Gattimela: ಅದಿತಿ ಅರಿಶಿಣ ಶಾಸ್ತ್ರ ಸಂಭ್ರಮ, ಧ್ರುವ ಪ್ರೀತಿಗೆ ರೆಡಿಯಾಗಿದೆ ಮದುವೆ ಮಂಟಪ!

ಗಟ್ಟಿಮೇಳ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ಧಾರಾವಾಹಿ. ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 8 ಗಂಟೆಗೆ ಪ್ರಸಾರವಾಗುತ್ತೆ. ಬಡತನದಲ್ಲಿರುವ 4 ಹೆಣ್ಣು ಮಕ್ಕಳ ತಾಯಿ ಎಲ್ಲರಿಗೂ ಮದುವೆ ಮಾಡಿ ಹೇಗೆ ತನ್ನ ಜವಾಬ್ದಾರಿ ನಿಭಾಯಿಸುತ್ತಾಳೆ ಅನ್ನೋ ಕಥೆ.

ಸುಹಾಸಿನಿ ಮಕ್ಕಳ ಮುಂದೆ ಒಳ್ಳೆಯವಳ ರೀತಿ ನಾಟಕ ಆಡುತ್ತಿದ್ದಾಳೆ. ಆದ್ರೆ ಆಸ್ತಿಗಾಗಿ ಮನೆಯವರಿಗೇನೇ ತೊಂದರೆ ಕೊಡುತ್ತಾಳೆ. ತನ್ನ ಸ್ವಂತ ಅಕ್ಕನನ್ನೇ ಸಾಯಿಸಲು ಪ್ರಯತ್ನಿಸಿ, ಅವರ ನಾಲ್ಕು ಜನ ಮಕ್ಕಳನ್ನು ಇವಳು ಸಾಕಿದ್ದಾಳೆ. ಗಟ್ಟಿಮೇಳ ಧಾರಾವಾಹಿಯಲ್ಲಿ ಪರಿಮಳಗೆ 4 ಹೆಣ್ಣು ಮಕ್ಕಳು. ಆರತಿ, ಅಮೂಲ್ಯ, ಅದಿತಿ, ಅಂಜು ಎಂಬ ಮಕ್ಕಳು. ಆರತಿ, ಅಮೂಲ್ಯಗೆ ಮದುವೆಯಾಗಿದ್ದು, ಈಗ ಅದಿತಿ ಮದುವೆ ಸಂಭ್ರಮ ನಡೆಯುತ್ತಿದೆ.

ಅದಿತಿ ಧ್ರುವನನ್ನು ಪ್ರೀತಿ ಮಾಡ್ತಾ ಇದ್ದಾಳೆ. ಧ್ರುವ ಸಹ ಅದಿತಿಯನ್ನು ಪ್ರೀತಿ ಮಾಡ್ತಾ ಇದ್ದ. ಆ ವಿಷಯವನ್ನು ಅದಿತಿಗೆ ಹೇಳಲು ಬರುವ ದಿನವೇ ಅಪಘಾತವಾಗುತ್ತೆ. ಆಗ ಧ್ರುವ ಉಳಿದಿದ್ದೇ ಹೆಚ್ಚಿನ ಮಾತಾಯ್ತು.

ಕೋಮಾಗೆ ಹೋಗಿದ್ದ ಧ್ರುವ ಹೇಗೋ ಹುಷಾರಾಗ್ತಾನೆ. ಆದ್ರೆ ಮಲಗಿದ್ದಲ್ಲೇ ಮಲಗಿರುತ್ತಾನೆ. ಅದಕ್ಕೆ ಅದಿತಿ ತನ್ನ ಪ್ರೀತಿಯನ್ನು ಮನೆಯಲ್ಲಿ ಹೇಳಿಕೊಳ್ಳಲು ಭಯ ಪಡ್ತಾ ಇರ್ತಾಳೆ.

ಕೊನೆಗೂ ಅದಿತಿ-ಧ್ರುವ ಪ್ರೀತಿ ಗೆದ್ದಿದೆ. ಮನೆಯವರೆಲ್ಲಾ ಮದುವೆಗೆ ಒಪ್ಪಿದ್ದಾರೆ. ನಿಶ್ಚಿತಾರ್ಥವಾಗಿ ಮದುವೆ ಸಂಭ್ರಮ ನಡೆಯುತ್ತಿದೆ. ಅದಿತಿ ಹಳದಿ ಶಾಸ್ತ್ರ ಅದ್ಧೂರಿಯಾಗಿ ಜರುಗಿದೆ.

ಆದ್ರೆ ಈ ಮದುವೆಯನ್ನು ನಿಲ್ಲಿಸಲು ಸುಹಾಸಿನಿ ಪ್ಲ್ಯಾನ್ ಮಾಡಿದ್ದಾಳೆ. ಅದಿತಿ ಅಪ್ಪ ಮಂಜುನೇ ಈ ಮದುವೆಗೆ ವಿಘ್ನಗಳನ್ನು ತರುತ್ತಿದ್ದಾರೆ. ಆದ್ರೂ ಮದುವೆ ಕಾರ್ಯಗಳು ನಿಂತಿಲ್ಲ.

ಧ್ರುವ ನಿಧಾನವಾಗಿ ಹುಷಾರಾಗುತ್ತಿದ್ದಾನೆ. ಹಳೆಯದೆಲ್ಲಾ ನೆನಪಾಗುತ್ತಿದೆ. ತನ್ನ ಅಮ್ಮ ಕಣ್ಣು ಮುಂದೆ ಇದ್ರೂ ಆ ಸತ್ಯವನ್ನು ಹೇಳಲಾಗದೇ ಒದ್ದಾಡುತ್ತಿದ್ದಾರೆ. ಸದ್ಯ ಮದುವೆ ಖುಷಿಯಲ್ಲಿದ್ದಾರೆ.

ಯಾವುದೇ ವಿಘ್ನವಿಲ್ಲದೇ ಅದಿತಿ-ಧ್ರುವನ ಮದುವೆ ನಡೆಯುತ್ತಾ ನೋಡಬೇಕು. ಮುಂದೇನಾಗುತ್ತೆ ಅಂತ ನೋಡೋಕೆ ಗಟ್ಟಿಮೇಳ ಧಾರಾವಾಹಿ ನೋಡಬೇಕು.