Chota Champion: ಶನಿವಾರದಿಂದ ಛೋಟಾ ಚಾಂಪಿಯನ್ ಕಾರ್ಯಕ್ರಮ, ತರ್ಲೆ ಮಕ್ಕಳ ತುಂಟಾಟ ನೋಡೋಕೆ ರೆಡಿಯಾಗಿ!

ಜೀ ಕನ್ನಡ ಜನರಿಗೆ ಮನರಂಜನೆ ನೀಡುವಲ್ಲಿ ಸದಾ ಮುಂದಿರುತ್ತೆ. ವಾರದ ದಿನಗಳಲ್ಲಿ ಸೂಪರ್ ಹಿಟ್ ಧಾರಾವಾಹಿಗಳನ್ನು ನೀಡುತ್ತಿದೆ. ವಾರಾಂತ್ಯದಲ್ಲಿ ರಿಯಾಲಿಟಿ ಶೋಗಳ ಮೂಲಕ ಜನರನ್ನು ರಂಜಿಸುತ್ತಿದೆ.

ಪಾರು, ಹಿಟ್ಲರ್ ಕಲ್ಯಾಣ, ಪುಟ್ಟಕ್ಕನ ಮಕ್ಕಳು, ಗಟ್ಟಿಮೇಳ, ಶ್ರೀರಸ್ತು ಶುಭಮಸ್ತು, ಸತ್ಯ, ಭೂಮಿಗೆ ಬಂದ ಭಗವಂತ, ಜೊತೆ ಜೊತೆಯಲಿಯಂತಹ ಹಿಟ್ ಸೀರಿಯಲ್‍ಗಳು ಪ್ರಸಾರವಾಗುತ್ತಿವೆ. ಈಗ ಛೋಟಾ ಚಾಂಪಿಯನ್ ಶುರುವಾಗ್ತಿದೆ.

ವೀಕೆಂಡ್ ನಲ್ಲಿ ನಿಮ್ಮನ್ನು ಮನರಂಜಿಸೋಕೆ ಛೋಟಾ ಚಾಂಪಿಯನ್, ಮತ್ತು ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ 2 ಮಹಾ ಶೋಗಳು ಶುರವಾಗಲಿವೆ. ಇದೇ ಶನಿವಾರದಿಂದ 2 ಕಾರ್ಯಕ್ರಮ ಪ್ರಾರಂಭವಾಗಲಿವೆ.

ಛೋಟಾ ಚಾಂಪಿಯನ್ ಇನ್ನು 4 ದಿನಗಳಲ್ಲಿ ಶುರುವಾಗಲಿದೆ. ಇದೇ ಶನಿವಾರದಿಂದ ಶನಿ-ಭಾನು ಸಂಜೆ 6ಕ್ಕೆ ಕಾರ್ಯಕ್ರಮ ಶುರುವಾಗುತ್ತೆ. ಬೇಜಾರನ್ನ ಹೊಡೆದೋಡ್ಸಿ, ಮುಖದಲ್ಲಿ ನಗು ಮೂಡ್ಸೋಕೆ ಛೋಟಾಗಳು ಬರ್ತಿದ್ದಾರೆ.

ಛೋಟಾ ಚಾಂಪಿಯನ್​ ಕಾರ್ಯಕ್ರಮವನ್ನು ಈ ಬಾರಿ ವಿಭಿನ್ನವಾಗಿ ಮಾಡಲು ಚಿಂತನೆ ನಡೆಸಿದ್ದಾರಂತೆ. 6 ವರ್ಷದೊಳಗಿನ ಪುಟಾಣಿ ಮಕ್ಕಳು ಈ ಕಾರ್ಯಕ್ರಮದಲ್ಲಿ ಸ್ಪರ್ಧೆ ನಡೆಸಲಿದ್ದಾರೆ.

ಛೋಟಾ ಚಾಂಪಿಯನ್ ಮತ್ತು ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಶೋಗೆ ರಾಜ್ಯಾದ್ಯಂತ ಆಡಿಷನ್ ಮಾಡಲಾಗಿದೆ. ಸಾವಿರಾರು ಮಕ್ಕಳು ಆಡಿಷನ್ ನಲ್ಲಿ ಭಾಗಿಯಾಗಿದ್ದಾರೆ. ಯಾರಿಗೆ ಚಾನ್ಸ್ ಸಿಕ್ಕಿದೆ ಎಂದು ಆದಷ್ಟು ಬೇಗ ತಿಳಿಯಲಿದೆ.

ಛೋಟಾ ಚಾಂಪಿಯನ್ ಪ್ರೊಮೋ ಹೊರ ಬಿದ್ದಿದೆ. ಜಡ್ಜ್ ಗಳಾಗಿ ರಚಿತ ರಾಮ್, ವಿಜಯರಾಘವೇಂದ್ರ ಅವರು ಇರಲಿದ್ದಾರೆ. ಇನ್ನು ನಿರೂಪಕರಾಗಿ ಶ್ವೇತಾ ಚಂಗಪ್ಪ, ಕುರಿ ಪ್ರತಾಪ್ ಇರಲಿದ್ದಾರೆ.

ಅಲ್ಲದೇ ಜೀ ಕನ್ನಡದಲ್ಲಿ ಇನ್ನೂ 3 ಹೊಸ ಧಾರಾವಾಹಿಗಳು ಶುರುವಾಗಲಿವೆ. ಸೀತಾರಾಮ, ಅಮೃತಧಾರೆ ಸೀರಿಯಲ್ ಪ್ರೋಮೋಗಳು ಹೊರ ಬಿದ್ದಿವೆ. ಇನ್ನೊಂದು ಹೊಸ ಧಾರಾವಾಹಿ ಶುರುವಾಗಲಿದೆಯಂತೆ.ಮೇ 6 ರಿಂದ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಸೀಸನ್ 7 ಶುರುವಾಗಲಿದೆ. ಸಂಜೆ 7.30 ರಿಂದ ರಾತ್ರಿ 9 ಗಂಟೆಯವರೆಗೆ ಕಾರ್ಯಕ್ರಮ. ಕರ್ನಾಟಕದ ಎಲ್ಲಾ ಜಿಲ್ಲೆಗಳಿಗೂ ಹೋಗಿ ಆಡಿಷನ್ ನಡೆಸಲಾಗಿದೆ. ಸಾವಿರಾರು ಪ್ರತಿಭೆಗಳು ಆಡಿಷನ್ ಕೊಟ್ಟಿದ್ದಾರೆ.