Dance Karnataka Dance: ಶೀಘ್ರವೇ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಕಾರ್ಯಕ್ರಮ; ಜನ್ಯ-ಅನುಶ್ರೀ ಪ್ರೋಮೋಗೆ ಜನ ಏನಂದ್ರು?

ಜೀ ಕನ್ನಡ ಜನರಿಗೆ ಮನರಂಜನೆ ನೀಡುವಲ್ಲಿ ಸದಾ ಮುಂದಿರುತ್ತೆ. ವಾರದ ದಿನಗಳಲ್ಲಿ ಸೂಪರ್ ಹಿಟ್ ಧಾರಾವಾಹಿಗಳನ್ನು ನೀಡುತ್ತಿದೆ. ವಾರಾಂತ್ಯದಲ್ಲಿ ರಿಯಾಲಿಟಿ ಶೋಗಳ ಮೂಲಕ ಜನರನ್ನು ರಂಜಿಸುತ್ತಿದೆ.

ಮೇ 6 ರಿಂದ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಸೀಸನ್ 7 ಶುರುವಾಗಲಿದೆ. ಸಂಜೆ 7.30 ರಿಂದ ರಾತ್ರಿ 9 ಗಂಟೆಯವರೆಗೆ ಕಾರ್ಯಕ್ರಮ. ಕರ್ನಾಟಕದ ಎಲ್ಲಾ ಜಿಲ್ಲೆಗಳಿಗೂ ಹೋಗಿ ಆಡಿಷನ್ ನಡೆಸಲಾಗಿದೆ. ಸಾವಿರಾರು ಪ್ರತಿಭೆಗಳು ಆಡಿಷನ್ ಕೊಟ್ಟಿದ್ದಾರೆ.

ಜೀ ಕನ್ನಡ ವಾಹಿನ ಹೊಸ ಪ್ರೋಮೋ ಬಿಟ್ಟಿದೆ. ಅದರಲ್ಲಿ ಅರ್ಜುನ್ ಜನ್ಯ ಮತ್ತು ಅನುಶ್ರೀ ಅವರು ರೆಸ್ಟೋರೆಂಟ್ ಗೆ ಹೋಗಿರುತ್ತಾರೆ. ಆಗ ಅನುಶ್ರೀ ಅರ್ಜುನ್ ಜನ್ಯ ಅವರಿಗೆ, ನಿಮಗೆ ಯಾರಾದ್ರೂ ಪೊಲೀಸ್ ಗೊತ್ತಾ ಎಂದು ಕೇಳ್ತಾರೆ. ಅದಕ್ಕೆ ಜನ್ಯಜೀ ಯಾಕೆ ಅಂತಾರೆ. ಆಗ ಅನುಶ್ರೀ ನಿಮ್ಮನ್ನು ನೋಡ್ತಾ ನಾನು ಕಳೆದು ಹೋದ್ರೆ, ಹುಡುಕಿಕೊಡಲು ಬೇಕು ತಾನೇ ಅದಕ್ಕೆ ಎಂದು ಜೋಕ್ ಮಾಡ್ತಾರೆ.

ಅನುಶ್ರೀ-ಅರ್ಜುನ್ ಜನ್ಯ ಮಾತನಾಡುತ್ತಿರುವಾಗ ವೇಟರ್ ಕುಣಿಯುತ್ತಾ ಕುಣಿಯುತ್ತಾ ಊಟ ತರುತ್ತಾನೆ. ಅದನ್ನು ನೋಡಿ ಇಬ್ಬರು ಆಶ್ಚರ್ಯದಿಂದ ನೋಡ್ತಾರೆ.

ಆ ಹುಡುಗ ಬಂದ ಮೇಲೆ ಇಬ್ಬರು ಅವನ ಸೆಲ್ಫಿ ಕೇಳ್ತಾರೆ. ಆತ ಶಾಕ್ ಆಗಿ ಫೋಟೋಗೆ ಪೋಸ್ ನೀಡ್ತಾನೆ. ಆಗ ಸಾಮಾನ್ಯರನ್ನು ಸೆಲೆಬ್ರೆಟಿ ಮಾಡುವ ಶೋ ಮೇ 6 ರಿಂದ ಎಂದು ಹೇಳಲಾಗುತ್ತೆ.

ಪ್ರೋಮೋ ನೋಡಿದ ಜನ ಅನುಶ್ರೀ ಅವರಿಗೆ ತಮಾಷೆ ಮಾಡಿದ್ದಾರೆ.ಅನುಶ್ರೀ ಅವರನ್ನು ನೋಡ್ತಾ ನೋಡ್ತಾ ಮುದುಕಿ ಆಗ್ತೀರಾ ಅಷ್ಟೇ. ಮದುವೆ ಅಂತೂ ಆಗಲ್ಲ. ನಿಮ್ಮ ಈ ಮಂಗಾಟ ನೋಡಿ ಸಾಕಾಗಿದೆ ಎಂದಿದ್ದಾರೆ.

ಇನ್ನೂ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ನೋಡಲು ಅಭಿಮಾನಿಗಳು ಕಾತುರದಿಂದ ಕಾಯ್ತಾ ಇದ್ದಾರೆ. ಈ ಕಾರ್ಯಕ್ರಮದಿಂದ ಹಲವು ಜನ ತಮ್ಮ ಬದುಕ ಕಟ್ಟಿಕೊಂಡಿದ್ದಾರೆ. ಹೆಸರು ವಾಸಿಯಾಗಿದ್ದಾರೆ.

ಜೀ ಕನ್ನಡದಲ್ಲಿ ಶೀಘ್ರದಲ್ಲಿ ಹೊಸ ಧಾರಾವಾಹಿಗಳು, ಛೋಟಾ ಚಾಂಪಿಯನ್ ಕಾರ್ಯಕ್ರಮ ಶುರುವಾಗಲಿದೆ. ಎಲ್ಲಾ ಜನರಿಗೆ ಮನರಂಜನೆ ನೀಡೋದು ಪಕ್ಕಾ.