Actress Mokshitha Pai: ತಮಿಳು ಧಾರಾವಾಹಿಯಿಂದ ಹೊರ ಬಂದಿದ್ದೇಕೆ 'ಪಾರು'? ಮೋಕ್ಷಿತಾ ಪೈ ಕೊಟ್ಟ ಕಾರಣ ನೋಡಿ!

ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಧಾರಾವಾಹಿಗಳಲ್ಲಿ ಪಾರು ಧಾರಾವಾಹಿ ಜನಪ್ರಿಯವಾಗಿದೆ. ಅದರಲ್ಲಿ ಪಾರು ಪಾತ್ರ ಜನರ ಮನಸ್ಸಿಗೆ ಹತ್ತಿರವಾಗಿದೆ. ಎಲ್ಲರೂ ಇಷ್ಟಪಟ್ಟು ನೋಡುತ್ತಿದ್ದಾರೆ.

ಪಾರು ಪಾತ್ರ ಮಾಡ್ತಿರೋ ಮೋಕ್ಷಿತಾ ಪೈ ಕನ್ನಡ ಮಾತ್ರವಲ್ಲದೇ ತಮಿಳು ಧಾರಾವಾಹಿಯಲ್ಲೂ ಸಹ ಅಭಿನಯಿಸುತ್ತಿದ್ದರು. ಸಿನಿಮಾಗಳಲ್ಲೂ ನಟಿಸಲು ತಯಾರಿ ನಡೆಸುತ್ತಿದ್ದಾರೆ.

ಪಾರು ಧಾರಾವಾಹಿಯಲ್ಲಿ ಆದಿತ್ಯನ ತಮ್ಮ ಪ್ರೀತು ತೊಂದರೆಯಲ್ಲಿ ಸಿಲುಕಿದ್ದು, ಅವನ ಕಷ್ಟ ದೂರ ಮಾಡಲು ಪಾರು ಮತ್ತು ಆದಿತ್ಯ ಒದ್ದಾಡುತ್ತಿದ್ದಾರೆ.

ಪಾರು ಧಾರಾವಾಹಿಯಲ್ಲಿ ಅಖಿಲಾಂಡೇಶ್ವರಿಯ ಹಿರಿ ಸೊಸೆಯಾಗಿ, ಆದಿತ್ಯನ ಪ್ರೀತಿಯ ಹೆಂಡ್ತಿಯಾಗಿ ಮನೆಯ ಜವಾಬ್ದಾರಿ ಹೊತ್ತಿದ್ದಾಳೆ. ಪಾರು ನೋಡಲು ಅದೆಷ್ಟೋ ಅಭಿಮಾನಿಗಳು ಕಾಯ್ತಾ ಇರ್ತಾರೆ.

ತಮಿಳಿನ ಖಾಸಗಿ ವಾಹಿನಿಯಲ್ಲಿ ಮೂಡಿ ಬರುತ್ತಿದ್ದ ಮೀನಾಕ್ಷಿ ಪೊನ್ನುಂಗ ಸೀರಿಯಲ್​ನಿಂದ ಮೋಕ್ಷಿತಾ ಪೈ ಹೊರ ಬಂದಿದ್ದಾರೆ. ಮೀನಾಕ್ಷಿ ಪೊನ್ನುಂಗನಲ್ಲಿ ಮುಖ್ಯ ಪಾತ್ರಧಾರಿ ಶಕ್ತಿ ಪಾತ್ರ ನಿರ್ವಹಿಸುತ್ತಿದ್ದರು.

ನನ್ನ ಎಲ್ಲಾ ಅಭಿಮಾನಿಗಳಿಗೆ ಮತ್ತು ಸ್ನೇಹಿತರಿಗೆ, ವೈಯಕ್ತಿಕ ಕಾರಣಗಳಿಂದ ನಾನು ಶಕ್ತಿ ಪಾತ್ರದಲ್ಲಿ ನಟಿಸಿದ ಮೀನಾಕ್ಷಿ ಪೊನ್ನುಂಗ ಧಾರಾವಾಹಿಯಿಂದ ಹೊರಬಂದಿದ್ದೇನೆ ಎಂದು ಮೋಕ್ಷಿತಾ ಪೈ ತಿಳಿಸಿದ್ದಾರೆ.

ನನ್ನ ಎಲ್ಲಾ ಸಹ ನಟರು ಉತ್ತಮ ಬೆಂಬಲವನ್ನು ನೀಡಿದ್ದಾರೆ ಮತ್ತು ನನ್ನ ಎಲ್ಲಾ ತಮಿಳು ಪ್ರೇಕ್ಷಕರು, ನನ್ನನ್ನು ಶಕ್ತಿಯಾಗಿ ಸ್ವೀಕರಿಸಿದ್ದಕ್ಕಾಗಿ, ತುಂಬಾ ಪ್ರೀತಿಯನ್ನು ನೀಡಿದ್ದಕ್ಕಾಗಿ ತುಂಬಾ ಧನ್ಯವಾದಗಳು ಎಂದು ಮೋಕ್ಷಿತಾ ಹೇಳಿದ್ದಾರೆ.

ಧಾರಾವಾಹಿಯಿಂದ ತಮಿಳು ಸೇರಿದಂತೆ ಹಲವು ವಿಷಯಗಳನ್ನು ಕಲಿತೆ. ನನ್ನನ್ನು ಎಲ್ಲಾ ರೀತಿಯಲ್ಲಿ ಪ್ರೋತ್ಸಾಹಿಸಿದ್ದಕ್ಕಾಗಿ ಎಲ್ಲರಿಗೂ ಧನ್ಯವಾದಗಳು. ಶಕ್ತಿ ಮತ್ತು ಇಡೀ ತಂಡವನ್ನು ಮಿಸ್ ಮಾಡಿಕೊಳ್ಳುತ್ತೇನೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಮೋಕ್ಷಿತಾ ಹಾಕಿಕೊಂಡಿದ್ದಾರೆ.