Year Ender 2021: ಈ ವರ್ಷ ಅಂತ್ಯವಾದ ಕನ್ನಡ ಸೀರಿಯಲ್​ಗಳ ಲಿಸ್ಟ್​ ಇಲ್ಲಿದೆ..

ಸರಸು ಧಾರಾವಾಹಿ: ಕನ್ನಡದ 'ಸರಸು' ಧಾರಾವಾಹಿ ಕಳೆದ ಆಗಸ್ಟ್‌ ತಿಂಗಳಲ್ಲಿ ಅಂತ್ಯವಾಗಿತ್ತು. ಈ ಧಾರಾವಾಹಿಯು 200 ಎಪಿಸೋಡ್‌ಗಳನ್ನು ಪೂರೈಸಿತ್ತು. 'ರಾಧಾ ರಮಣ' ಧಾರಾವಾಹಿ ಖ್ಯಾತಿಯ ನಟ ಸ್ಕಂದ ಅಶೋಕ್, 'ಸೀತಾ ವಲ್ಲಭ' ಧಾರಾವಾಹಿ ಖ್ಯಾತಿಯ ಸುಪ್ರೀತಾ ಸತ್ಯನಾರಾಯಣ್ ಅವರು ಈ ಧಾರಾವಾಹಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ಕಾರಣಾಂತರಗಳಿಂದ ಧಾರಾವಾಹಿ ಅರ್ಧಕ್ಕೆ ನಿಂತಿದೆ.

ಪ್ರಥಮಾ ಪ್ರಸಾದ್, ಪವಿತ್ರಾ ಬಿ ನಾಯ್ಕ್, ನಾಗೇಂದ್ರ ಶಾ, ಮಾಲತಿ ಸರ್‌ದೇಶಪಾಂಡೆ, ಗಾಯತ್ರಿ ಪ್ರಭಾಕರ್, ಪ್ರಗತಿ, ಅರ್ಪಿತಾ ಅಭಿನಯದ 'ಕಾದಂಬರಿ' ಸೀರಿಯಲ್ ಕಳೆದ ನವೆಂಬರ್‌ನಲ್ಲಿ ಅಂತ್ಯವಾಗಿದೆ.

2021 ಜನವರಿ 4ರಿಂದ ಆರಂಭವಾದ 'ರುಕ್ಕು' ಧಾರಾವಾಹಿ ಬಹಳ ಬೇಗ ಮುಕ್ತಾಯವಾಗಿತ್ತು. ಮೇ ತಿಂಗಳಿನಲ್ಲಿ ಈ ಸೀರಿಯಲ್ ಮುಗಿದಿದೆ. ಶೋಭಾ ಶೆಟ್ಟಿ ಆರಂಭದಲ್ಲಿ ಈ ಧಾರಾವಾಹಿಯಲ್ಲಿ ನಟಿಸಿ, ಆಮೇಲೆ ಹೊರಬಂದಿದ್ದರು. ಶೋಭಾ ಶೆಟ್ಟಿ ಜಾಗಕ್ಕೆ ರಚನಾ ಎಂಬ ಹೊಸ ನಟಿಯ ಆಗಮನವಾಗಿತ್ತು. ಟಿಆರ್‌ಪಿ ಕಡಿಮೆ ಬಂದಿದ್ದರಿಂದ ಧಾರಾವಾಹಿ ಅಂತ್ಯವಾಗಿದೆ ಎಂದು ಹೇಳಲಾಗಿತ್ತು.

ಕೌಟುಂಬಿಕ ಹಾರರ್ ಕಥೆ ಆಧರಿತ 'ಆಕೃತಿ' ಧಾರಾವಾಹಿ ಬಹುಬೇಗ ಅಂತ್ಯವಾಗಿತ್ತು. 'ಆ ದಿನಗಳು' ಸಿನಿಮಾ ಖ್ಯಾತಿಯ ನಿರ್ದೇಶಕ ಕೆ.ಎಂ. ಚೈತನ್ಯ ಈ ಧಾರಾವಾಹಿ ನಿರ್ಮಾಣ ಮಾಡಿದ್ದರು. ನಟ ಪವನ್ ಕುಮಾರ್, ಪ್ರಖ್ಯಾತ್, ‌ಉಷಾ ಭಂಡಾರಿ, ತನುಜಾ, ಶ್ರೀಧರ್ ಮುಂತಾದ ತಾರಾಬಳಗ ಹೊಂದಿರುವ ಈ ಸೀರಿಯಲ್‌ಗೆ ಎಂ ಕುಮಾರ್ ನಿರ್ದೇಶನ ಮಾಡಿದ್ದರು.

