Comedy Khiladigalu 4: ಹಿರಿಯೂರಿನ ಹರೀಶ್​​ಗೆ ಕಾಮಿಡಿ ಕಿಲಾಡಿಗಳು ಸೀಸನ್ 4ರ ಪಟ್; ಇಷ್ಟಿತ್ತು ಬಹುಮಾನದ ಮೊತ್ತ

ಜೀ ಕನ್ನಡದಲ್ಲಿ ಪ್ರಸಾರವಾಗ್ತಿದ್ದ ಕಾಮಿಡಿ ಕಿಲಾಡಿಗಳು ಸೀಸನ್ 4 ರ ವಿನ್ನರ್ ಯಾರಾಗ್ತಾರೆ ಅನ್ನೋ ಕುತೂಹಲಕ್ಕೆ ತೆರೆ ಬಿದ್ದಿದೆ. ಹಿರಿಯೂರಿನ ಹರೀಶ್ ಕಾಮಿಡಿ ಸ್ಟಾರ್ ಆಗಿ ಹೊರಹೊಮ್ಮಿದ್ದಾರೆ.

ಕಾಮಿಡಿ ಕಿಲಾಡಿಗಳು ಸೀಸನ್ 4 ರ ವಿನ್ನರ ಆದ ಹರೀಶ್‍ಗೆ 5 ಲಕ್ಷ ಬಹುಮಾನ ನೀಡಲಾಗಿದೆ. ಹರೀಶ್ ಅವರು ವಿನ್ ಆಗಿದ್ದಕ್ಕೆ ತುಂಬಾ ಖುಷಿ ಪಟ್ಟರು.

ಕಾಮಿಡಿ ಕಿಲಾಡಿಗಳು ಸೀಸನ್ 4 ರ ವಿನ್ನರ ಘೋಷಣೆಯನ್ನು ನಟ ಜಗ್ಗೇಶ್ ಅವರು ಮಾಡಿದ್ರು. ನಾನು ಗೆಲ್ಲಲು ರಂಗಭೂಮಿಯೇ ಕಾರಣ. ಇದು 16 ಜನರ ಗೆಲುವು ಎಂದು ಹರೀಶ್ ಅವರು ಹೇಳಿದ್ರು.

ರನ್ನರ್ ಅಪ್ ಆಗಿ ಗಿಲ್ಲಿ ನಟರಾಜ್ ಅವರು ಹೊರಹೊಮ್ಮಿದ್ದಾರೆ. ಮೊದಲ ರನ್ನರ್ ಅಪ್‍ಗೆ 3 ಲಕ್ಷ ಬಹುಮಾನ ನೀಡಲಾಗಿದೆ. ಗಿಲ್ಲಿ ನಟ ಸಹ ತುಂಬಾ ಖುಷಿಯಾಗಿದ್ದರು.

ಎರಡನೇ ರನ್ನರ್ ಅಪ್ ಆಗಿ ಯಲ್ಲಾಪುರದ ಶುಭಾ ಅವರು ಹೊರಹೊಮ್ಮಿದ್ದಾರೆ. ಶುಭಾ ಅವರಿಗೆ 2 ಲಕ್ಷ ಬಹುಮಾನ ನೀಡಲಾಗಿದೆ. ಶುಭಾ ಅವರು ಸಹ ಗೆಲುವಿಗೆ ಕಾರಣವಾದ ಎಲ್ಲರಿಗೂ ಧನ್ಯವಾದ ಹೇಳಿದ್ರು.

ಜೀ ಕನ್ನಡ ವಾಹಿನಿಯೂ 3 ಸೀಸನ್‍ಗಳಂತೆ, ಕಾಮಿಡಿ ಕಿಲಾಡಿಗಳು ಸೀಸನ್ 4ರನ್ನು ಯಶಸ್ವಿಯಾಗಿ ಪೂರೈಸಿದೆ. ಜನರನ್ನು ನಕ್ಕು ನಗಿಸಿದೆ.

22 ವಾರಗಳ ಕಾಲ ಕಾರ್ಯಕ್ರಮ ನಡೆದಿದೆ. ಇಲ್ಲಿಯವರೆಗೆ 150ಕ್ಕೂ ಹೆಚ್ಚು ಸ್ಕಿಟ್‍ಗಳ ಮೂಲಕ ತಮ್ಮ ಪ್ರತಿಭೆಗಳನ್ನು ಸ್ಪರ್ಧಿಗಳು ಅನಾವರಣ ಮಾಡಿದ್ದಾರೆ. ಜನರನ್ನು ನಗಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಜಡ್ಜ್ ಗಳಾಗಿ ನವರಸ ನಾಯಕ ಜಗ್ಗೇಶ್, ರಕ್ಷಿತಾ ಪ್ರೇಮ್, ಲವ್ಲೀ ಸ್ಟಾರ್ ಪ್ರೇಮ್ ಇದ್ದರು. ನಿರೂಪಕರಾಗಿ ಮಾಸ್ಟರ್ ಆನಂದ್ ಅವರು ಇದ್ದರು.