Paaru Serial: ಪಾರು ಧಾರಾವಾಹಿಗೆ ಕಮಲಿಯ ಅನಿಕಾ ಎಂಟ್ರಿ, ಜನ ಮೆಚ್ಚುಗೆ ಗಳಿಸಿದ ಸಂಗೀತಾ!

ಜೀ ಕನ್ನಡದಲ್ಲಿ ಸಂಜೆ 6.30ಕ್ಕೆ ಪ್ರಸಾರವಾಗುತ್ತಿರುವ ಪಾರು ಸೀರಿಯಲ್ ಹಲವಾರು ಜನರ ಮನಸ್ಸು ಗೆದ್ದಿದೆ. ದಿನಕ್ಕೊಂದು ತಿರುವಿನೊಂದಿಗೆ ಅಭಿಮಾನಿಗಳನ್ನು ಹಿಡಿದಿಟ್ಟುಕೊಳ್ಳುವಲ್ಲಿ ಯಶಸ್ವಿಯಾಗುತ್ತಿದೆ.

ಅಖಿಲಾಂಡೇಶ್ವರಿ ಪಾತ್ರದಲ್ಲಿರುವ ವಿನಯ್ ಪ್ರಸಾದ್ ಅಭಿನಯ ನೋಡೋದೇ ಒಂದು ಚೆಂದ. ಅರಸನ ಕೋಟೆಯನ್ನು ಬೆಳೆಸುತ್ತಾ, ತನ್ನ ಮಕ್ಕಳನ್ನು ಬೆಳೆಸುತ್ತ, ತನ್ನ ಕೋಟೆಯನ್ನು ಭದ್ರಮಾಡಿಕೊಳ್ಳುತ್ತಾ ಮುನ್ನೆಡೆಯುತ್ತಿದ್ದಾರೆ. ತನ್ನ ಪಾತ್ರಕ್ಕೆ ಹೊಂದುವಂತೆ ಮೇಕಪ್ ಹಾಕಿಕೊಂಡು, ಗತ್ತು, ಗಾಂಭಿರ್ಯದಿಂದ ಸಂಸಾರದ, ಜೊತೆ ಕಂಪನಿಯನ್ನು ನಡೆಸಿಕೊಂಡು ಹೋಗುತ್ತಿದ್ದಾಳೆ.

ಸೂಪರ್ ಹಿಟ್ ಆಗಿ ರನ್​ ಆಗ್ತಿರುವ ಧಾರಾವಾಹಿಗೆ ಗ್ಯಾಬಿಎಲ್ಲಾ ಸ್ಮಿತ್ ಎಂಟ್ರಿ ಆಗಿದೆ. ಕಮಲಿ ಧಾರಾವಾಹಿಯಲ್ಲಿ ಅನಿಕಾ ಪಾತ್ರ ಮಾಡಿದ್ದ ಇವರು ಈಗ ಸಂಗೀತಾ ಆಗಿ ಎಂಟ್ರಿ ಕೊಟ್ಟಿದ್ದಾರೆ.

ಪಾರು ಸೀರಿಯಲ್‍ನಲ್ಲಿ ಸಂಗೀತಾ ಪಾತ್ರ ಮಾಡ್ತಿರುವ ಇವರು ಗರ್ಭಿಣಿ ಆಗಿದ್ದು, ಶ್ರೀಮಂತಿಕೆ, ಒಳ್ಳೆ ಗಂಡ, ಮನೆ ಇದ್ದರೂ ನೆಮ್ಮದಿ ಇಲ್ವಂತೆ. ಮಗು ಇಲ್ಲದೇ ಇಷ್ಟು ವರ್ಷ ಕಾದಿದ್ದಾರೆ. ಈಗ ಗರ್ಭಿಣಿ ಆಗಿದ್ದಾರೆ.

ಈ ಮಗು ಸಂಗೀತಾ ಅವರಿಗೆ ತುಂಬಾ ಮುಖ್ಯ ಅಂತೆ. ಅದಕ್ಕೆ ಇವರನ್ನು ನೋಡಿಕೊಳ್ಳಲು ಮನೆ ಕೆಲಸದವರು ಬೇಕಾಗಿದ್ದಾರೆ. ಅದಕ್ಕೆ ಕಾಯ್ತಾ ಇದ್ದರು. ಆಗ ಪಾರು ಮನೆ ಕೆಲಸ ಕೇಳಿಕೊಂಡು ಬಂದಿದ್ದಾಳೆ.

ಪಾರು ಮತ್ತು ಆದಿತ್ಯ, ಹನುಮಂತು ಮನೆಯಲ್ಲಿ ಇದ್ದಾರೆ. ತನ್ನ ತಂದೆಗೆ ಕಷ್ಟ ಆಗಬಾರದು ಎಂದು ಪಾರು ಕೆಲಸ ಹುಡುಕುತ್ತಾ ಇರ್ತಾಳೆ. ಆಗ ಸಂಗೀತಾ ಕೆಲಸ ಕೊಟ್ಟಿದ್ದಾಳೆ.

ಪಾರು ಸಹ ಗರ್ಭಿಣಿ ಆಗಿದ್ದಾಳೆ. ಆದ್ರೆ ಅದನ್ನು ಸಂಗೀತಾ ಬಳಿ ಹೇಳಿಲ್ಲ. ಮೊದಲ ದಿನವೇ ಅಡುಗೆಯನ್ನು ಮಾಡಿ ಸಂಗೀತಾ ಮೆಚ್ಚುಗೆ ಗಳಿಸಿದ್ದಾಳೆ. ಸಂಗೀತಾ ಸಹ ಆಕೆ ಕೆಲಸ ಮೆಚ್ಚಿ ಅಡ್ವಾನ್ಸ್​​ ಕೊಟ್ಟು ಕಳಿಸಿದ್ದಾಳೆ.

ಕಮಲಿಯಲ್ಲಿ ವಿಲನ್ ಆಗಿ ಅನಿಕಾ ಎಲ್ಲರ ಮೆಚ್ಚುಗೆ ಗಳಿಸಿದ್ದರು. ಆದ್ರೆ ಜನ ಬೈಯ್ತಾ ಇದ್ದರು. ಇದರಲ್ಲಿ ಸಂಗೀತಾ ಎನ್ನುವ ಒಳ್ಳೆ ಪಾತ್ರ ಮಾಡ್ತಿದ್ದಾರೆ, ಜನ ಈ ಪಾತ್ರ ನಿಮಗೆ ಒಪ್ಪುತ್ತೆ ಎಂದು ಹೇಳಿದ್ದಾರೆ.