Actress Sanjana: ಪುಣೆಯಲ್ಲಿ ಪುಟ್ಟಕ್ಕನ ಮಗಳು! ಫೋಟೋ ಶೇರ್‌ ಮಾಡಿದ ಸ್ನೇಹಾ

'ಪುಟ್ಟಕ್ಕನ ಮಕ್ಕಳು 'ಜೀ ಕನ್ನಡದಲ್ಲಿ ಸೋಮವಾರದಿಂದ ಶುಕ್ರವಾರದವರೆಗೆ ಸಂಜೆ 7.30ಕ್ಕೆ ಪ್ರಸಾರವಾಗುತ್ತೆ. ಧಾರಾವಾಹಿಯಲ್ಲಿ ನಾಯಕಿ ಸ್ನೇಹಾ ಎಲ್ಲರ ಗಮನ ಸೆಳೆದಿದ್ದಾರೆ.

ಧಾರಾವಾಹಿಯಲ್ಲಿ ಇವರ ಹೆಸರು ಸ್ನೇಹಾ. ಪುಟ್ಟಕ್ಕನ ಎರಡನೇ ಮಗಳು. ಓದಿನಲ್ಲೂ ಜೋರು. ಮಾತಿನಲ್ಲೂ ಜೋರು. ನಿಜ ಜೀವನದಲ್ಲಿ ಇವರ ಹೆಸರು ಸಂಜನಾ ಬುರಲಿ. ತಮ್ಮ ಅದ್ಭುತ ನಟನೆಯ ಮೂಲಕ ಕನ್ನಡಿಗರ ಮನ ಗೆದ್ದಿದ್ದಾರೆ.

ಸಂಜನಾ ಅವರು ಯಾವಾಗಲೂ ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಖುಷಿಯನ್ನು ಶೇರ್ ಮಾಡ್ತಾ ಇರ್ತಾರೆ. ಬೋಲ್ಡ್ ಹುಡುಗಿ ಸಂಜನಾ, ಸ್ನೇಹಾ ಆಗಿ ತುಂಬಾ ಚೆನ್ನಾಗಿ ನಟನೆ ಮಾಡ್ತಾ ಇದ್ದಾರೆ.

ನಟಿ ಸಂಜನಾ ಬುರಲಿ ಅವರು ಪುಣೆ ಪ್ರವಾಸಕ್ಕೆ ಹೋಗಿದ್ದಾರೆ. ಅಲ್ಲಿ ಪುಣೆಯ ಶನಿವಾರ ವಡಾ ಬಾಗೀರಾವ್ ಕೋಟೆ ಬಳಿ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ. ಸಂಜನಾ ಅವರ ಫೋಟೋಗಳಿಗೆ 8 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಬಂದಿವೆ.

ಸಂಜನಾ ಅವರು ಫೋಟೋಗಳ ಜೊತೆ, ನಿಮ್ಮ ಸಿಂಹಾಸನವನ್ನು ಏರಲು ನಿಮ್ಮ ಸಿದ್ಧತೆಗಳನ್ನು ಪ್ರಾರಂಭಿಸಿ, ಉಳಿದವು ಇತಿಹಾಸವಾಗಲಿ ಎಂದು ಪೋಸ್ಟ್ ಹಾಕಿಕೊಂಡಿದ್ದಾರೆ.

ಸದ್ಯ ಧಾರಾವಾಹಿಯಲ್ಲಿ ಸ್ನೇಹಾ ಮತ್ತು ಕಂಠಿ ಪ್ರೀತಿ ಮಾಡ್ತಾ ಇದ್ದಾರೆ. ಕಂಠಿ ಸ್ನೇಹಾಳಿಗೆ ಅದ್ಧೂರಿಯಾಗಿ ಪ್ರಪೋಸ್ ಮಾಡಿದ್ದ. ಆ ಎಪಿಸೋಡ್ ಎಲ್ಲಿರಿಗೂ ಇಷ್ಟ ಆಗಿತ್ತು.

ಸ್ನೇಹಾಗೆ ಬಂಗಾರಮ್ಮ ಕಂಡ್ರೆ ಆಗಲ್ಲ. ಕಂಠಿ ಬಂಗಾರಮ್ಮನ ಮಗ ಎಂದು ಗೊತ್ತಾದ್ರೆ, ಪ್ರೀತಿ ಮಾಡೋದು ಇರಲಿ, ಅವನ ಕಡೆಯೂ ತಿರುಗಿ ಸಹ ನೋಡಲ್ಲ. ಅದಕ್ಕೆ ಕಂಠಿ ಸತ್ಯ ಹೇಳಲಾಗದೇ ಒದ್ದಾಡುತ್ತಿದ್ದಾನೆ.

ಕಂಠಿ ಇಬ್ಬರ ನಡುವೆ ಮುನಿಸು ದೂರ ಮಾಡಬೇಕು ಎಂದು ಆಶ್ರಮವೊಂದರಲ್ಲಿ ಅನ್ನಸಂತರ್ಪಣೆ ಕಾರ್ಯಕ್ರಮ ಏರ್ಪಡಿಸಿರುತ್ತಾನೆ. ಆದ್ರೆ ಅಲ್ಲಿ ಸ್ನೇಹಾ ಬಂಗಾರಮ್ಮನ ಜೊತೆ ಜಗಳವಾಡಿ ವಾಪಸ್ ಬಂದಿದ್ದಾಳೆ.