Sandhyaraaga: ಜೀ ಕನ್ನಡದಲ್ಲಿ ಮತ್ತೊಂದು ಹೊಸ ಧಾರಾವಾಹಿ, ಮೇ 1ರಿಂದ ಸಂಧ್ಯಾರಾಗ!

ಜೀ ಕನ್ನಡ ಜನರಿಗೆ ಮನರಂಜನೆ ನೀಡುವಲ್ಲಿ ಸದಾ ಮುಂದೆ ಇರುತ್ತದೆ. ವಾರದ ದಿನಗಳಲ್ಲಿ ಸೂಪರ್ ಹಿಟ್ ಧಾರಾವಾಹಿಗಳನ್ನು ನೀಡುತ್ತಿದೆ. ವಾರಾಂತ್ಯದಲ್ಲಿ ರಿಯಾಲಿಟಿ ಶೋಗಳ ಮೂಲಕ ಜನರನ್ನು ರಂಜಿಸುತ್ತಿದೆ.

ಪಾರು, ಹಿಟ್ಲರ್ ಕಲ್ಯಾಣ, ಪುಟ್ಟಕ್ಕನ ಮಕ್ಕಳು, ಗಟ್ಟಿಮೇಳ, ಶ್ರೀರಸ್ತು ಶುಭಮಸ್ತು, ಸತ್ಯ, ಭೂಮಿಗೆ ಬಂದ ಭಗವಂತ, ಜೊತೆ ಜೊತೆಯಲಿಯಂತಹ ಹಿಟ್ ಸೀರಿಯಲ್‍ಗಳು ಪ್ರಸಾರವಾಗುತ್ತಿವೆ.

ಇದೊಂದು ಅಕ್ಕ-ತಂಗಿಯರ ಕತೆಯಾಗಿದೆ. ಅಕ್ಕನ ಪಾತ್ರದಲ್ಲಿ ಜಯಶ್ರೀ ಎಸ್. ರಾಜ್ ಅಭಿನಯಿಸಿದ್ದಾರೆ. ಒಂಟಿಯಾಗಿ ನಾನು ಎಷ್ಟು ನೋವನ್ನಾದ್ರೂ ಸಹಿಸಿಕೊಳ್ತೇನೆ. ಆದ್ರೆ ನನ್ನನ್ನು ಒಂಟಿಯಾಗಿ ಮಾಡಿ ಹೋಗಿದ್ದನ್ನು ಯಾವತ್ತೂ ಮರೆಯಲ್ಲ ಎಂದು ಅಕ್ಕ ಹೇಳ್ತಾ ಇದ್ದಾಳೆ.

ತಂಗಿಗೋಸ್ಕರ ಸಪ್ತಸಾಗರ ದಾಟಿದ ಅಕ್ಕನ ಕಥೆ ಎಂದು ತಿಳಿದಿದೆ. ಅಕ್ಕ-ತಂಗಿ ಬಹಳ ವರ್ಷಗಳ ಹಿಂದೆಯೇ ದೂರವಾಗಿದ್ದು, ಇಬ್ಬರೂ ಕೂಡ ಭೇಟಿ ಮಾಡಲು ಕಾಯುತ್ತಿದ್ದಾರೆ ಎಂದು ತಿಳಿದು ಬಂದಿದೆ.ಮೇ 1ರಿಂದ ಸಂಜೆ 6 ಗಂಟೆಗೆ ಸಂಧ್ಯಾರಾಗ ಎನ್ನುವ ಹೊಸ ಧಾರಾವಾಹಿ ಶುರುವಾಗಲಿದೆ. ಇದೊಂದು ತೆಲುಗು ಡಬ್ ಧಾರಾವಾಹಿಯಾಗಿದೆ.

ವಿದೇಶದಲ್ಲಿರುವ ತಂಗಿ ನಿನ್ನನ್ನು ನೋಡೋಕೆ ಅಂತಾನೇ ಉಸಿರು ಗಟ್ಟಿ ಹಿಡಿದುಕೊಂಡು ಕಾಯ್ತಾ ಇದ್ದೇನೆ ಎನ್ನುತ್ತಾಳೆ. ಅಕ್ಕ ತಂಗಿಗೆ ಪತ್ರವನ್ನು ಬರೆಯುತ್ತಾಳೆ.

ಇದು ತೆಲುಗಿನಲ್ಲಿ ಹಿಟ್ ಆದ ಧಾರಾವಾಹಿ ಎಂದು ಹೇಳಲಾಗಿದೆ. 'ಪಡಮಟಿ ಸಂಧ್ಯಾರಾಗಂ' ಎಂದು ತೆಲುಗಿನಲ್ಲಿ ಪ್ರಸಾರಗೊಂಡಿದ್ದು, ಈಗ ಕನ್ನಡದಲ್ಲಿ ಮೂಡಿ ಬರಲಿದೆ. ಹಲವರು ಕನ್ನಡದಲ್ಲೂ ಈ ಧಾರಾವಾಹಿ ಬರುತ್ತಿರುವುದಕ್ಕೆ ಖುಷಿ ಪಟ್ಟಿದ್ದಾರೆ.

ಕನ್ನಡದಲ್ಲಿ ಈಗ ಡಬ್ಬಿಂಗ್ ಧಾರಾವಾಹಿಗಳು ಹೆಚ್ಚೆಚ್ಚು ಬರಲು ಶುರುವಾಗಿವೆ. ಆದರೆ ಈ ಡಬ್ಬಿಂಗ್‍ಗೆ ಸ್ವಲ್ಪ ಮಿತಿ ಇರಲಿ ಎಂಬುದು ಕೆಲವರ ಅಭಿಪ್ರಾಯ. ಹಾಗಿದ್ದರೂ ಕೂಡ ಈಗ ಮತ್ತೊಂದು ಡಬ್ಬಿಂಗ್ ಧಾರಾವಾಹಿ ಕನ್ನಡಕ್ಕೆ ಪಾದಾರ್ಪಣೆ ಮಾಡಲಿದೆ.

ಜೀ ಕನ್ನಡದಲ್ಲಿ 2 ಹೊಸ ಧಾರಾವಾಹಿ, 2 ಹೊಸ ರಿಯಾಲಿಟಿ ಶೋ ಗಳು ಆರಂಭವಾಗಲಿವೆ. ಆದ್ರೆ ಯಾವ ಧಾರಾವಾಹಿಗಳು ಮುಕ್ತಾಯ ಆಗ್ತಿವೆ ಎಂದು ಗೊತ್ತಿಲ್ಲ.