೆ. ಭಕ್ತಿ ಸಂಗೀತ ನನ್ನ ಮಗನಿಗೆ ಇಷ್ಟ ಎಂದಿದ್ದಾರೆ.