Actor Sharath Padmanabh: 'ಪಾರು' ನಟ ಶರತ್ ಪದ್ಮನಾಭ್ ಮದುವೆ, ಆರತಕ್ಷತೆ ಫೋಟೋಸ್ ನೋಡಿ

ಕಿರುತೆರೆ ನಟ, ನಟಿಯರೆಲ್ಲಾ ಎಂಗೇಜ್‍ಮೆಂಟ್, ಮದುವೆ ಮಾಡಿಕೊಳ್ತಾ ಇದ್ದಾರೆ. ಇತ್ತೀಚೆಗೆ ಎಂಗೇಜ್‍ಮೆಂಟ್ ಮಾಡಿಕೊಂಡಿದ್ದ ಪಾರು ಧಾರಾವಾಹಿ ನಟ ಶರತ್ ಅವರು ಮದುವೆ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಶರತ್ ಪದ್ಮಾನಾಭ್ ತಮ್ಮ ನೆಚ್ಚಿನ ಹುಡುಗಿ ದಿವ್ಯಶ್ರೀ ಜೊತೆ ಕಳೆದ ನವೆಂಬರ್ ನಲ್ಲಿ ಎಂಗೇಜ್‍ಮೆಂಟ್ ಮಾಡಿಕೊಂಡಿದ್ದರು. ಮನೆಯವರ ಸಮ್ಮುಖದಲ್ಲಿ ಉಂಗುರ ಬದಲಾಯಿಸಿಕೊಂಡಿದ್ದರು.

ಈಗ ಶರತ್ ಅವರು ಮದುವೆ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಶರತ್ ಮದುವೆಗೆ ಪಾರು ಸೀರಿಯಲ್ ತಂಡದವರು ಭಾಗಿಯಾಗಿ ವಿಶ್ ಮಾಡಿದ್ದಾರೆ. ಒಳ್ಳೆಯದಾಗಲಿ ಎಂದು ಶುಭಕೋರಿದ್ದಾರೆ.

ಶರತ್ ಪದ್ಮನಾಭ್ ಅವರ ಆರತಕ್ಷತೆಗೆ ನಟ ಅನಿರುದ್ಧ್ ಸಹ ಭಾಗಿಯಾಗಿದ್ದರು. ಜೋಡಿಗೆ ಶುಭವಾಗಲಿ, ಸಂತೋಷವಾಗಿರಿ ಎಂದು ಹಾರೈಸಿದ್ದಾರೆ.

ಜೀ ಕನ್ನಡದ ಗಟ್ಟಿಮೇಳ ಧಾರಾವಾಹಿ ನಾಯಕ ವೇದಾಂತ್, ಹಿಟ್ಲರ್ ಕಲ್ಯಾಣ ಧಾರಾವಾಹಿ ನಾಯಕ ಎಜೆ ಸಹ ಆರತಕ್ಷತೆಯಲ್ಲಿ ಭಾಗಿಯಾಗಿದ್ದರು.

ಶರತ್ ಪದ್ಮಾನಾಭ್ ಮದುವೆಯಾದ ಹುಡುಗಿ ದಿವ್ಯಶ್ರೀ ಸಾಫ್ಟ್ ವೇರ್ ಎಂಜಿನಿಯರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಇಬ್ಬರು ಕೆಲ ದಿನಗಳಿಂದ ಪ್ರೀತಿ ಮಾಡ್ತಾ ಇದ್ದರು.

ಶರತ್ ಪದ್ಮನಾಭ್ ಧಾರಾವಾಹಿ ಮಾತ್ರವಲ್ಲದೇ, ಕೆಲವು ಸಿನಿಮಾಗಳಲ್ಲೂ ಅಭಿನಯಿಸಿದ್ದಾರೆ. ಕಿರುತೆರೆಯಲ್ಲಿ ಬ್ಯುಸಿ ಆಗಿದ್ದಾರೆ. ಇನ್ನಷ್ಟು ಸಿನಿಮಾಗಳನ್ನು ಮಾಡಲಿದ್ದಾರೆ.

ನಟ ಶರತ್ ಪದ್ಮನಾಭ್ ಮತ್ತು ದಿವ್ಯಶ್ರೀ ಜೋಡಿಗೆ ಅಭಿಮಾನಿಗಳು ವಿಶ್ ಮಾಡಿದ್ದಾರೆ. ಒಳ್ಳೆಯದಾಗಲಿ ಎಂದು ಕಾಮೆಂಟ್ ಹಾಕಿದ್ದಾರೆ.