Actor Ajith Hande: ಶ್ರೀರಸ್ತು ಶುಭಮಸ್ತು ಧಾರಾವಾಹಿಯ ಮಾಧವ ಸರ್ ಬಗ್ಗೆ ನಿಮಗೆ ಗೊತ್ತಾ?

ಜೀ ಕನ್ನಡದಲ್ಲಿ ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 8.30ಕ್ಕೆ ಶ್ರೀರಸ್ತು ಶುಭಮಸ್ತು ಧಾರಾವಾಹಿ ಪ್ರಸಾರವಾಗ್ತಿದೆ. ಈ ಧಾರಾವಾಹಿ ಈಗಾಗಲೇ ಜನರ ಮನಸ್ಸು ಗೆದ್ದಿದೆ.

ಈ ಧಾರಾವಾಹಿಯಲ್ಲಿ ತುಳಸಿ ಪಾತ್ರವನ್ನು ಸುಧಾರಾಣಿ ಅವರು ಮಾಡ್ತಾ ಇದ್ದಾರೆ. ಇನ್ನು ಮಾಧವನ ಪಾತ್ರವನ್ನು ಅಜಿತ್ ಹಂದೆ ಅವರು ನಿರ್ವಹಿಸುತ್ತಿದ್ದಾರೆ. ಮಾಧವನಾಗಿ ಅಜಿತ್ ಅವರು ಅಭಿಮಾನಿಗಳ ಮನಸ್ಸು ಗೆದ್ದಿದ್ದಾರೆ.

ಮಾಧವ ಅಂದ್ರೆ ಅಡುಗೆ ಕಾರ್ಯಕ್ರಮ ನಡೆಸಿ ಕೊಡೋ ಪಾತ್ರ. ಅವರು ಮಾಡೋ ಅಡುಗೆ, ಅವರ ನೀತಿ ಪಾಠಗಳು ತುಳಸಿಗೆ ತುಂಬಾ ಇಷ್ಟ. ಅವರ ದೊಡ್ಡ ಅಭಿಮಾನಿ ತುಳಸಿ. ಅವರು ಹೇಳಿದ ಎಲ್ಲವನ್ನೂ ಒಂದು ನೋಟ್ ಬುಕ್ ನಲ್ಲಿ ಬರೆದಿಟ್ಟು ಕೊಳ್ತಾಳೆ.

ಮಾಧವ ಪಾತ್ರ ಆದಷ್ಟು ಬೇಗ ಜನರನ್ನು ಸೆಳೆದಿದೆ. ಎಲ್ಲಿ ಹೋದ್ರು ಜನ ನನ್ನ ಗುರುತಿಸುತ್ತಾರೆ. ಧಾರಾವಾಹಿಯಲ್ಲಿ ಇನ್ನೂ ಉತ್ತಮವಾಗಿ ನಟಿಸುವುದಾಗಿ ಅಜಿತ್ ಅವರು ಹೇಳಿದ್ದಾರೆ.

ಸಣ್ಣ ವಯಸ್ಸಿನಿಂದಲೂ ಅಜಿತ್ ಅವರಿಗೆ ನಾಟಕಗಳಲ್ಲಿ ಅಭಿನಯಿಸುವ ಆಸೆ ಇತ್ತಂತೆ. ಆಗ ಅವಕಾಶ ಸಿಕ್ಕಿರಲಿಲ್ವಂತೆ. ಆದ್ರೆ ಅದೇ ಆಸೆಯಿಂದ ಈ ಕ್ಷೇತ್ರಕ್ಕೆ ಬಂದು ಖುಷಿಯಾಗಿದ್ದಾರಂತೆ.

ನಾನು ನನ್ನ ವಯಸ್ಸಿಗಿಂತ ಹೆಚ್ಚು ವಯಸ್ಸಾಗಿರುವ ಪಾತ್ರವನ್ನು ಮಾಡುತ್ತಿದ್ದೇನೆ. ನನಗೆ 8 ವರ್ಷದ ಮಗನಿದ್ದಾನೆ. ನಾನು ಕೂದಲಿಗೆ ಬಣ್ಣ ಹಾಕದೇ ಇರುವ ಕಾರಣ, ಬಿಳಿ ಕೂದಲು ಮಾಧವನ ಪಾತ್ರಕ್ಕೆ ಮ್ಯಾಚ್ ಆಗಿದೆ ಎಂದು ಅಜಿತ್ ಹೇಳಿದ್ದಾರೆ.

16 ವರ್ಷದ ಹಿಂದೆ ಅಜಿತ್ ಅವರು ಗರ್ವ, ಬಿದಿಗೆ ಚಂದ್ರಮ, ಹಿಂದಿ ಧಾರಾವಾಹಿ ಚೋಟಿಮಾ ಸೇರಿದಂತೆ ಹಲವು ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ಮುಕ್ತ ಧಾರಾವಾಹಿಯ ಸ್ವಾಮೀಜಿ ಪಾತ್ರದಲ್ಲಿ ಕೊನೆಯ ಬಾರಿಗೆ ಕಾಣಿಸಿಕೊಂಡಿದ್ದರು, ಈಗ ಶ್ರೀರಸ್ತು ಶುಭಮಸ್ತು ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾರೆ.

ಸದ್ಯ ಧಾರಾವಾಹಿಯಲ್ಲಿ ಸೊಸೆಯ ಮುದ್ದಿನ ಮಾವನಾಗಿ, ಮಗನ ವಿರೋಧ ಕಟ್ಟಿಕೊಂಡು, ಜನರ ಪ್ರೀತಿ ಗಳಿಸುತ್ತಿದ್ದಾರೆ. ಅಜಿತ್ ಅವರಿಗೆ ಅಭಿಮಾನಿಗಳು ಆಲ್ ದಿ ಬೆಸ್ಟ್ ಹೇಳಿದ್ದಾರೆ.