Dance Karnataka Dance: ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಶೋಗೆ ಹೊಸ ಜಡ್ಜ್ ಎಂಟ್ರಿ- ಯಾರಂತ ಗೆಸ್ ಮಾಡಿ

ಜೀ ಕನ್ನಡದಲ್ಲಿ ಶನಿವಾರದಿಂದ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಸೀಸನ್ 07 ಶುರುವಾಗುತ್ತಿದೆ. 6 ಸೀಸನ್‍ಗಳು ಯಶಸ್ವಿಯಾಗಿ ನೆರವೇರಿವೆ. ಏಳನೇ ಸೀಸನ್ ನೋಡಲು ಜನ ಕಾಯ್ತಾ ಇದ್ದಾರೆ.

ಶನಿವಾರ ಮತ್ತು ಭಾನುವಾರ ಸಂಜೆ 7.30 ರಿಂದ ರಾತ್ರಿ 9 ಗಂಟೆಯವರೆಗೆ ಕಾರ್ಯಕ್ರಮ ನಡೆಯಲಿದೆ. ಕರ್ನಾಟಕದ ಎಲ್ಲಾ ಜಿಲ್ಲೆಗಳಿಗೂ ಹೋಗಿ ಆಡಿಷನ್ ನಡೆಸಲಾಗಿದೆ. ಸಾವಿರಾರು ಪ್ರತಿಭೆಗಳು ಆಡಿಷನ್ ಕೊಟ್ಟಿದ್ದಾರೆ. ಶನಿವಾರ ಮೆಗಾ ಆಡಿಷನ್ ಇದೆ.

ಡ್ಯಾನ್ಸ್ ಕರ್ನಾಕಟ ಡ್ಯಾನ್ಸ್ ಶೋನಲ್ಲಿ ಸ್ಪರ್ಧಿಗಳು ಕುಣಿತ ನೋಡುವುದೇ ಕಣ್ಣಿಗೆ ಹಬ್ಬವಾಗಿರುತ್ತೆ. ಪ್ರತಿವಾರವೂ ಒಂದೊಂದು ಥೀಮ್‍ನಲ್ಲಿ ಸ್ಪರ್ಧಿಗಳು ಡ್ಯಾನ್ಸ್ ಮಾಡ್ತಾರೆ. ನಿರೂಪಕಿ ಅನುಶ್ರೀ ಈ ಕಾರ್ಯಕ್ರಮವನ್ನು ನಡೆಸಿಕೊಡ್ತಾರೆ.

ಕಳೆದ ಸೀಸನ್‍ನಿಂದ ಸ್ಯಾಂಡಲ್‍ವುಡ್ ನಟ ಶಿವರಾಜ್‍ಕುಮಾರ್ ಸಹ ಜಡ್ಜ್ ಆಗಿ ಆಗಮಿಸುತ್ತಿದ್ದಾರೆ. ಈ ಬಾರಿಯೂ ಶಿವರಾಜ್ ಕುಮಾರ್ ಗ್ರ್ಯಾಂಡ್ ಆಗಿ ಎಂಟ್ರಿ ಕೊಟ್ಟಿದ್ದಾರೆ.

ನಟಿ ರಕ್ಷಿತಾ, ಸಂಗೀತಾ ಮಾಂತ್ರಿಕ ಅರ್ಜುನ್ ಜನ್ಯ, ಚಿನ್ನಿ ಮಾಸ್ಟರ್ ತೀರ್ಪು ನೀಡುತ್ತಾರೆ. ಮೂವರು ಸಹ ಸ್ಪರ್ಧಿಗಳ ಡ್ಯಾನ್ಸ್‍ಗೆ ತಕ್ಕಂತೆ ತೀರ್ಪು ನೀಡ್ತಾರೆ.

ಈ ಬಾರಿ ಮತ್ತೊಬ್ಬ ಜಡ್ಜ್ ಎಂಟ್ರಿ ಆಗಿದೆ. ಅದು ಬೇರೆ ಯಾರೂ ಅಲ್ಲ ವಿಜಯ ರಾಘವೇಂದ್ರ ಅವರು. ವಿಜಯ ರಾಘವೇಂದ್ದ ಸೇರಿ ಐದು ಜನ ಜಡ್ಜ್​​ಗಳಿದ್ದಾರೆ. ಒಂದು ಶೋಗೆ ಇಷ್ಟೊಂದು ಜಡ್ಜ್ ಬೇಕಾ ಎಂದು ಅಭಿಮಾನಿಗಳು ಕೇಳ್ತಾ ಇದ್ದಾರೆ.

ವಿಜಯ ರಾಘವೇಂದ್ರ ಅವರಿಗೆ ಡ್ಯಾನ್ಸ್ ಮಾಡುವುದು ಎಂದ್ರೆ ತುಂಬಾ ಇಷ್ಟ. ಅವರು ಸಹ ಚೆನ್ನಾಗಿ ಡ್ಯಾನ್ಸ್ ಮಾಡ್ತಾರೆ. ಅಲ್ಲದೇ ಛೋಟಾ ಚಾಂಪಿಯನ್‍ಗೂ ಸಹ ವಿಜಯ ರಾಘವೇಂದ್ರ ಜಡ್ಜ್ ಆಗಿದ್ದಾರೆ.

ಇನ್ನೂ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ನೋಡಲು ಅಭಿಮಾನಿಗಳು ಕಾತುರದಿಂದ ಕಾಯ್ತಾ ಇದ್ದಾರೆ. ಈ ಕಾರ್ಯಕ್ರಮದಿಂದ ಹಲವು ಜನ ತಮ್ಮ ಬದುಕು ಕಟ್ಟಿಕೊಂಡಿದ್ದಾರೆ. ಹೆಸರು ವಾಸಿಯಾಗಿದ್ದಾರೆ. ಜೀ ಕನ್ನಡದಲ್ಲಿ ಶೀಘ್ರದಲ್ಲಿ ಹೊಸ ಧಾರಾವಾಹಿಗಳು, ಛೋಟಾ ಚಾಂಪಿಯನ್ ಕಾರ್ಯಕ್ರಮ ಶುರುವಾಗಲಿದೆ. ಎಲ್ಲಾ ಜನರಿಗೆ ಮನರಂಜನೆ ನೀಡೋದು ಪಕ್ಕಾ.