Naagini 2: ಶೀಘ್ರದಲ್ಲೇ ಮುಕ್ತಾಯವಾಗಲಿದೆ ನಾಗಿಣಿ 2 ಧಾರಾವಾಹಿ, ಕೊನೆ ದಿನದ ಶೂಟಿಂಗ್ ಫೋಟೋ ನೋಡಿ!

ಸದಾ ಮನರಂಜನೆಗೆ ಒತ್ತು ನೀಡುವ ಜೀ ಕನ್ನಡ ವಾಹಿನಿ ನಾಗಿಣಿ 2 ಧಾರಾವಾಹಿ ಮೂಲಕವೂ ಜನರನ್ನು ಮನರಂಜಿಸಿದೆ. ಪ್ರತಿ ದಿನ ರಾತ್ರಿ 10 ಗಂಟೆಗೆ ಧಾರಾವಾಹಿ ಪ್ರಸಾರವಾಗ್ತಾ ಇತ್ತು.

ನಾಗಿಣಿ 2 ಧಾರಾವಾಹಿ ಶೀಘ್ರದಲ್ಲೇ ಮುಕ್ತಾಯಗೊಳ್ಳಲಿದೆ. ಹೊಸ ಧಾರಾವಾಹಿ ಭೂಮಿಗೆ ಬಂದ ಭಗವಂತ ಆ ಸ್ಥಾನವನ್ನು ತುಂಬಲು ರೆಡಿಯಾಗಿದೆ.

ನಾಗಿಣಿ 2 ಶುರುವಾಗುವ ಮೊದಲು, ನಾಗಿಣಿ ಸೀರಿಯಲ್ ಪ್ರಸಾರವಾಗ್ತಿತ್ತು. ಆ ಧಾರಾವಾಹಿಯಲ್ಲಿ ದೀಪಿಕಾ ದಾಸ್ ನಟಿಸಿದ್ದರು. ಆ ಸೀರಿಯಲ್ ಹಿಟ್ ಆದ ನಂತರ ನಾಗಿಣಿ 2 ಸೀರಿಯಲ್ ಪ್ರಾರಂಭವಾಗಿತ್ತು.

ಕೆ ಎಸ್ ರಾಮ್‍ಜೀ ನಿರ್ದೇಶನದ ಈ ಧಾರಾವಾಹಿ 720 ಎಪಿಸೋಡ್ ಪ್ರಸಾರ ಮಾಡಿದೆ. ಶಿವಾನಿ, ತ್ರಿಶೂಲ್, ತ್ರಿವಿಕ್ರಮ್ ಪಾತ್ರಗಳ ಕುರಿತಂತೆ ನಾಗಿಣಿ, ನಾಗಲೋಕದ ಕುರಿತಂತೆ ಸೇಡಿನ ಕಥೆ ಸಾಗಿತ್ತು.

ನಮ್ರತಾ ಗೌಡ, ನಿನಾದ್ ಹರಿತ್ಸ, ಕಾರ್ತಿಕ್ ಜಯರಾಮ್, ದೀಪಿಕಾ ದಾಸ್, ಐಶ್ವರ್ಯಾ ಸಿಂಧೋಗಿ, ಮೋಹನ್ ಶಂಕರ್, ಮುನಿರಾಜು, ವಿಜಯ್, ರಶ್ಮಿ, ಅಂಬರೀಶ್ ಸಾರಂಗಿ, ದೀಪಕ್ ಮಹಾದೇವ್, ರೇಖಾ ಸಾಗರ್ ನಟಿಸಿದ್ದಾರೆ.

ಮದುವೆ ಆದ ಮೇಲೆ ನಿನಾದ್ ಧಾರಾವಾಹಿಯಿಂದ ಆಚೆ ಬಂದಿದ್ರು. ಮತ್ತೆ ಕೊನೆ ಶೂಟಿಂಗ್ ಗಳಿಗೆ ಭಾಗವಹಿಸಿ ಧಾರಾವಾಹಿ ಯಶಸ್ವಿಯಾಗಲು ಸಹಕರಿಸಿದ್ದಾರೆ.

ಇನ್ನು ನಾಗಮಣಿ ಕದ್ದ ಕಳ್ಳರನ್ನು ಹುಡುಕುತ್ತಾ ಶಿವಾನಿ ತನ್ನ ಸೇಡು ತೀರಿಸಿಕೊಳ್ಳಲು ಬರುತ್ತಾಳೆ. ಅದೇ ಹಾದಿಯಲ್ಲಿ ಕಥೆ ಸಾಗುತ್ತಾ ಬರುತ್ತದೆ.

ಧಾರಾವಾಹಿ ಮುಗಿಯುತ್ತಿರುವುದಕ್ಕೆ ಕಲಾವಿದರೆಲ್ಲಾ ಬೇಸರ ಮಾಡಿಕೊಂಡಿದ್ದರು.ಕೊನೆ ದಿನ ಸೆಲ್ಫಿ ತೆಗೆದುಕೊಂಡು, ಫೋಟೋಗೆ ಪೋಸ್ ನೀಡಿದ್ದಾರೆ.