Bhoomige Banda Bhagavantha: ಭಕ್ತನಿಗಾಗಿ 'ಭೂಮಿಗೆ ಬಂದ ಭಗವಂತ', ಜೀ ಕನ್ನಡದಲ್ಲಿ ಹೊಸ ಧಾರಾವಾಹಿ

ಜೀ ಕನ್ನಡ ಜನರಿಗೆ ಮನರಂಜನೆ ನೀಡುವಲ್ಲಿ ಸದಾ ಮುಂದಿರುತ್ತೆ. ಈಗಾಗಲೇ ಹಲವು ಹಿಟ್ ಧಾರಾವಾಹಿಗಳನ್ನು ನೀಡುತ್ತಾ ಇದೆ. ಈಗ ಭೂಮಿಗೆ ಬಂದ ಭಗವಂತ ಅನ್ನೋ ಧಾರಾವಾಹಿ ಶೀಘ್ರದಲ್ಲೇ ಪ್ರಸಾರವಾಗಲಿದೆ.

ಜೀ ಕನ್ನಡ ವಾಹಿನಿ ಪ್ರೋಮೊ ಹಂಚಿಕೊಂಡಿದ್ದು ಮಿಡ್ಲಲ್ ಕ್ಲಾಸ್ ವ್ಯಕ್ತಿಯ ದಿನ ನಿತ್ಯದ ಜೀವನ ಹೇಗಿರುತ್ತೆ ಎಂದು ಅದರಲ್ಲಿ ಹೇಳಲಾಗಿದೆ. ಮನೆಯಲ್ಲಿ ನೀರಿನ ಪ್ರಾಬ್ಲಮ್ ಶುರುವಾದ್ರೆ, ಎಲ್ಲಾ ಕಡೆ ಸಮಸ್ಯೆಯೇ ಅನ್ನೋ ತರ ತೋರಿಸಲಾಗಿದೆ.

ಗಂಡನಿಗೆ ಸ್ನಾನ ಮಾಡಲು ನೀರು ತಂದು ಕೊಡುವ ಹೆಂಡತಿ, ಇರೋ ದುಡ್ಡಿನಲ್ಲೇ ಮನೆ ನಿಭಾಯಿಸಿಕೊಂಡು ಹೋಗುವುದು. ಗಂಡನಿಗೆ ದಿನ ನಿತ್ಯ ಬೈಯುವುದೇ ಆಗಿದೆ.

ಪದೇ ಪದೇ ಕೆಡುವ ಸ್ಕೂಟರ್ ನಲ್ಲೇ ಮಗನನ್ನೇ ಶಾಲೆಗೆ ಬಿಡುತ್ತಿರುವ ಹೀರೋ. ಮಗ ದೂರದಲ್ಲಿ ಇಳಿದಕೊಂಡು ಸ್ಕೂಲ್ ಗೆ ಹೋಗುತ್ತಾನೆ. ನನ್ನ ಸ್ನೇಹಿತರೆಲ್ಲಾ ಕಾರಲ್ಲಿ ಬರುತ್ತಾರೆ ಎಂದು ಹೇಳ್ತಾನೆ. ಆಗ ಹೀರೋ ನಂದು ಒಂದು ಜೀವನ ಎಂದುಕೊಂಡು ಹೋಗುತ್ತಾನೆ.

ಮನೆ ಜಂಜಾಟ ಮುಗಿಸಿ ಕಚೇರಿಗೆ ಹೋದ್ರೆ, ಅಲ್ಲಿ ಬಾಸ್ ಈ ಬಾರಿ ಸೇಲ್ಸ್ ಕಮ್ಮಿ ಆಗಿದೆ ಎಂದು ಬೈಯ್ತಾ ಇದ್ದಾರೆ. ಹೆಚ್ಚು ಕೆಲಸ ಕೊಡ್ಟಿದ್ದಾರೆ, ಎಲ್ಲವನ್ನೂ ಮಾಡಬೇಕಿದೆ.

ಸಂಜೆ ಮನೆಗೆ ಹೊರಟ್ರೆ ಟ್ರಾಫಿಕ್ ಜಾಮ್ ಕಿರಿ-ಕಿರಿ. ಈ ಮಧ್ಯೆ ಕೈ ಕೊಡುವ ಸ್ಕೂಟರ್. ಅದಕ್ಕೆ ಬೇಸರ ಆಗಿ ದೇವರಿಗೆ ಕಲ್ಲಿಂದ ಹೊಡೆಯಲು ಹೋಗ್ತಾನೆ.

ನಾಯಕ ಶಿವಪ್ರಸಾದ್ ಕಷ್ಟ ನೋಡಲು ಆಗದೇ ಭೂಮಿಗೆ ಭಗವಂತ ಬಂದಿದ್ದಾರೆ. ಅವನ ಸ್ಕೂಟರ್ ಸರಿ ಮಾಡಿ ಅವನ ಜೊತೆ ಮನೆಗೆ ಹೋಗ್ತಾ ಇದ್ದಾನೆ.

ಹೀರೋ ಪಾತ್ರದಲ್ಲಿ ನವೀನ್ ಕೃಷ್ಣ ಅಭಿನಯಿಸುತ್ತಿದ್ದಾರೆ. ಇದೊಂದು ವಿಭಿನ್ನ ಥೀಮ್ ನ ಧಾರಾವಾಹಿಗಿದ್ದು, ಹೇಗೆ ಮೂಡಿ ಬರಲಿದೆ ಎಂದು ಜನ ಕಾಯ್ತಾ ಇದ್ದಾರೆ.