'ಬ್ರಹ್ಮಗಂಟು' ಧಾರಾವಾಹಿಯಲ್ಲಿ ನಟಿ ಗೀತಾ ಭಾರತಿ ಭಟ್, ಭರತ್ ಬೋಪಣ್ಣ, ಶೋಭಿತಾ ಶಿವಣ್ಣ, ವೀಣಾ ರಾವ್, ಟಿ ಎಸ್ ನಾಗಾಭರಣ, ಸ್ವಾತಿ, ಹರ್ಷ ಗೌಡ, ಸಂಜನಾ ಚಿದಾನಂದ್ ಮುಂತಾದವರು ನಟಿಸಿದ್ದರು. 1000ಕ್ಕೂ ಅಧಿಕ ಎಪಿಸೋಡ್‌ಗಳು ಪ್ರಸಾರವಾಗಿತ್ತು. ಕಳೆದ ಜುಲೈನಲ್ಲಿ ಶ್ರುತಿ ನಾಯ್ಡು ನಿರ್ಮಾಣದ ಈ ಸೀರಿಯಲ್ ಅಂತ್ಯವಾಗಿದೆ.

ನಟಿ ಚಂದನಾ ಅನಂತಕೃಷ್ಣ, ಸುಜಾತಾ ಅಕ್ಷಯ್, ಯಶವಂತ್, ಶ್ರೀರಾಮ್ ಮುಂತಾದವರ ನಟನೆಯ ಹೂಮಳೆ ಧಾರಾವಾಹಿ ಕಳೆದ ಅಕ್ಟೋಬರ್‌ನಲ್ಲಿ ಅಂತ್ಯವಾಗಿದೆ. ಆರಂಭದಲ್ಲಿ ಇದು ತ್ರಿಕೋನ ಪ್ರೇಮಕಥೆ ಅಂತ ಅನಿಸಿದರೂ ಕೂಡ, ತಾಯಿ ಪ್ರೀತಿ ಹೇಳುವ ಕಥೆ ಈ ಧಾರಾವಾಹಿಯಲ್ಲಿತ್ತು. ಇದು ಕೂಡ ಈ ವರ್ಷ ಅಂತ್ಯವಾಗಿದೆ.

ಪ್ರಿಯಾಂಕಾ ಚಿಂಚೋಳಿ, ಸುಜಯ್ ಹೆಗಡೆ ಅಭಿನಯದ 'ಮನಸಾರೆ' ಧಾರಾವಾಹಿ ಅಂತ್ಯವಾಗಿದೆ. 415 ಎಪಿಸೋಡ್‌ಗಳು ಅಂತ್ಯವಾಗಿತ್ತು. ಸ್ವಾತಿ, ಸುನಿಲ್ ಪುರಾಣಿಕ್, ಚರಿತ್ ಬಾಳಪ್ಪ, ಚಿತ್ಕಲಾ ಬಿರಾದಾರ್, ಯಮುನಾ ಶ್ರೀನಿಧಿ ಮುಂತಾದವರು ಈ ಧಾರಾವಾಹಿಯಲ್ಲಿ ನಟಿಸಿದ್ದರು.

ನಟ-ನಟಿಯರು ವೀಕ್ಷಕರಿಗೆ ಇಷ್ಟವಾಗಿಲ್ಲ ಎಂದು ನೆಗೆಟಿವ್ ಕಾಮೆಂಟ್‌ಗಳು ಬಂದಿದ್ದ 'ಲಗ್ನಪತ್ರಿಕೆ' ಸೀರಿಯಲ್ ಟಿಆರ್‌ಪಿ ಕಾರಣದಿಂದ ಅಂತ್ಯವಾಗಿತ್ತು. ಚೈತ್ರಾ ಕೋಟೂರ್, ಸಂಜನಾ ಬುರ್ಲಿ ಈ ಧಾರಾವಾಹಿಯಲ್ಲಿ ನಟಿಸಿದ್ದರು.