Jothe Jotheyali: 900 ಸಂಚಿಕೆಗಳನ್ನು ಪೂರೈಸಿದ 'ಜೊತೆ ಜೊತೆಯಲಿ', ಸೀರಿಯಲ್‍ನಲ್ಲಿ ಹೊಸ ತಿರುವುಗಳು

ಜೊತೆ ಜೊತೆಯಲಿ ಸೀರಿಯಲ್, ಜೀ ಕನ್ನಡದ ಜನಪ್ರಿಯ ಧಾರಾವಾಹಿಗಳಲ್ಲಿ ಒಂದು. ಪ್ರೀತಿಗೆ ವಯಸ್ಸಿನ ಅಂತರ ಇಲ್ಲ ಎಂದು ತೋರಿಸಿಕೊಟ್ಟ ಸೀರಿಯಲ್. ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 9.30ಕ್ಕೆ ಪ್ರಸಾರವಾಗುತ್ತಿದೆ.

ಜೊತೆ ಜೊತೆಯಲಿ ಧಾರಾವಾಹಿ 900 ಸಂಚಿಕೆಗಳನ್ನು ಪೂರೈಸಿದೆ. ಈ ಸಂಭ್ರಮದ ಖುಷಿಯಲ್ಲಿದೆ ಧಾರಾವಾಹಿ ತಂಡ. ಹೊಸ ತಿರುವುಗಳ ಮೂಲಕ ಅಭಿಮಾನಿಗಳನ್ನು ಸೆಳೆಯುತ್ತಿದೆ.

ಸೀರಿಯಲ್ ಸೆಟ್ ನಲ್ಲಿ ಆದ ಗಲಾಟೆಯಿಂದ ಅನಿರುದ್ಧ್ ಔಟ್ ಆದ ಮೇಲೆ ಸ್ವಲ್ಪ ಅಭಿಮಾನಿಗಳು ಕಡಿಮೆ ಆಗಿದ್ದಾರೆ ಎಂದು ಹೇಳಲಾಗ್ತಿದೆ. ಆ ಪಾತ್ರಕ್ಕೆ ನಟ ಹರೀಶ್ ರಾಜ್ ಬಂದಿದ್ದಾರೆ.

ನಟ ಹರೀಶ್ ರಾಜ್ ನಿಧಾನವಾಗಿ ಆರ್ಯನ ಸ್ಥಾನವನ್ನು ಆವರಿಸಿಕೊಳ್ತಿದ್ದಾರೆ. ಸದ್ಯ ಧಾರಾವಾಹಿಯಲ್ಲಿ ಮುಖ ಸಂಜುದು, ಮನಸ್ಸು ಆರ್ಯವರ್ಧನ್. ಆರ್ಯ ಪಾತ್ರಧಾರಿ ಒಂದು ರೀತಿಯ ಒದ್ದಾಟದಲ್ಲಿದ್ದಾರೆ.

ಜೊತೆ ಜೊತೆಯಲಿ ಧಾರಾವಾಹಿಗೆ ಟಾಮ್ ಅಂಡ್ ಜೆರ್ರಿಯ ನಟಿ ಮತ್ತು ಜೋಡಿ ಹಕ್ಕಿ ಖ್ಯಾತಿಯ ಚೈತ್ರಾ ರಾವ್ ಎಂಟ್ರಿ ಆಗಿದ್ದಾರೆ.ವಿಶ್ವಾಸ್ ಪತ್ನಿ ಆರಾಧನಾ ಆಗಿ ಬಂದಿದ್ದಾರೆ.

ಈಗ ಧಾರಾವಾಹಿಯಲ್ಲಿ ಆರಾಧನಾ ತಂಗಿ ಮತ್ತು ಅಮ್ಮನ ಪಾತ್ರ ಎಂಟ್ರಿ ಆಗಿದೆ. ಆರಾಧನ ತಂಗಿ ಭಾವನಾ ಆಗಿ ಕನ್ನಡತಿ ಧಾರಾವಾಹಿಯ ಸುಚಿ ಅಂದ್ರೆ ಅಮೃತಾ ಬಂದಿದ್ದಾರೆ.

ಅನು ಸಿರಿಮನೆ ಗರ್ಭಿಣಿ ಆಗಿದ್ದು ಆರ್ಯವರ್ಧನ್ ತುಂಬಾ ಖುಷಿಯಲ್ಲಿದ್ದಾರೆ. ಆದ್ರೆ ಆರಾಧನಾಗೆ ಇವರಿಬ್ಬರು ಖುಷಿಯಾಗಿರುವು ಇಷ್ಟ ಇಲ್ಲ. ಅದಕ್ಕೆ ಏನಾದ್ರೂ ಅಡ್ಡಿ ಮಾಡ್ತಾ ಇರ್ತಾಳೆ.

ಅಲ್ಲದೇ ಆರಾಧನಾ ಆರ್ಯವರ್ಧನ್ ಅವರ ಅತ್ತೆ ಮಗಳು. ಈ ವಿಷ್ಯ ಈಗ ಗೊತ್ತಾಗಿದೆ. ಹೊಸ ತಿರುವುಗಳ ಮೂಲಕ ಜೊತೆ ಜೊತೆಯಲಿ ಧಾರಾವಾಹಿ ಅಭಿಮಾನಿಗಳನ್ನು ಹಿಡಿದಿಡುತ್ತಿದೆ.