Hero Anirudh: 2022 ನಟ ಅನಿರುದ್ಧ್ ಅವರಿಗೆ ಅನ್ ಲಕ್ ಇಯರ್ ಆಯ್ತಾ?

ಜೀ ಕನ್ನಡದಲ್ಲಿ ಪ್ರಸಾರವಾಗುವ ಜನಪ್ರಿಯ ಧಾರಾವಾಹಿಗಳಲ್ಲಿ ಜೊತೆ ಜೊತೆಯಲಿ ಸೀರಿಯಲ್ ಕೂಡ ಒಂದು. ಪ್ರೀತಿಗೆ ವಯಸ್ಸಿನ ಅಂತರ ಇಲ್ಲ ಎಂದು ತೋರಿಸಿಕೊಟ್ಟ ಸೀರಿಯಲ್. ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 9.30ಕ್ಕೆ ಪ್ರಸಾರವಾಗುತ್ತಿದೆ.

ಈ ಸೀರಿಯಲ್‍ಗೆ ಅಸಂಖ್ಯಾತ ಅಭಿಮಾನಿಗಳು ಇದ್ದಾರೆ. ಆದ್ರೆ ಸೀರಿಯಲ್ ಸೆಟ್ ನಲ್ಲಿ ಆದ ಗಲಾಟೆಯಿಂದ ಅನಿರುದ್ಧ್ ಔಟ್ ಆದ ಮೇಲೆ ಸ್ವಲ್ಪ ಅಭಿಮಾನಿಗಳು ಕಡಿಮೆ ಆಗಿದ್ದಾರೆ ಎಂದು ಹೇಳಲಾಗ್ತಿದೆ.

700 ಎಪಿಸೋಡ್ ಮಾಡಿ ಕೊಟ್ಟ ಅನಿರುದ್ಧ್ ರನ್ನು, 20 ಸಂಚಿಕೆಯಲ್ಲಿ ಆದ ತೊಂದ್ರೆಯಿಂದ ಆರೂರ್ ಜಗದೀಶ್ ಅವರು ಕೈ ಬಿಟ್ಟಿದ್ದಕ್ಕೆ ಅಭಿಮಾನಿಗಳು ಬೇಸರ ಮಾಡಿಕೊಂಡಿದ್ದರು. ಏನೇ ಗಲಾಟೆ ಆಗಿದ್ರೂ ಮಾತನಾಡಿ ಬಗೆಹರಿಸಿಕೊಳ್ಳಬಹುದಿತ್ತು ಎಂದು ಹೇಳಿದ್ದರು.

ಆರ್ಯವರ್ಧನ್ ಇಲ್ಲದೇ ನಮ್ಮ ಹೃದಯ ಚಿದ್ರವಾಗಿದೆ. ಆರ್ಯವರ್ಧನ್ ಪಾತ್ರದಲ್ಲಿ ಬೇರೆ ಯಾರನ್ನೂ ಕಲ್ಪಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ಎಷ್ಟೋ ಅಭಿಮಾನಿಗಳು ಮನವಿ ಮಾಡಿದ್ದರು.

ಅನಿರುದ್ಧ್ ಇಲ್ಲದ ಧಾರಾವಾಹಿಯನ್ನು ಮೊದಲು ಧಾರಾವಾಹಿ ಮುಗಿಸಿ ಎನ್ನುವ ಕಾಮೆಂಟ್‍ಗಳು ಹೆಚ್ಚಾಗಿ ಬಂದಿದ್ದವು. ಅನಿರುದ್ಧ್ ಅವರನ್ನು ಕರೆಸಿ ಎಂದು ಮಹಿಳಾ ಅಭಿಮಾನಿಗಳು ಹೋರಾಟ ನಡೆಸಿದ್ದರು.

ಅನಿರುದ್ಧ್ ಅವರು ವಿಷ್ಣುವರ್ಧನ್ ಅಳಿಯ ಅಂತ ತುಂಬಾ ಜನ ಇಷ್ಟ ಪಟ್ಟಿದ್ರು. ಅಲ್ಲದೇ ಆರ್ಯವರ್ಧನ್ ಪಾತ್ರವನ್ನು ಅಷ್ಟೇ ಅಚ್ಚುಕಟ್ಟಾಗಿ ನಿಭಾಯಿಸಿದ್ರು.

ಆರ್ಯನ ಪಾತ್ರಕ್ಕೆ ನಟ ಹರೀಶ್ ರಾಜ್ ಬಂದಿದ್ದಾರೆ. ನಿಧಾನವಾಗಿ ಆರ್ಯನ ಸ್ಥಾನವನ್ನು ಆವರಿಸಿಕೊಳ್ತಿದ್ದಾರೆ. ಸದ್ಯ ಧಾರಾವಾಹಿಯಲ್ಲಿ ಮುಖ ಸಂಜುದು, ಮನಸ್ಸು ಆರ್ಯವರ್ಧನ್.

600ಕ್ಕೂ ಹೆಚ್ಚು ಸಂಚಿಕೆ ಮಾಡಿದ್ದ ಆರ್ಯವರ್ಧನ್ ಅವರಿಗೆ ಈ ವರ್ಷ ಯಾಕೋ ಅನ್ ಲಕ್ ಆಯ್ತು ಅನ್ನಿಸುತ್ತೆ. ಹೆಚ್ಚು ಹಿಟ್ ತಂದು ಕೊಟ್ಟ ಧಾರಾವಾಹಿಯಿಂದ ಹೊರ ಬಂದಿದ್ದಾರೆ.ಅಲ್ಲದೇ ಅನಿರುದ್ಧ್ ಔಟ್ ಆದ ಮೇಲೆ ಧಾರಾವಾಹಿ ಟೈಮ್ ಬದಲಾಗಿದೆ.