Puttakkana Makkalu: ಪುಟ್ಟಕ್ಕನ ಕೊನೆ ಮಗಳು ಸುಮಾ ಸಖತ್​ ಕ್ಯೂಟ್​, ಶಿಲ್ಪಾ ರಿಯಲ್ ಸ್ಟೋರಿ ಇದು!

ಜೀ ಕನ್ನಡದ ಹೆಸರಾಂತ ಧಾರಾವಾಹಿ ಪುಟ್ಟಕ್ಕನ ಮಕ್ಕಳು. ಸೋಮವಾರದಿಂದ ಶುಕ್ರವಾರದವರೆಗೆ ಪ್ರತಿದಿನ ಸಂಜೆ 7.30ಕ್ಕೆ ಪ್ರಸಾರವಾಗುತ್ತದೆ. ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ಪುಟ್ಟಕ್ಕನ ಪಾತ್ರದಲ್ಲಿ ಉಮಾಶ್ರೀ ಅಮೋಘವಾಗಿ ಅಭಿನಯಿಸುತ್ತಿದ್ದಾರೆ.

ಪುಟ್ಟಕ್ಕನಿಗೆ 3 ಹೆಣ್ಣು ಮಕ್ಕಳಿದ್ದು, ಈಗ ದೊಡ್ಡ ಮಗಳು ಸಹನಾ ಮದುವೆ ಸಂಭ್ರಮ ನಡೆಯುತ್ತಿದೆ. ಸ್ನೇಹಾ ಓದುತ್ತಿದ್ದು, ಏನಾದ್ರೂ ಸಾಧನೆ ಮಾಡಬೇಕು ಎಂದುಕೊಂಡಿದ್ದಾಳೆ.

ಇನ್ನು ಕೊನೇ ಮಗಳೇ ಈ ಸುಮಾ. ಸುಮಾ ಆಟದಲ್ಲೂ ಜೋರು, ಮಾತಿನಲ್ಲೂ ಜೋರು. ಈಕೆ ಖೋ ಖೋ ಆಟದಲ್ಲಿ ಚಾಂಪಿಯನ್. ಎಷ್ಟೋ ಬಾರಿ ಕಪ್ ಗೆದ್ದಿದ್ದಾಳೆ.

ಸುಮಾ ಪಾತ್ರ ಮಾಡುತ್ತಿರುವ ಇವರ ಹೆಸರು ಶಿಲ್ಪಾ. ಮೂಲತಃ ಬೆಂಗಳೂರಿನವರು. ಈಗಲೂ ಬೆಂಗಳೂರಿನಲ್ಲೇ ವಾಸವಾಗಿದ್ದಾರೆ. ಸುಮಾ ಪಾತ್ರದ ಮೂಲಕ ಖ್ಯಾತಿ ಪಡೆದಿದ್ದಾರೆ.

ಇವರ ತಂದೆ ಉಮಾಶಂಕರ್ ಅಂತ. ಜ್ಯೋತಿಷಿಯಾಗಿದ್ದಾರೆ. ಇವರ ತಾಯಿ ಹೆಸರು ಅನಿತಾ ಅಂತ. ಇಬ್ಬರು ಸಹೋದರಿಯರು ಇದ್ದು, ಆಶಾ ಮತ್ತು ದೇವಿಕಾ ಅಂತ.

ಶಿಲ್ಪಾ ಬಿಬಿಎಂಪಿ ಹೈಸ್ಕೂಲ್ ನಲ್ಲಿ 10 ನೇ ತರಗತಿವರೆಗೆ ಓದಿದ್ದಾರೆ. ಡಿಪ್ಲೋಮೋ ಇನ್ ಫ್ಯಾಷನ್ ಡಿಸೈನಿಂಗ್ ಓದಿದ್ದಾರೆ.

ಶಿಲ್ಪಾ ಅವರಿಗೆ ಪುಟ್ಟಕ್ಕನ ಮಕ್ಕಳು 2ನೇ ಸೀರಿಯಲ್ ಆಗಿದೆ. ಕನ್ನಡದ ಗೀತಾ ಸೀರಿಯಲ್ ನಲ್ಲಿ ವಿಜಯ್ ತಂಗಿ ಶೃತಿ ಆಗಿ ಪಾತ್ರ ನಿರ್ವಹಿಸಿದ್ದರು.

ಸದ್ಯ ಧಾರಾವಾಹಿಯಲ್ಲಿ ಪುಟ್ಟಕ್ಕನ ದೊಡ್ಡ ಮಗಳು ಸಹನಾ ಮದುವೆ ಆಗಿದೆ. ಅದಕ್ಕೆ ಸುಮಾ ಅವರು ರೆಡಿ ಆಗಿದ್ದು ಈ ರೀತಿ.